مشكلة في موتور مازدا 323 قرفني اخر قرف ومش عارفله حل ؟!!!

**hemalotfy** · 05-02-2009 03:36 PM

السلام عليكم جميعا

لدي مازدا 323 موديل 1981 ياباني

من سنتين ونص تقريبا كنت جاي من مشوار سمعت صوت غريب في الموتور رحت للميكانيكي قلي لازم نحل وش سلندر قلتله ليه قال صباب لادع ! قلت حل حلينا لاقينا بستم رقم 3 مكسور من فوق جبت طقم بساتم وشمبر وركبنا وزبطنا وش السلندر (مقاس البستم 020)
المهم العربية زبطت بعد 7 شهور بالزبط كسرت نفس البستم رحت له وزعقتله قالي انت بتقرص على العربية قلت والله انا بجيب المية وهي على الخامس و مبزودش على السرعة دي!
المهم حلينا الموتور وعملنا عمرة كاااااملة من توسيع شميز وبساتم 040 وكرنك وصبابات وكله كله كله .... كلفت 2500 جنيه.
بعد شهر من العمرة دي لقيت بوجيه رقم اربعة عليه زيت انا انهبلت ورحتله قلي ده جلد الصباب عايز يتغير وقلته ماحنا مغيرينه قال يبقى اتقطع قلته ده مش عيب عندك قلي لا عيب الخراط قلت ومين بيستلم من الخراط ؟
مردش علي
قلت والله مانا عامل فيها حاجة وجبت بوجيه سن قصير ومش الحال
لكن في الوقت ده مكنتش بتنفخ ولا اي حاجة وكانت بتنقط ميه من الشكمان وفضلت ماشي كده سنه .
من شهر كنت جاي من القاهرة صحراوي وكنت مستعجل و ماشي على 140 وصلت البيت بالسلامة وتاني يوم بدور العربية لقيت في نفخ بسيط من الموتور لكن برضو بتنقط ميه من الشكمان رحتله قلي كاسرة بستم ولازم تحل تعمل عمرة قلت هو كل مشوار بعمرة قالي حضرتك بتقرص على العربية قلت امال هما صانعين العربية نحسس عليها
روحت البيت فكيت كل البوجيهات لقيتها حارقة كويس ما عدا نمرة 4 لقيت علية رحيت زيت بسيطة والبوجيه ده هو اللي كان بيجي عليه زيت من الاول بعد العمرة بشهر
ايه الحل ؟
بتنقط ميه من الشكمان وبتنفخ من الموتور نفخ بسيط والنفخ ده بيروح لما بتسخن يبقى ده ايه ؟

انا زهقت من ام الموتور ده لدرجة اني فكرت اروح بور سعيد اجيب موتور استيراد واركبه بس خايف ينفخ ويقرفني اكتر ما نا قرفان
ايه سبب كسر البساتم ده لو كلامه صحيح
انا بحط زيت اسو الجركن الرصاصي وبغير كل 1200 كيلو
ايه رأيكم احل اعمل عمرة ولا اولع في العربية دي ولا اعمل ايه

**samirayad** · 05-02-2009 06:50 PM

سبب كسر البساتم عدم الالتزام بأبعاد الخراطه الصح للشمايز(بيخرطوا بقه)......ولو معدل استهلاك الزيت عندك بسيط....ممكن تعمل كرس لتعلية البوجيه رقم4 ........ولو ناوى تعمر تانى دلوقتى ...ياريت بلاش موضوع الخراطه ده....وهات البساتم والشمايز المقاس الstandared

**i_Am_Legend** · 05-02-2009 06:51 PM

طالما بستم واحد اللى بيحصل فيه كدة يبقى اكيد حاجة فى الصباب طالما فيه زيت بييجى يبقى ممكن يكون الاسطوانة دى ماتخرطتش كويس على مقاس البستم الجديدوالشنبر اتكسر ولا حاجة وبالنسبة لموضوع التنفيخ دة هو بسبب ان الموتور فى الاول بيقى ما سخنش والتنفيخ دة بيبقى ممكن من بواقى الزيت اللى على البوجيه او فى غرفة الاحتراق وبيتحرق فى الاول وبعد كدة لما الموتور بيسخن خلاص كلة بيبقى تمام والقصة دى بتروح خالص ونضافة باقى البساتم والكبس السليم بيطغى على المشكلة بتاعة رقم 4 بس جرب نضف البوجية كدة وركبة وامشى بيه وشوفة هايعمل زيت تانى ولا لأ........

**hemalotfy** · 05-02-2009 11:07 PM

المشاركة الأصلية كتبت بواسطة samirayad

سبب كسر البساتم عدم الالتزام بأبعاد الخراطه الصح للشمايز(بيخرطوا بقه)......ولو معدل استهلاك الزيت عندك بسيط....ممكن تعمل كرس لتعلية البوجيه رقم4 ........ولو ناوى تعمر تانى دلوقتى ...ياريت بلاش موضوع الخراطه ده....وهات البساتم والشمايز المقاس الstandared

شكرا لسرعة ردك

طيب الشمايز الاستنادر بتتعمل في المخرطة ولا نظامها ايه ؟!

**hemalotfy** · 05-02-2009 11:08 PM

المشاركة الأصلية كتبت بواسطة i_Am_Legend

طالما بستم واحد اللى بيحصل فيه كدة يبقى اكيد حاجة فى الصباب طالما فيه زيت بييجى يبقى ممكن يكون الاسطوانة دى ماتخرطتش كويس على مقاس البستم الجديدوالشنبر اتكسر ولا حاجة وبالنسبة لموضوع التنفيخ دة هو بسبب ان الموتور فى الاول بيقى ما سخنش والتنفيخ دة بيبقى ممكن من بواقى الزيت اللى على البوجيه او فى غرفة الاحتراق وبيتحرق فى الاول وبعد كدة لما الموتور بيسخن خلاص كلة بيبقى تمام والقصة دى بتروح خالص ونضافة باقى البساتم والكبس السليم بيطغى على المشكلة بتاعة رقم 4 بس جرب نضف البوجية كدة وركبة وامشى بيه وشوفة هايعمل زيت تانى ولا لأ........

شكرا لردك

طيب مش ممكن يكون وش السلندر فيه حاجة ؟

**samirayad** · 05-02-2009 11:30 PM

المشاركة الأصلية كتبت بواسطة hemalotfy

شكرا لسرعة ردك

طيب الشمايز الاستنادر بتتعمل في المخرطة ولا نظامها ايه ؟!

الشمايز والبساتم الاستندر....ماحدش بيقرب جنبهم لا خراط ولا دياوله.....الشمايز بتتسقط فى بلوك المحرك.....والبساتم بيركب عليها الشنابر...ومفيش خراط بيقرب من الموضوع ده....كله من عند بتاع قطع الغيار على البلوك على طول....وعلى فكره موضوع الرأس ده ملوش علاقه بموضوعك....هو حصل عك من الخراط

**Ghamrawy** · 05-02-2009 11:41 PM

هو الموتور ده المونيوم ؟؟

**tananybasha** · 06-02-2009 12:42 AM

يا باشا حرام عليك ده موتورها كله ب 3000 بالفتيس
انا عملت زيك كده فى النيسان اللى كانت معايا و بعد ما عملت العمرة و خرط و شمايز و خلافه طلعت زى الزفت بس انا عندى عملت حاجة لذيذه قوى كل يومين تلاته تكسر طبق تكيه
ليه ماعرفش لغاية ما زهقت و جبت شوية اطباق خلتهم عندى
و جبت فلر عشان اضبط التاكيهات
ذلتنى ذل الأبل
و فى الأخر لقيت موتورها كامل بفتيسه ب 3500 جنيه و 1500 انجكشن مش 1300 كرابرتير بضفيرته وو بتركيبه
كنت هتجنن و اكتشفت الموتور حصله حاجة لا قدر الله شيل و ارمى و بلاش حكاية اهو اللى تعرفه احسن من اللى متعرفوش انت مش معاك من الزيرو العربية
الصح فى الموتور شيل و ارمى يوم و روح و لا عك و لا خلاف
و ربنا يوفق الجميع

**samirayad** · 06-02-2009 10:55 PM

المشاركة الأصلية كتبت بواسطة tmedhat

لو مكسور من عند قرص البستم او سايح يبقى كان فية تفويت فى الكبس و الشمبر كان فية تسريب الكبس مع السرعة العالية بيؤدى الى احتراق البستم

البستم رقم 3 كان مكسور من فوق(منطقة تاج البستم ياعنى)........وسعادتك بالفعل قلت أن الكسر ده بيحصل بسبب تهريب كبس (أى موجود خلوص غير سليم....يعنى الخراط ماخرطش صح)......وياريت تبين ازاى مش شرط ان العيب بسبب عدم الالتزام بالخلوص مايظهرش عيبه الا فى فترة التليين.............