رجرجة بعد الدوارة صباحا !!

**abf-nassar** · 04-02-2009 11:25 PM

اسمحولي اقول راي قد يحتمل الصواب او الخطأ
احتمال احد البوجيهات بياخد رطوبة مع طول الركن وبعد ما الموتور بيسخن بيطرد الرطوبة منه ويبدأ يشتغل
وعند ركنها مدة طويلة وهي العشر ساعات بيرجع البوجيه يسحب الرطوبة تاني

**samirayad** · 04-02-2009 11:30 PM

المشاركة الأصلية كتبت بواسطة moby

شكرا
وسوف أجرب وأرش أسبراى على السوسته قبل ما أدور السيارة الصبح....
ومرة أخرى أشكرك على تعبك وحسن تقديرك...

أى خدمه ياباشا..............ومفيش تعب ولاحاجه

**moby** · 04-02-2009 11:32 PM

المشاركة الأصلية كتبت بواسطة abf-nassar

اسمحولي اقول راي قد يحتمل الصواب او الخطأ
احتمال احد البوجيهات بياخد رطوبة مع طول الركن وبعد ما الموتور بيسخن بيطرد الرطوبة منه ويبدأ يشتغل
وعند ركنها مدة طويلة وهي العشر ساعات بيرجع البوجيه يسحب الرطوبة تاني

شكرا على ردك
هو كلام منطقى لكن السيارة بتدور بشكل صحيح أولا ثم بعد 3 دقائق تقريبا تلخبط وتترج ثم تتعدل مرة أخرى بدون تدخل منى..
على فكرة أنا مركب بوجيهات أيرديوم ..

**samirayad** · 04-02-2009 11:32 PM

المشاركة الأصلية كتبت بواسطة abf-nassar

اسمحولي اقول راي قد يحتمل الصواب او الخطأ
احتمال احد البوجيهات بياخد رطوبة مع طول الركن وبعد ما الموتور بيسخن بيطرد الرطوبة منه ويبدأ يشتغل
وعند ركنها مدة طويلة وهي العشر ساعات بيرجع البوجيه يسحب الرطوبة تاني

لو العيب رطوبة بوجيهات كان يبقى من أول ماغيرها....ولكن حضرتك دا عيب طارىء

**Shiref_mohamed** · 05-02-2009 09:32 AM

اكشف على البوجيهات والكابلات

**moby** · 05-02-2009 10:33 AM

هل ممكن يكون عيب فى البوبينة أم هذا شيء مستبعد..

**samirayad** · 05-02-2009 10:50 AM

المشاركة الأصلية كتبت بواسطة moby

هل ممكن يكون عيب فى البوبينة أم هذا شيء مستبعد..

ولو أنك مش فاضى لنا....وعلى طول شغال على الKEY BOARD .....موضوع البوبينه ده....مستبعد بالتلاته.................

**Shiref_mohamed** · 05-02-2009 11:17 AM

المشاركة الأصلية كتبت بواسطة samirayad

ولو أنك مش فاضى لنا....وعلى طول شغال على الKEY BOARD .....موضوع البوبينه ده....مستبعد بالتلاته.................

مستبعد بالتلاته ليه بس

فيه احتمال برضه ان يكون في مخرج او اتنين من الموبينة الشرارة بتاعتهم ضعيفة وبتعمل كده معاه والعربية بارده

**samirayad** · 05-02-2009 11:28 AM

المشاركة الأصلية كتبت بواسطة Shiref_mohamed

مستبعد بالتلاته ليه بس

فيه احتمال برضه ان يكون في مخرج او اتنين من الموبينة الشرارة بتاعتهم ضعيفة وبتعمل كده معاه والعربية بارده

لا ياريس....أنا مصمم أنه مستبعد وبالتلاته برضه..........ازاى........أولا العربيه بدور زى الفل....والرجرجه اللى بتحصل دى قلنا أسبابها المحتمله.......ونظام الحقن الالكترزنى.....ليه ميزه خاصه تانيه غير الحقن العادى.....لأن الشراره بتخرج الى 2 بوجيه فى نفس الوقت(يمكن تكون معلومه جديده للبعض).......وطالما العربيه بدور(وحتى لوبتترجرج بشده)....... فمن المستحيل أن يكون عيب من ملف الاشعال...لان زى ماوضحتلك ياشريف أن الشراره بتروح لغرفتين بناءا على خرج ملف من ملفات البوبينا الداخليه.....ومش من المعقول....حتى لو ملف من الاثنين اللى داخلين فى تصميم البوبينا أتحرق....وبقى فيه واحد بس سليم.....أن العربيه حتشتغل بواحد فقط من بتوع البوبينا....أى أن المحرك حيشتغل بغرفتين فقط

**Shiref_mohamed** · 05-02-2009 12:25 PM

1- موضوع التصميم ده حاجه ترجعلك انا ماليش فيها
2- العربية فعلاً بتدور كويسه وبعد كده بتترج وبعدين بتظبط وفعلا قلنا الأسباب المحتملة
3- النظام اسمه إشعال الكتروني مش حقن الكتروني
4- موضوع ان الشرارة بتخرج لـ 2 بوجيه في نفس الوقت استاذ محمد ممدوح قال عليه من زمان وانا الحقيقة مكنت اعرفه بس عرفته منه
5-انا مقلتش ان الموبينة فيها كويل اتحرق والعربية هتشتغل بـ 2 بستم بس انا قلت ان الموبينة فيها مخرجين ضعفو مش قطعو خالص وديه تفرق .... انا مثلا العبد لله الفقير معايا موبينه فيها الطرفين الى تحت بتوع 1،4 الشرارة الى خارجه منهم ضعيفة جداً (بس مش قاطعه) والشرارة الى خارجه من الطرفين التانيين كويسه وديه لما بركبها في العربية بتعمل نفس العيب الى صاحب الموضوع قال عليه والموبينة موجوده معايا في شنطة العربية وإن شاء الله لو حضرتك شرفتنا المقابلة الجايه هفك الموبينة بتاعتى واركبلك القديمة عشان تشوف العيب وتتأكد
6- مش عارف ايه لزمة رش wd40 على بكرة سلك الأكسراتير الى راكبه على البوابة
وشكراً مع كامل احترامي لحضرتك
وياريت استاذ محمد ممدوح يعقب