هو ايه الموضوع
شكل الحكايه كدا كبيرة اوى وبصراحه انا مليش فى الحكايه دى
اصل سلومة الاقرع ايده زى خف الجمل
عرض للطباعة
هو ايه الموضوع
شكل الحكايه كدا كبيرة اوى وبصراحه انا مليش فى الحكايه دى
اصل سلومة الاقرع ايده زى خف الجمل
ما هو ده اكتر حاجة مضايقانى يا ا/سامح، ان الموازين مش فى صالحنا حاليا ابدا. هم دائما ما يتعلمون من اخطائهم، اما نحن فلا نمل من تكرارها. زمان من 36 سنه، قدرنا نحيد السلاح الحديث، يعنى الطيارة الحديثة المتفوقة حيدها صاروخ الدفاع الجوى، و احدث الدبابات حيدها صاروخ صغير محمول على كتف فرد المشاه الغلبان سواء تعليما او معيشيا.... لكن ايه، وهو ده اللى ما كانوش عاملين حسابه، ما جابتوش ولادة، ودراعه تتلف ف حرير، حيد ابوها لانه رغم بساطته و بساطة تعليمه لاحظ انو لما بيضربها تحت البرج بالظبط بتولع نار، وده لان سائل الهيدروليك اللى بييدور عن طريقه برج الدبابة كان قابل للاشتعال، ولانه نشنجى ابن نشنجى، كان بيجيب امها فى اضعف حته فيها، والتى تتطلب مهارة فائقة لم يكن جهابذة التسليح فى العالم يتخيلون وصول هذا الانسان البسيط اليها. واسألوا عبد العاطى صائد الدبابات. وقس على هذا الكثير و الكثير.
لذلك سيظل الامل فى الانسان المصرى فقط. هو ده اللى مهما الايام بهدلته، لكنه قادر على المستحيل ان شاء الله.
هو سلومة الأقرع وصل هنا كمان ، طب يعنى نفضفض فين بقا إن مكانش فى نايل موتورز
بصراحة أنا سعيد بالمعلومات اللى عرفتها بالذات من العضوين العزيزين سامح و ماهر فعايز أسألهم سؤال: ممكن أعرف تخصص حضراتكم؟
انا درست مجال، لكنى اعمل بمجال مختلف تماما هو ادارة الازمات فى شركة كبرى، اما بخصوص المعلومات، فحضرتك تقدر تقول عنى انى انسان متعدد الاهتمامات.
وأنا جيولوجى دراسة وشغل ، والإهتمامات تاريخ عسكرى وسياسة ، فرصة سعيدة يا دكتور أحمد ويا أستاذ ماهر
وأنا مدرس بالجامعة وأستشارى جراحات الأذن والأنف والحنجرة وسعيد جدا بمعرفتكم وأتمنى لقائكم وباقى الأعضاء فى أقرب مقابلة للمنتدى
التفكير الإيجابى مطلوب طبعاً فى النواحى الشخصية والحياتية ، إنما لما يكون ميزان القوى مختل جدا بيننا وبين أقرب أعداءنا فده يدعو لدق أجراس الخطر فعلاً يا بشمهندس خالد ، إحنا محتفظين ليه بجيش ونصرف عليه ونشترى سلاح ؟ الإجابة الواقعية عشان إسرائيل - يبقى دايماً لازم نعمل مقارنات أو تقدير للموقف زى ما بيقول العسكريين وإلا نتائج أى مواجهة محتملة هتبقا سيئة فعلاً ومفاجأة ..
ومع ذلك إحنا مش متشائمين وعايشين حياتنا برضه :) بس نفسنا البلد دى تكون قوية ومنيعة ومخيفة فى نفوس أعداءها
وطبعاً جيشنا كويس وبيدرس إسرائيل كويس وكفاءته عالية جدا جدا بالنسبة لإمكانياته التكنولوجية المتواضعة ، إنما بيعوضها بالتدريب وبالعدد وبالقدرة على تحمل خسائر ، بس يا ريتنا كمان بنتطور بالشكل ده فى نوعية السلاح نفسه
صحيح السد العالى مش بيكفى مصر كلها ، اللى عارف يا ريت يقولنا نسبته أد إيه ، أعتقد إنه لا يتجازر الثلث بأى حال من الأحوالاقتباس:
علي فكره يا جماعه فيه حاجه عاوز اضيفها لكلام الباشا
انا سمعت ان الكهربا اللي السد بيطلعها يا دوب بتنور اسوان وكام قريه حواليها
انما مصر بتاخد كهربا من محطات توليد تانيه بعيده تماما عن السد العالي
مره كنت راجع من البحيره وانا راكب مع صاحبي في العربيه بس مش فاكر الطريق كان فين احنا كنا راجعين من مركز بدر وماشيين من طريق يوصلنا لطريق مصر اسكندريه الزراعي
وفرجني علي محطه كهربا نوويه شكلها عظمه بصراحه
وفيه شركه بترول بلاعيم تقريبا جواها محطه توليد كهربا بتغذي نسبه كبيره من مصر
فبكده المفروض نفهم ان كهربه السد دي كلها يا دوب كانت علي قد مصر في فتره الستينات ايام لمبات الجاز والتيار ال 110 فولت ولا كان فيه تكييفات ولا الاجهزه الموجوده دلوقتي وميتهياليش اننا سمعنا عن توسيع او تزويد اي حاجه تتعلق بالطاقه اللي السد العالي بينتجها
ويا ريت لو حد فاهم اكتر يوضح المعلومه
بس راجع موضوع (نووية) ده لأنه مش موجود فى مصر ، حتى مفاعل أنشاص بيستخدم فى مجال الأبحاث والتدريب والتعقيم لأنه مفاعل صغير 11 ميجا وات
بالمناسبة ال 110 فولت مالهاش علاقة بالإستهلاك ، فى الآخر إنت بتستهلك (وات) اللى هو = فولت × أمبير ، يعنى لو عندك جهاز قدرته 1000 وات ، على الكهربا ال 220 فولت هيسحب 4.5 أمبير تقريباً فى حين إنه على الكهربا ال 110 فولت هيسحب 9 أمبير ، يعنى فى الآخر الإستهلاك هو هو ، إنما الفرق فى أن نظام ال 220 فولت أأمن شوية لأن السلك بيمشى فيه تيار أقل بمقدار النصف وبالتالى لا يحتاج لأقطار كبيرة ويستطيع التغلب على مقاومة الأسلاك بشكل أكبر لإرتفاع الجهد