زيرو ؟

**Abdo_Eldesokey** · 05-02-2009 03:17 PM

أنا رأيي تجيب 128 تتعلم عليها ... وهتاخد منك بهدلة لما تقول يا بس

وبعد شهرين هتبيعها يا إما بنفس سعرها يا بخسارة ألف أو ألفين مش هتفرق كتير

أحسن لما تجيب عربية زيرو وتبهدلها في التعليم وساعتها هتصرف عليها أكتر من الألف و الألفين

**fady.bekatcho** · 05-02-2009 03:18 PM

بص انا الى حصل معايا زيك بالظبط

قلت اشترى مستعمل قعدت ادور لقيت كلة فى عيوب الى ملعوب فيها

والى عاملة حادثة وكدة يعنى

اشترى افيو جديد تعبت معايا اول كام يوم بس وبعد كدة الحمدلله زى الفل معايا

**Osama_soliman** · 05-02-2009 03:31 PM

رأى مستعمل واتعلم بيها
وبعدين الزيرو إن شاء الله تعالى

**karaktar** · 05-02-2009 04:04 PM

المشاركة الأصلية كتبت بواسطة KoDaK_Gti

كلام تمام غير انه هيتبهدل ويصرف عليها وهيشوف الويل مع الصنايعية وهيكره حاجة اسمها عربيات
رأيى انك تتعلم فى مدرسة سواقة لمده شهر وتتمكن كويس وبعدين تجيب العربية

اولاً اما هايجى يشترى عربيه يجيب عربيه حالتها نضيفه مش اى كلام
تانى حاجه ماهو لازم يتعلم فى عربيه قديمه ويروح ويجى عند الميكانيكيه عشان ياخد خبره ازاى العربيه بتتصلح ويعرف قطع الغيار وماضحكش عليه بعد كده فى اى عربيه هايجيبها ومجرد اما يسمع صوت فى العربيه يعرف العيب ده فين

وتأكد انه لو ممرش بالمرحله دى مش هايعرف اى حاجه عن صيانة العربيات تماماً لأنو لو جاب زيرو كل اللى هايعملو يوديها للتوكيل كل فتره وانتو عارفين التوكيل بتدخل العربيه جوه الصيانه وتستنى فى الاستراحه لحد اما يصلحوهالك
ولو جاب عربيه جديده ممكن عشان لسه جديد فى السواقه وازاى يركن ممكن لقدر الله يخبط العربيه وتكلفو كتير

ومراكز تعليم السواقه معظمها اى كلام وتعليمهم ضعيف جداً وعن تجربه

إذاً الخلاصه انه يجيب عربيه مستعمله حالتها حلوه وتكون رخيصه وام يجي يبيعها ممكن تتباع بنفس التمن او تزيد ولو قلت بالكتير 1 او 2 الف

**mahamedaraby** · 05-02-2009 04:17 PM

المشاركة الأصلية كتبت بواسطة karaktar

اولاً اما هايجى يشترى عربيه يجيب عربيه حالتها نضيفه مش اى كلام
تانى حاجه ماهو لازم يتعلم فى عربيه قديمه ويروح ويجى عند الميكانيكيه عشان ياخد خبره ازاى العربيه بتتصلح ويعرف قطع الغيار وماضحكش عليه بعد كده فى اى عربيه هايجيبها ومجرد اما يسمع صوت فى العربيه يعرف العيب ده فين

وتأكد انه لو ممرش بالمرحله دى مش هايعرف اى حاجه عن صيانة العربيات تماماً لأنو لو جاب زيرو كل اللى هايعملو يوديها للتوكيل كل فتره وانتو عارفين التوكيل بتدخل العربيه جوه الصيانه وتستنى فى الاستراحه لحد اما يصلحوهالك
ولو جاب عربيه جديده ممكن عشان لسه جديد فى السواقه وازاى يركن ممكن لقدر الله يخبط العربيه وتكلفو كتير

ومراكز تعليم السواقه معظمها اى كلام وتعليمهم ضعيف جداً وعن تجربه

إذاً الخلاصه انه يجيب عربيه مستعمله حالتها حلوه وتكون رخيصه وام يجي يبيعها ممكن تتباع بنفس التمن او تزيد ولو قلت بالكتير 1 او 2 الف

بالظبط كده وفعلا وجهه نظر صح

انا مع الراى ده

**blazer** · 05-02-2009 05:44 PM

اشترى عربيه زيرو
بس تكون قبليها اتعلمت فى مدرسه كويس
ولما تسوق عربيتك نصيحه لوجه الله متطلعش على طريق فىه عربيات الا لما تكون حفظت ابعاد العربيه و قدرات العربيه من تسارع و فرمله
يعنى تقعد اسبوع كدا تنزل الساعه 4 الفجر فى شوارع داخليه تجرب الملفات و الفرمله و الكلام دا كله وكمان تتعود على النقل لو مانيوال

**mahmoud_magdy** · 05-02-2009 05:57 PM

الاحسن انك تجيب مستعمل وفوايدو كتير
بالرغم انك هتتعب معاه الا انك هتقدر تعرف تسوق كويس وهتقدر تعرف الاعطال الميكانيكيه وهتاخد خبره مش قليله
انما لوعاوز ريح دماغك من الاعطال يبقى هات جديد
انا شايف المستعمل ليه فوايدوبالرغم من التعب

**merosss** · 05-02-2009 06:09 PM

انا كنت عامل زيك كدة فى الاول ومحتار جدا زيرو ولا مستعمل و انا من راى مستعمل وحالتة كويسة افضل وتتعلم براحتك رغم انى انا مجبتش مستعمل وجبت عربية زيرو على طول وتعلمت عليها والمشكلة الى بتقابل اى واحد يجيب عربية زيرو انة بيبقى خايف عليها جدا فما بالك بواحد جايب زيرو وكمان لسة بيتعلم الموضوع دة كان عملى مشكلة جامدة جدا انى خايف وانا سايق لكن لو كان معايا عربية قديمة مش مهم لو خبطها وموضوع الخوف على العربية دة خلانى اخد وقت كبير عبقال متعلمت السواقة كويس بس دلوقتى عادى بسوق وزنق على المكروباصات لو انتا مش من النوع الى بيقلق وهو سايق يبقى جيب زيرو على طول

**Ayman_52** · 05-02-2009 07:10 PM

انا كنت زيك بالضبط...وكل الناس قالوا هات مستعمل....بس فى الاخر جبيت زيرو واتعلمت مع واحد ولما اتضبطت تمام ..بقيت خلاص بسوق تمام الحمدلله...هى بس عيب الزيرو انك انك هتبقى خايف ولازم لازم لازم حد يفضل معاك فى الاول خطوه بخطوه...لحد ماتحفظ الابعاد ورجلك تاخد عالدواسات...لو لقيت حاجه مستعمله بس تكون حالتها نظيفه وتكشف عليها فى توكيلها هيبقى احسن...إلا لو فى عربيه معينه داخله دماغك ومافيش منها غير جديد...هنا ممكن تشتريها وتحافظ عليها كويس.وربنا يوفقك للخير ان شاء الله

**نور العمر** · 05-02-2009 11:33 PM

حيرتوني ........بجد تعبت ومش عارفة آخذ القرار .... مستعمل وشرط تناكة بالتكييف ... ام زيرو و خلاص ... وده مشكلته إني حجيبه قسط ... والقسط مكلف قوي والعربية بتتباع بخسارة بعد كدة بالمقارنة بكل مصاريف قرض السيارة والفائدة والتأمين والصيانة وغيره
محدش عنده عربية بحالة جيدة مكيفة لوجه الله

الموضوع: زيرو ؟

LinkBack

أدوات الموضوع

عرض

-

-

-

-

-

-

-

المواضيع المتشابهه

مطلوب على وجه السرعة سيارة زيرو أو كسر زيرو بالتقسيط المباشر بدون بنوك بمقدم 50%

عاوز اجيب ماروتى زيرو ...اجيبها منين ؟ و هل يوجد كسر زيرو ؟

مقارنة صعبة اوي بين لانسر ( بوما ) زيرو و كيا (سيراتو) زيرو ياريت دخول الجميع

تويوتا (كسر زيرو) ام شارك (زيرو 2009) ام......مطلوب نصيحة من اهل الخبرة

نيو أكسنت كاملة أوتوماتيك 2007 ولا لوجان زيرو ولا لانوس زيرو

الكلمات الدلالية لهذا الموضوع

المفضلات

المفضلات

ضوابط المشاركة