الموضوع: عاجل : كل تفاصيل رينو لوجان المغربية من مصادرها الرسمية !

السلام عليكم
يا جماعة انا كلمت التوكيل النهاردة 16202 و قالولى انه العربية هاتنزل رسمى فى نصف مايو و انهم بس فاتحين باب الحجز دلوقتى لوجان المغربى و برضه مش هايطبق عليها موضوع الزيرو فوايد لحد دلوقتى و لا حتى فيه معلومات عن التقسيط المباشر بتاعها.
ولسه غالبا على شهر مايو هاتبان الامور.
و العربية متاحة دلوقتى للفرجة فى المعارض و بالذات بتاعة الشركة.
و على فكرة اللى نازلة شكلها احلى من القديمة على حسب كلام واحد صاحبى معاه اللوجان الرومانى و هوا بيقول تقريبا هيا هيا بل يمكن المغربى احلى فى الشكل من حيث الفوانيس و الشبكة الامامية و التابلوة اللى فيه فضى و كده. و برضه بيشكر فى العربية الرومانى اللى معاه اوى و بيقول انها معاه من اكتر من سنة و مفيهاش الهوا و هوا بيسافر بيها مسافات كبيرة باستمرار و انا شخصيا ركبتها معاه و رايى انها ممتازة واسعة من ورا فى الكنبة جدا و رجلك تبقى مرتاحة و كمان حتى قدام التابلوة و القعدة جميله و صوتها هادى اما كمان اللى عجبنى الشنطة واسعة جدا 510 لتر يعنى رميت فيها شنط و عربية بنتى مريم و كانت لسه ممكن تاخد كمان.
برضه امبارح دخلت على اليوتيوب و دورت على رينو لوجان و شوفت كليبات ليها و برضه المغربى منها و كان فيه كليب لواحد شاب مغربى جايب بالعربية سرعة 190كم فى الساعة .
السؤال دلوقتى هل ممكن بعد مافتحوا باب الحجز و يبقى فيه اقبال على العربية خصوصا انه باب الحجز هايفتح قبل ما يسلموا بشهرين . انهم يرفعوا تمن العربية زى ماحصل مع FRV وغيرها.
السؤال التانى ليه مفيش حد من ملاك اللوجان الرومانى كاتب تقييم عن العربية بعد الاستخدام يعنى بعد 10 الاف كم و كده و ميزات و عيوب العربية .
ياريت حد من ملاك العربية يخش يقولنا رايه فى العربية بعد الاستعمال عشان نعرف بس معلومات اكتر.:k38:

انا شايف سعر العربية معقوول وكويس