أجيب ميجان و لا لأ ؟

**bahaahssn** · 05-02-2009 07:09 PM

بكرة انشاء الله هنزل اتفرج فى السوق بس فى حاجة
كل ما اقول خلاص هنزل أشتريها بكرة تحصل حاجة
النهاردة قابلت أخويا و سألتو عن الميجان قاللى هى جميلة و برستيج و امكانيات بس متنفعكش قولتيلو ليه قالى انت بتشتغل بعربيتك و بتشيل فيها بضاعة ساعات أوزان كبيرة300 كيلو ساعات (عيب البريفت بيزنس) و سعات بتعمل اكتر من 1000 كم فى اليوم الواحد (الغردقة و شرم رايح جاى فى يوم واحد حاجة تقرف) قالى مظونش تكون عملية معاك هى هتكون مريحة فى السواقة ساعات طويلة و لما بتروح التوكيل فى الميعاد مبتعملش مشاكل بس مش هتستحمل كل التنطيط بتاعاك ده و بعدين مرة واحد صاحبو وقفت بيه فى جراج سيتى ستارز و قالتلو انسرت كارد
أغيثونى يا وحوشششششششششش
أنا شكلى هجيبها عند فى كل العالم الى مش فاهمة حاجة ( التردد يا عزيزى أيبك )
قولولى ايه النظام

**KHALED AYMAN** · 05-02-2009 07:14 PM

يا باشا الى انت بتعمله فى العربيه ده مش شغل اوى يعنى ...انا زيك بالظبط بحمل فيها شغل(بريفت بيزنس برده) و بسافر بيها مرتين فى اليوم و بجرى بيها جدا و بعمل كل حاجه لكن ملتزم بميعاد الصيانه بتاعها فى التوكيل ... و مش ببخل عليها بحاجه .....
اه نسيت العربيه استرا 2006 سيدان و كمان عامل بيها فى 3 سنين بالظبط 125500 كم ....

**حماده المصري** · 05-02-2009 07:15 PM

والله رايي من راييه

هي مش اعتماديه للدرجه ومش اي حد بيفهم فيها

يعني لو بالصدفه وقفت في مكان بعيد ممكن تتسوح

زي احتمال بطاريه عربيه مانيوال تنام او عربيه اوتو

المانيوال انت عرفت الي فيها في اصعب الحالات فردين يزقوا العربيه

الاوتو مالهاش الا وصله مادارتش يبقى ونش مفيش حلول اخرى

والميجان فعلا والفرنساوي عموما محتاج تعامل شيك مش بهدله

انت عندك حلول اخرى ممكن تبقى حلوه

النترا كورولا سيراتو اوبترا كل دي اعتماديه ومشاكل سهله وقطع غيار ارخص ومنتشره اكتر وممكن لو عايز حاجه شييك تبقى مازدا

الميجان ممكن تبقى ليك انت والاسره مثلا

**KHALED AYMAN** · 05-02-2009 07:24 PM

على فكره انا مش قصدى من كلامى ان الميجان تنفعك اوى ...هى ممكن تتحمل بس الافضل تجيب غيرها لان قطع غيارها غاليه و انت بتمشى كتير و هتستهلك القطع دى بسرعه و هتكلفك .. فممكن تجيب اوكتافياa4 او لانسر ..او اى حاجه فى السعر ده و دور كويس فى حته قطع الغيار

**bahaahssn** · 05-02-2009 07:39 PM

معلش بس فهمنى يا ريس انت بتتكلم عن الميجان ولا اوبل استرا
و لو هى الميجان غيرت فيها ايه فى ال3 سنين دول

**momo10000** · 05-02-2009 09:26 PM

هي مش اعتماديه

اختلف معاك تماما ... هاتها زيرو ... داوم علي الصيانة ... واتحدي بجميع الاشكال انها تبيعك ....بالتالي مينفعش نقول عليها مش اعتمادية.

استاذ بهاء ...

واضح ان طبيعة شغل حضرتك محتاجة ميجان زيرو او بالحالة الزيرو وصعب جدا جدا تلاقيها بحالة الزيرو ... اكتر اللي موجود طالع عينة ومحتاج يتصرف عليه كتير ...

خلاصة اي عربية انت حتجبها لازم تكون ... اما زيرو او كسر زيرو ... بعض النظر عن نوع العربية ....

**KHALED AYMAN** · 06-02-2009 12:33 AM

المشاركة الأصلية كتبت بواسطة bahaahssn

معلش بس فهمنى يا ريس انت بتتكلم عن الميجان ولا اوبل استرا
و لو هى الميجان غيرت فيها ايه فى ال3 سنين دول

لا مش ميجان انا بتكلم عن الاسترا ...
بص هى الميجان حلوه بس انا لو مكانك هجيب حاجه اكتر انتشارا منها ...
و فى عيب فى الميجان افتكرته و هو ان الرفارف معموله من مواد زى الفيبر و ماشى مفيده فى الخبطات الخفيفه و الترييحات لكن لو خبطه حلوه الرفرف هيتكسر (شفت كذا واحده رفرفها مكسور) فمن الاخر دى تكنولوجى متنفعناش هنا ...
طبعا الكلام كله و الخبر الاكيد عند ملاك العربيه .

**hanyboudy** · 06-02-2009 04:38 AM

هات الميجان انا زيك بحارب العالم كله تقريبا وبدور لحد ما الاقى الحالة اللى انا عايزها وربنا يكرم ان شاء الله

**Ahmed Selim** · 06-02-2009 01:21 PM

المشاركة الأصلية كتبت بواسطة venus-doom

لا مش ميجان انا بتكلم عن الاسترا ...
بص هى الميجان حلوه بس انا لو مكانك هجيب حاجه اكتر انتشارا منها ...
و فى عيب فى الميجان افتكرته و هو ان الرفارف معموله من مواد زى الفيبر و ماشى مفيده فى الخبطات الخفيفه و الترييحات لكن لو خبطه حلوه الرفرف هيتكسر (شفت كذا واحده رفرفها مكسور) فمن الاخر دى تكنولوجى متنفعناش هنا ...
طبعا الكلام كله و الخبر الاكيد عند ملاك العربيه .

الرفارف الفيبر بتنفع فى الخبطات البسيطة......وهى دى الأكتر فى مصر لكن لو حادثة جامدة تبوظ رفرف صاج يبقى هتكسر الرفرف الفيبر......و فى حالة الصاج هتحتاج سمكرة ودوكو يعنى قول العربية هتقف يومين على الأقل وفى حالة الفيبر هتشترى واحد جديد وترشه......يعنى ممكن تخلص فى نفس اليوم
وسعر الرفرف برة التوكيل بيبقى من 350 جم وأنت طالع و لو أستيراد بيبقى 600 جم

مسألة الأعتمادية دى ترجعلك بس أعتقد أنك لو بتواظب على الصيانة الدورية يبقى العربية مش هتخذلك.

قطع الغيار مش غالية زى ما فينوس بيقول....و على فكرة معظم قطع الغيار أسعارها فى التوكيل قريبة من أسعار الأوكتافيا ال A4 فى التوكيل......و أقل من ال A5

-

الموضوع: أجيب ميجان و لا لأ ؟

LinkBack

أدوات الموضوع

عرض

-

-

-

-

-

المواضيع المتشابهه

عايز أجيب مكيف جديد أجيب أنهي نوع ؟

عايز أجيب بطارية ,,, أجيب إيه ومنين؟

أجيب ريسيفر نوعه ايه و لا أجيب درييم بوكس و انه نوع برضك

لو حبيت أجيب لوجي وانضم للنادي أجيب إيه

معايا 110 الف أجيب بيهم ميجان 2007 ام Bmw 318 2000

الكلمات الدلالية لهذا الموضوع

المفضلات

المفضلات

ضوابط المشاركة