عاجل : كل تفاصيل رينو لوجان المغربية من مصادرها الرسمية !

**mmmmgogommmm** · 27-02-2009 06:26 PM

الرومانى ب68 امال الدوشة دى كلها على اية
مع العلم سعرها المفروض لايتخطى الخمسين

**إبراهيم.صادق** · 27-02-2009 08:12 PM

المشاركة الأصلية كتبت بواسطة aboabdo

سالت امس عن سعر السيارة في التوكيل في سور نادي الزمالك قال لي مندوب المبيعات أن الحجز قد بدأ وأن سعر الهاف اوبشن ب 64 ألف والكاملة ب 68 ألف:K_crying[1]:

المشاركة الأصلية كتبت بواسطة Ahmed Hamdy

وأنا سألت عنها يوم السبت اللى فات المعرض بتاعهم اللى فى المعادى قالى الحجز حيبدأ من بكره وحيكون السعر من 61 - 63 الهاف .. قلتله بس منزلتوش إعلانات فى الجرايد قالى أيوه ..

اكيد الكلام ده مش مظبوط لان النسخة الرومانية كان سعرها 69000 يبقى ازاي اللي بدون جمارك تبقى ب68 ولا 63؟؟؟
المفروض ان سعر الكاملة سيكون في حدود 55 إلى 60 ألف بالكتير قوي
في ملحق الاهرام النهاردة خبر عن طرح السيارة يوم 11/3 وان الشركة المصرية العالمية تجهز لاحتفال كبير بهذه المناسبة

**mmmmgogommmm** · 06-03-2009 07:36 AM

سلام عليكم اتصل بيا امبارح مسؤول المبيعات بتاع رينو وقالى المغربية خلاص نزلة شهر 5 والحجز بدا قلتلة بكام اعتقد انة قالى 55 الفاضية 63500 النص كماليات 67500 الكاملة قلتلة ازاى اذا كانت الرومانى اللى عليها جمارك ب68500 ازاى الللى من غير جمارك تبقى ب67 دى الجمارك لوحدها تعمل 25000 وقلتلة ياريت تفهم الناس المسؤلة عن تسعير العربية ان المستهلكين عارفين سعرها ومش ممكن يتصوروا ان الاتفاقية بتاعة اغادير معمولة عشان شخص واحد يستفيد منها وهو الوكيل دى اتفاقية عشان الشعب قالى دى عربية كبيرة واحسن من كل الموجود قلتلة يعنى هى عشان كبيرة مستخسرينها فينا بسعرها الحقيقى حاجة قرف

**hesham_shousha** · 06-03-2009 11:19 PM

يبقى غلطان الف غلطان اللى يدفع فيها مليم واحد
صحيح ياجماعه الاتفاقيه عشان الشعب موش عشان التاجر

**Rsarabia** · 07-03-2009 12:38 PM

فى سؤال عاوز اعرف اجابته

لما هى العربية بيقولو عليها ب 25 الف جنيه فى المغرب مش ممكن اى حد ينزلها من المغرب و ميدفعش جماركها ؟؟ يعنى يشتريها من هناك و يجيبها و خلاص و يوفر الفرق لو هتنزل ب 68 الف ؟
ولا احنا هنفضل طول عمرنا كدا ؟

**mmmmgogommmm** · 11-03-2009 10:26 PM

ياريت بس الوكيل محتكر الاستيراد واى حد تانى لازم يكون مقيم سنتين اوسنة متصلة فى المغرب

**itsonlyme** · 12-03-2009 12:25 AM

المشاركة الأصلية كتبت بواسطة Rsarabia

فى سؤال عاوز اعرف اجابته

لما هى العربية بيقولو عليها ب 25 الف جنيه فى المغرب مش ممكن اى حد ينزلها من المغرب و ميدفعش جماركها ؟؟ يعنى يشتريها من هناك و يجيبها و خلاص و يوفر الفرق لو هتنزل ب 68 الف ؟
ولا احنا هنفضل طول عمرنا كدا ؟

هي سعرها في المغربب مش 25 ألف ولا حاجة. سعرها 47 أو 56 أو 64 ألف حسب الكماليات. ودي كمان 1400 سي سي ومن غير تكييف (باستثناء اللي ب 64)

**itsonlyme** · 12-03-2009 12:29 AM

الخبر ده بيقول ان سعرها هيبقى 56 و 62 و 68. اللي ب 68 أوتوماتيك.

**Mostafa Taher** · 12-03-2009 02:51 AM

الله عليك يا نايل موتورز وعلى انفراداتك ..!!

كما انفرد نايل موتورز قبل الهنا بسنة ..

ContactCars ينفرد بتفاصيل حفل إطلاق "لوجان" المغربية في مصر
11 مارس 2009

أطلقت الشركة المصرية العالمية للسيارات "EIM" الوكيل الحصري لسيارات "رينو" الفرنسية في مصرلأول مرة سيارة رينو "لوجان" المغربية وذلك بعد انتظار طويل وشائعات أكثر.

شهد الحفل الذي أقيم يوم الأربعاء في فندق "فيرمونت تاورز" في مصر الجديدة حضوراً كبيراً سواء من أعضاء "EIM" أو رجال عالم السيارات أو الإعلام.

ألقى أولاً كاتسومي ناكامورا نائب الرئيس التنفيذي رئيس لجنة إدارة أسيا وإفريقيا كلمة أشاد فيها بالسوق المصرية ونموها ، وكذلك أشاد بـ"EIM".

ثم جاء الدور على خالد يوسف رئيس قطاع السيارات في "EIM" والذي قال : "بعد طول انتظار وصلت الدفعة الأولى من سيارات "لوجان" التي تم تصنيعها في مصنع سوماكا في المغرب ، ووصلت مصر من دون جمارك وفقاً لاتفاقية أغادير".

وأعلن يوسف أن "لوجان" المغربية تم طرحها بثلاثة طرازات 1600 سي سي ، 90 حصان أولها سعره 55.900 جنيه بناقل حركة يدوي ، فيما جاء الثاني بسعر 62.900 جنيه ، أما الطراز الثالث فسعره 66.900 جنيه ، والفروق هذه حسب إمكانيات كل طراز.

وكشف رئيس قطاع السيارات في "EIM" عن أنه سوف يتم طرح "لوجان "الرومانية بنفس سعر زميلتها "المغربية" من أجل إرضاء عملاء "رينو" في مصر.

شهد الحفل عرض ثلاث سيارات واحدة منها فقط من خط إنتاج المغرب والاخرتين من خط إنتاج رومانيا ، وقد قام الحضور بتجربة السيارات الثلاث ولم يلاحظوا وجود أي فرق بين القادمة من أوروبا أو تلك القادمة من إفريقيا.

إلى ذلك ، علم ContactCars.com أن الدفعة الأولى من "لوجان" المغربية سوف يتم طرحها في مايو المقبل ، في حين أن الدفعة الأخيرة من الرومانية تم حجزها وسيتم تسليمها قريباً.

انتظروا المزيد من التفاصيل عن حفل إطلاق "لوجان" المغربية فقط على ContactCars.com ، إذ سيتم طرح كافة صور الحفل والسيارة الجديدة ، فضلا عن فيديوهات تفصيلية لمميزات السيارة التي طال انتظارها في مصر.