الموضوع: وركبت الفوج لايت

المشاركة الأصلية كتبت بواسطة kita66

ألف مبروك يا باشا بس ليا سؤال لو هركبهم فى التوكيل هتتكلف كام

تخيل ان السبع بياخد فى تركيبهم 140جم وبيشترط عليك تشترى دراع الsuper salon
ب175جم يعنى الحسبه بتزيد عن 315جم
اخوانا بتوع يونايتد جروب بياخدو 300جم مصنعية التركيب فقط وبيركبه على الزار الى انتا جيبه
وانا شايف ان المعلومات الى انا جبتها من مهندس الكهرباء الى فى التوكيل حلت المعضله واتعرفت التركه الى هما محتفظين بيها
ودلوقتى الراجل الى فى باور ماكس اكتسب خبره فى تركيبهم ماتقلش عن الى موجوده فى التوكيل وبسعر زهيد جدا مقارنة بأسعار التوكيل
والله المستعان
واى خدمه

المشاركة الأصلية كتبت بواسطة hany79

مبروك يا باشا بس كنت عايز اسالك في حاجة هو الزرار اللي حيشغل الفوج عملوا ازاي او فتح في حتة عشان يركبه ولا ايه؟؟
انا عايز اركبهم بس خايف من الاختراعات

بص يا اخ هانى الموضوع مافيهوش اى اختراعات ولا اى افتكاسات
شوف الزرار الى بيفتح الشنطه عندك فيه تحتيه طبه مسمطه اول ما بيتفك الوش الى تحت علبة الدركسيون الراجل بيزق الطبه دى من جوه بتخرج معاه عادى جدا لأنها كبس يعنى مش ملزوقه ولا مربوطه ولا اى حاجه والزرار الى جاى مع الفوج لايت بيركب مكانها كبس برضه وبيكون مقاسها بالضبط يعنى مافيش اى تكسير او حتى تخليع هايحصل فى العربيه بل ان المنظر هيكون احسن من الطبه لأن بقى فيه مكانها زرار وانا ان شاء الله لو تسنى لى الأمر هبقى اصورهالكم
والله المستعان
واى خدمه

المشاركة الأصلية كتبت بواسطة د./اليشع ثابت

الف مبروك يا باشا
ربنا يبارك لك فيها يارب
ولى سؤال بوجة عام
هل ينفع انى لما اركب الفوجات اخلى التوصيلة مع اضاء النور الصغير للعربية
يعنى لما تنور التابلوة و النور الصغير ينفع تضاء معة الفوجات
وشكرا لسيادتكم

على حد علمى
مش هاينفع
لأن التوصيله الى انت بتتكلم عليها مجهزه لتحمل جهد معين من التيار
لو حضرتك اضفت ليها الفوجات هاتسيح وتضيع
ودا الى بيحصل لو انتا ركبت لمبه جهدها عالى على مفتاح النور من غير كتاوت
وبعدين النور الواطى الى حضرتك بتتكلم عليه ماينفعش تقيده بنور الشبوره يعنى لو انتا هاتشغل النور الهادى علشان راكن فى مكان هاتضطر انك تشغل نور الشابوره فلأفضل انك تخليهم بزرار مستقل

ودى وجهة نظرى المتواضعه

مفيش جديد عن الموضوع دا يا جماعه حد ركب الفوجات

ألف مبروك ربنا يبارك و الحقيقة أنا كنت فاكر ان موديل 2009 نازل بفوج لايت كده يبقى معلومة جديدة أن موديلات 2010 نازلة بفوج لايت فى كل فئاتها و ده يعتبر من ضمن الفروق بين موديلات 2009 و 2010 و يعتبر هذا من ضمن الرفاهيات المضافة مؤخراً للصنى