الموضوع: عاجل...طلب ضروري اوي لاصحاب الخبرة بس بسرعة امنة عليكم...

في الأول :كل الاحتيارات الي حضرتك مختارها تمام قوي
العربيات اللي حضرتك اختارتها نقسمها فئتين :
1 - العائلية الصغيرة : ( أوكتافيا - جيتا - سيفيك - كورولا )
أوكتافيا : أسعار قطع غيار معقولة - مناسبة للطرق المصرية - شكل فخم - انتشار مقبول - سعر إعادة البيع .
جيتا : مميزاتها أعتقد زي الأوكتافيا ... وتزيد عنا في تصميمها الرياضي .
سيفيك : قريبة من الأرض ( دي ممكن تشوفها ميزة أو عيب ) - أعتقد قطع غيارها أعلى من الجيتا والأوكتافيا - قوة جبارة - مش منتشرة قوي - تصمم رياضي .
كورولا : اسم وحده يكفي - سعر إعادة بيع ممتاز - توافر قطع الغيار بأسعار مقبولة - تصميم السيارة من الخارج عليه بعض الاعتراضات وخاصة من الخلف .
لو الاختيار من دول ( أكيد أوكتافيا أو جيتا )
دول وجهان لعملة واحدة ( حضرتك عايز عربية مش منتشرة ( ييبقى الاختيار هنا : الجيتا )
أسعار الجيتا : 17000 - 185000 - 212000 ( تختلف الأسعار على حسب مستوى التجهيزات المتوافرة )

2 - العائلية المتوسطة : ( باسات - مونديو - 407 )
لو الاختيار من دول ( أكيد باسات )
بصراحة معنديش فكرة كبيرة عنهم ...
بس أنا لو هختر واحدة منهم ( هتبقى الباسات ) دي فعلا جيتا بس أكبر في كل شيئ .
مونديو : أسعار قطع غيار مرتفعة - اتساع داخلي - سعر إعادة بيع مش حلو - وزن السيارة مرتفع نسبيا ( 1450 ك )
بيجو 407 : لم يسوقها التوكيل بالشكل المناسب - تفقد الطلب عليها يوما بعد يوم .
أما الباسات : أعتقد إنها حلم أي فرد ليس فقط في مصر ولكن في معظم الدول العربية .
أسعار الباسات ( تبدأ من 230000 - 267000 - 285000 - 292000 )

في النهاية : أنا رأيي بين عربيتين :
1 - جيتا : أنا من وجهة نظري لمن يحب Bmw .
2 - باسات : لمن يحب مرسيدس .

الفرق بين الجيتا والباسات :
1 - الطول : 4.55 متر - 4.76 متر .
2 - العرض : 1.78 متر - 1.82 متر .
3 - قاعدة العجلات : 2.58 متر - 2.71 متر .
4 - الوزن : 1270 ك - 1340 ك .
5 - الارتفاع عن الأرض ( الخلوص ) : 13.6 سم - 13.2 سم .
6 - سعة صندوق الأمتعة : 527 لتر - 565 لتر .

وصلنا كده للنهاية :
السيارتين متشابهتين في حاجات كثيرة .
الفيصل السعر : الجيتا ( أعلى فئة 212000 ) - الباسات ( أقل فئة 230000) .
من وجهة نظري الفيصل في الاختيار عدة عوامل :
1 - المبلغ المقترح للشراء .
2 - مدى أهمية الكماليات المتوافرة .
3 - طبيعة الاستخدام ( مثل حجم العائلة والأفراد - الفترة التي تقضيها في السيارة بأفراد وأمتعة ) .

ياريت لو في أي استفسار ... لا تتردد
ويا رب أكون أفدتك ... ولم أحرك

أولا : مستويات الجيتا :
1 - الباقة الأولى :
تأتي بالتجهيزات القياسية مثل ( ناقل حركة أتوماتيكي 6 سرعات - تكييف هواء أتوماتيكي كليماترونيك - باور - زجاج كهربائي - إغلاق مركزي - 6 وسائد هوائية - التحكم في المرايا الجانبية من الداخل ... وحاجات تانية كتير )
2 - الباقة الثانية :
يضاف على ما سبق ( عجلة قيادة متعددة الوظائف - مثبت سرعة - وجود تيبترونيك بعجلة القيادة )
3 - الباقة الثالثة :
يضاف على ما سبق (مصابيح ضباب - فتحة سقف - فرش جلد طبيعي )


ثانيا : مستويات الباسات :
1 - الباقة الأولى :
زجاج كهربائي - إغلاق مركزي - مقعد السائق قابل لتعديل ارتفاعه - تكييف هواء أتوماتيكي كليماترونيك - باور - مؤشر لدرجة الحرارة الخارجية - ريموت كنترول - 6 وسائد هوائية - قارئ أسطوانات - ناقل حركة أتوماتيكي مزود ب6 سرعات مع نظام تيبترونيك - عجلة قيادة متعددة الوظائف مكسوة بالجلد - مصابيح ضباب )
2 - الباقة الثانية :
يضاف على ما سبق ( عجلات رياضية 16 بوصة - فتحة سقف زجاجية - جلد طبيعي )
3 - الباقة الثالثة :
الشبكة الأمامية وإطار علامة VW الأمامية مكسوة بالكروم - كونصول من خشب الأبانوس - مصابيح أمامية زينون مع إمكانية التحرك مع عجلة القيادة - حساس للضوء - حساس للمطر )
4 - الباقة الرابعة :
ستائر كهربائية خلفية - ستائر يدوية جانبية - تجهيز تليفون - مشغل mp3 ... )
ولمزيد من التفاصيل :
http://www.eaec.com.eg/


ثالثا : فورد مونديو :
يعود موديل مونديو مرة أخرى للسوق المصري ...
ولكن هناك بعض التحفظات عليه مثل ( وزن السارة المرتفع نسبيا والذي لا يتلاءم مع سعة المحرك - سعر إعادة البيع - أسعار قطع الغيار ....
طبعا موديل فخم جدا ويتميز بالتساع الداخلي الملحوظ ( الطول : 4.84 متر - العرض : 1.88 متر - سعة صندوق الأمتعة : 540 لتر )


BMW 318 i :
السيارة مجمعة محليا - محرك 2000 سي سي بقوة 136 حصان - ناقل حركة أتوماتيكي 6 سرعات مزود بتيبترونيك - مثبت سعة - عجلة قيادة متعددة الوظائف .....


العربيات الأربع دول مفيش كلام عليهم
انت عايز عربية معمرة لفترة طويلة
عايز عربية فخمة ومميزة

من الاخر كده شوف نفسك وراحتك النفسية هتوديك على فين ( احنا أذواقنا مختلفة )

أهم حاجة شوف الأسعار مرة تانية :
1 - جيتا ( 170000 - 185000 - 212000 )
2 - باسات ( 230000 - 267000 - 285000 - 29200 )
3 - مونديو ( 200000 ) ناقل حركة يدوي
4 - بي إم دبليو ( 280000 )

برضه هرجع تاني أقول إن الاختيار هنا مسألة ميول وأزواق :
أنا لو هختار بين الجيتا و 318 : هختار جيتا ( طبعا عشان فرق السعر وأسعار قطع الغيار ) أنا شايف إن الاثنين متشابهين في الفخامة .
ولو هختار بين الباسات والمونديو ( أكيد الباسات لأني مش معقول أدفع ربع مليون جنيه في سيارة مانيوال - وكمان سعر إعادة البيع للباسات أحسن )

ده مجرد رأي خاص يحتمل الصواب والخطأ ... أهم حاجة فكر بتركيز وشوف العربيات دي على الطبيعة وربنا يوفقك لما فيه الخير