الزجاج فيه نقرة أعمل إيه ؟

**Sameh** · 03-02-2009 09:44 AM

الباربريز اللى قدام حصل فيه نقرة اللى هى شكل النجمة كدة ، وخايف توسع أو الزجاج يسرطن مرة واحدة أو أى حاجة تانية ، حد يعرف ده خطر فعلاً ولا عادى أسيبها ولا المفروض أعمل إيه ؟

**ahmad5997** · 03-02-2009 10:01 AM

اولا قدر الله وماشاء فعل
لو النقرة دي ثابتة بمعني انك لو دوست عليها مش هتكبر يبقي حطيلها استيكر شفاف كبير شوية من الناحيتين من بره ومن جوة واستحمل رخامته شوية وبقول استيكر مش سلوتيب عريض لا استيكر كبير يعني 5سم * 5سم مثلا وده عشان يقفش الازاز من بعد النقرة
اما لو دوست عليه ولقيته بيكبر وبيتسع يبقي كن حذر جدا وغيره
والله اعلم

**kh_talaat** · 03-02-2009 10:51 AM

في ناس بتصلح شروخ الزجاج بتاع السيارات ممكن تروح لحد منهم وخصوصا ان الشرخ عندك صغير وممكن يتلحق قبل ما يسرطن

في محل في نهاية شارع مجلس الشعب عند تقاطع شارع بورسعيد بالسيدة زينب

**aymansaad** · 03-02-2009 04:32 PM

امس اسحبت منى الرخصة بسبب نقرة وعملت شرخ رحت اسئل عن اصلحها بمحل اسمه الدكتور فى السويس امام المحكمة بس لقيت انه قالى ان الشرخ يمكن اصلاخه اما النقرة سوف تظهر وتبان ففضلت اركب زجاج امامى وربنا يستر من النقل على طريق السويس لان السن اللى بيقع من العربيات بنقر الزجاج وطبعا يتوع الزجاج مبسوطين!!!

**Sameh** · 03-02-2009 05:14 PM

ماهو ده السبب برضوا كام زلطة كدة على الدائرى ، هو الزجاج الأمامى سعره كام ؟ وهل الشرخ حصل بعد النقرة يعنى ولا حصلوا سوا

**aymansaad** · 03-02-2009 06:22 PM

الشرخ حصل بعد النقرة والزجاج الطبقة واحدة يعنى بيتفتت لما ينكسر بحوالى 90جنية و الطبقتين بحوالى190جنية عربيتى 131
والراجل اللى ركبهولى قالى ى العاشر من رمضان ارخص بحوالى 160 او150 بس لما حسبت التكلفى لقيت فى السويس احسن وارخص وادعولى فى المرور بكرة ان شاء الله