لو بدون قصد طبعا خبط سيارة واقفة بون سائقها..ماذا سوف تفعل بجد وبحق وحقيق....خليك صريح وقول وشارك....يترى احنا لسة بنهتم ببعض ولا الظروف اجبرتنا على غير ذلك
لو بدون قصد طبعا خبط سيارة واقفة بون سائقها..ماذا سوف تفعل بجد وبحق وحقيق....خليك صريح وقول وشارك....يترى احنا لسة بنهتم ببعض ولا الظروف اجبرتنا على غير ذلك
يعني انا مخبطتش عربية قبل كدة
بس اعتقد هحاول اوصل لصاحبها او اسيب له وسيلة هو يوصلي بيها ونتفاهم
حصلي حاجة مشابهة بس مش في عربية... كنت في محل وكسرت زجاجة برفان وفضلت مستنية اشوفها بكام علشان ادفع تمنها وجات بنت قالت لي البرفانات مش تبعي
فضلت انا الف في المحل على المسئول لحد ما لقيت رئيسهم وقالي خلاص حصل خير خصوصا انها كانت تيستر
حصلتلى من شهرين و كسرت فانوس التو سيبتلوا الكارت بتاع الشغل و فيه نمرة التليفون و كلمنى فعلا و رحت جبتهولو من التوفيقيه كان ساعتها ب 250 جنيه بس الواحد بيريح ضميره
انتظر واحاول احصل على صاحبها
على الاقل لاعتذر له
سواء كنت مستعجل أو لأ برضه هسيبله الكارت بتاعى على المساحه مع إعتذار ظريف ,وأقابله بعدها وهوه هادى وأدفعله تمن اللى انا كسرته(أكيد مش هستنى وأفرج الناس عليه...ده أنا إبن ناس يا ناس:beatdeadhorse5::beatdeadhorse5:)
ده كان رد فعلي لما حصلي الموقف ده من حوالي شهر ونص أو شهرين
وده موقف تاني حصللي أول ماجبت العربية
بس الناس هنا في المنتدي لما حكيتلهم الموقف قالولي ان الخبطة بالصورة اللي بتحكيها تكلفتها مكنتش توصل ابدا ل 100 جنيه وانها بالكتير 50 جنيه أو اقل من كده كمان
بس مش فارقة يعني المهم اني عملت اللي يريح ضميري
انا الحمد لله ماحصلتش معايا قبل كده بس لا قدر الله لو حصلت هاسيب الكارت بتاعي في المساحه علشان يكلمني...
قبل كده واحد خبط الباب عندي و نزلت لاقيته متعجن و لاقيت الراجل مستنيني علشان يصلحهولي بس انا ما ختش منه فلوس ولا خليته يصلحها... روحت للسمكري ردها علي البارد و رشيت العربيه كلها بعديها بشهر
يا جماعه انتو بتتكلمو عن العربيات ، انا كنت مع واحد صاحبى مشايين بعربيته فى شارع الهرم و كان وراه واحد مستفز جدا عمال يديله كلاكسات و نور ،
المهم صاحبى ده اتحرق دمه من الاخ ده ، فداس بنزين و خاد غرزة و بعد عنه ،
فجأة بعد حوالى خمسين متر تقريبا لقينا واحد بتاع نوبيرا بيوقفنا و يقول لنا اننا خبطنا طفلة كانت بتعدى الشارع مع والدها و البنت سايحة فى دمها ( ده الكلام اللى هوه قاله).
المهم مفيش دقيقة بالضبط لفينا من اول ملف و رجعنا علشان نشوف فيه ايه،
ملقيناش اى حاجة خالص و سالنا الناس اللى كانت واقفة ، هل فيه واحدة اتخبطت كل الناس قالت لا..
كان فيه امين شرطة واقف سألناه قال مفيش حاجة،،،
الغريبة ان احنا متأكدين ان البنت كانت عدت الشارع هى كانت فعلا عل شعرة و تتخبطت بس احنا متأكيدين ان احنا مخبطنهاش.
حاولنا نوصل لها معرفناش فعلا و صاحبى حالته كانت صعبة جدا بسبب الموضوع ده و مكانش عارف يعمل ايه...
حصلى موقفزيك بالظبط
لما العربية اتخبطت ورحنا القسم وجينا نمضى على محضر التصالح فى الاخر
لقينا امين شرطة بيقول ما تقفلش المحضر
دا فى واحد بموتسيكل قفلوا علية وخبطوة وسايح فى دمة فى المستشفى
وماكنش فى عجلة اصلا ساعتها
ادارى اللبية كان بيهزر بعد ما بوظ اعصابنا
انا شخصيا لو ملقتش صاحب السيارة حسيب رقم تليفوني فقط
لاني مش حقف استني وممكن يطلع واحد مش محترم وابهدل نفسي
ولو معايا كميرا حصور الخبطة احتياطي ونمر السيارة
ولما يتصل نتفاهم وادفعله التكاليف
انما لو زعق وشتم وعمل هليلة في التليفون يبقي مقدرش اني حاولت اصلح ما افسدته ويبقي شخص غير محترم ويخبط دماغه في الحيط لحد ما يتعلم الادب وبعدين يتصل تاني