الموضوع: مهم جداااااااااااا مقارنة حاااااااسمة

بص يا باشا
بعد لف و دوران كتير جدااا لى
فضلت الانسر 1600 اوتوماتيك
الاسباب
1-كشكل حبيتة عن الباقى و خصوصا عن التيدا
2-كثبات محترمة جداا على السرعات العالية و المنحنيات
3-الفتيس الاوتوماتيك كصناعة و تقفيل يابانى عمرة اطول من الكورى بشهادة العديد من الميكانيكية
4-كاقطع غيار و توكيل و صيانة منتشرة بشكل ال 131
5-كاعادة بيع و ثبات السعر انظر انتشارها فى البلد
ولو ان دة البعض يعتبرة عيب كثرة الانتشار و لكن انا يهمنى الجودة و الثبات عن لمجرد الاختلاف
6-اهم نقطة كارتفاع عن سطح الارض فثق لن تحك فى اى مطب مهما كان و مهما كانت الركاب معك بفضل العفشة الرياضية القوية
7-كسحب محترم جدا و التكييف ليس لة تاثير على السحب
ولا تشعر بالنقل الاوتوماتيكى زيادة او نقص فى التسارع
اهم حاجة ارتياحك الشخصى للعربية
يارب اكون قدرت اوضح اى حاجة لحضرتك واى سؤال تحت امرك
والاول و الاخر الراى لك
و بالتوفيق باذن الله

المشاركة الأصلية كتبت بواسطة zizophone

بص بقي من الاخر علشان تريح دماغك قول انك بتتكلم ياما في النترا ياما في لانسر بومة فل وفكك من التيدا الي مش حتلاقليها مسمار والاسبرانزا الي محدش جربها دي انا حقلك رئيي في الاتنين وانت اختار براحتك بقي .
الانترا:
مميزتها1-صباح الفخامة الي من جوة والراحة في القاعدة الي مش حتلاقيها في اي عربية غيرها بالتمن دة.
2-مكنة في التجميع ملهاش حل وصوتها واطي وحلو وقطع غيار متوفرة والف مين يشتغلك فيها.
يعبها :1-طبعا كوري ياعني عيشني النهاردة وموتني بكرة من يامة الامان وكدة على الرغم من ان مفيش حد اشتكي منها
2-الاتزان بتاعها على الطريق مش قد كدة علشان باور كهربا وعن تجربة
الانسر:
مميزتها1-يباني ياعني طول ماهي سليمة وانت محافظ عليها حتعيش معاك ومش حتقرفك عكس الكوري.
2-قاعدتها حلوة برضة مش وحشة بس مش فخمة قد كدة.
3-أنسبابية اكتر وعفشتها في ال1600 جميلة والمكنة حلوة برضة واتزنها على الطريق جامد.
4-قطع غيار زي الرز نظرا لانتشارها الوااااااااااسع جدا.
عيوبها:1-عزلها عن الطريق وحش ياعني وانت قافل الازاز ومشغل التكيف تسمع الارض بتحك في الكاوتش .
2-انتشارها مش حيحسسك بتميز حتالقي نفسك مخنوق شوية من انك ركب زي الناس وشكل تقليدي .
سحب البنزين في الانترا والانسر عالي جوة البلد انما برة على الطريق الانسر اققل طبعا انا بتكلم على الفئتين 1600 اوتماتيك مش اي حاجة تانية

الله عليك يا زيزووو كدة متفقين
نطلع الخلاصة علشان اخونا يفهم كويس
1- الى يدفع دم قلبة هنا فى مصر يبقى علشان عايز اولادة كمان يتمتعوا بالعربية
و ليس مبدا عيشنى النهاردة يبقى تكسب الانسر
2- الامان و الثبات دى مطلبنا جميعا ربنا يسترها علينا جميعا يارب يبقى برضة حضرتك تكسب الانسر
3- توافر قطع الغيار اكتر و لو ان اليابانى طبعا كمان معمر اكتر يبقى برضة تكسب الانسر
4- هى الفاصل بقة انا ( رأى الشخصى ) مش هضحى بكل دة و افضل الالنترا لمجرد انى اكون مميز عن انتشار الانسر
5- تكييف الانسر ممكن يكون اضعف انا معاك بس ربنا يديكوووو طول العمر هو معمر جدااا و لا اعطال عكس الكورى قوووى جدا لكن عمر اقل
و ممكن المحافظة على قوة تكييف الانسر بالعناية بتنظيف الفلتر فقط لاغير
ولسيادتكم جميعا الشكر

شكرا يا جماعة على الاراء و سرعة الرد

انا مش متبع مبدأ عيشنى انهاردة و مع ذلك مبحبش خنقة الانتشار بتضايقنى جدا و طبعا عايزها واسعة و عائلية و كمان عالية عشان انا عندى صنى 2000 جابتلى عقدة نفسية من المطبات و كرهت حاجة اسمها تعويم و يا سلام بقى لما بكوون معايا وزن تقيل يعنى من الاخر مشكلتى مع كل واحدة فى دول هى

النترا :
1- كوووورى
2-منتشرة اوووى

تيدا :
1- شكلها مش ولابد
2- زهقت من النيسان (انا معايا صنى 2000 و مش ناوى ابيعها)

لانسر
1- انا كنت بفكر فى الشكل الجديد بس لما نزلت الفئة شوية قولت مش معقول افكر فى عربية كنت هاجبها من سنتين
2- الانتشاار البشششع
3-فى ناس بتقول انها ماليزى مش يابانى

تيجو
1- العيب الاوحد و الاخطر انها صينى