الموضوع: مشكلة فى غلق الشنطة - الدوارة - قراءة إستهلاك البنزين فى ميــجان هاتشباك

المشاركة الأصلية كتبت بواسطة Ahmed A.Maksoud

طبعاً......زيها زى أى طرمبة بنزين فى العالم
لو البنزين مش نضيف هيعملك مشاكل

طب معلش يا استاذ احمد انا عايز استفسار منك اكتر في الجزئيه دي علشان انت عارف بلدنا جميلة و البنزين الي فيها اجمل و اجمل
ممكن اعرف ايه الحالات الي اعرف منها ان العيب دلوقتي من الطرمبة بمعني امتي اقول الطرمبه دي عايزه تنظيف ( ارجو ان سؤالي يكون واضح لحضرتك ) لاني ساعات بمون من بنزينات محترمة جداً موبيل و بتكون في اماكن راقيه في اسكندرية و بتحس ان اداء العربية مش اوي او في استهلاك كبير في الوقود فا ممكن اعرف امتي اقول ان العيب دا من الطرمبه
ولك جزيل الشكر

المشاركة الأصلية كتبت بواسطة Ahmed A.Maksoud

الطرمبة فى معظم الأحوال هتلاقيها حاجة من أتنين.....يا شغالة يا قاطعة خالص......و نادراً لو لقيت طرمبة شغالة نص نص.
لو العربية مش بتدور ممكن تسمع صوت الطرمبة بتقوم ولا لأ......لو بتقوم يبقى غالباً مشكلة من حاجة تانية ( صوت الطرمبة بيبقى عبارة عنة زنة خفيفة و بتفرق من عربية للتانية....يعنى البى أم والمرسيدس صوت الطرمبة عالى شوية.....وتسمع صوت الطرمبة أكتر من بره العربية ) وفى عربيات ممكن متسمعلهاش صوت طرمبة ألا لو أنت عارف مكانها و حطيت ودنك جنب الطرمبة.
أحسن حل لموضوع البنزين أنك تجرب تمون من محطة أو أتنين وتتأكد أنهم مبيعملوش مشاكل معاك وبعد كده تمون منهم على طول على قد ما تقدر......وخللى بالك أن فى بعض المحطات بتبقى محطة كويسة والبنزين بتاعها فى الطبيعى كويس بس تروح أنت تمون وتانك المحطة فى أواخره و فيه كل الترسبات والشوائب و أنت وحظك بأه

انا شاكر جداًجداً ليك يا استاذ احمد علي مجهودك
وفعلاً عندك حق في موضوع المحطات فيه ساعات تحس ان المحطة علي مستوي ولكن كفائه البنزين بتبقي ما يعلم بيها غير ربنا
علي العموم الحمد لله علي كل حال

المشاركة الأصلية كتبت بواسطة Ahmed A.Maksoud

أستاذ محمد.....مفيش حلجة فى العربية دى أسمها وحدة الكمبيوتر عاوزة ريستارت.....دى عربية يا باشا مش لابتوب

دى طريقة عمل ريستارت لوحدة الكومبيوتر فى النيسان صنى أو ما يسمى بإعادة تعريف الكومبيوتر منقول من المهندس سبعاوى

اعادة تعريف الكومبيوتر بوضع الاغلاق الكامل لصمام الهواءthrotle valve : صمام الهوء هو المسئول عن تسارع السيارة وهو الشئ الذى نتحكم فيه بدواسة الاكسراتير ، يحدد الكومبيوتر كمية البنزين اللازمة للحقن بناء على عدة عوامل من اهمها فتحة صمام الهواءمن خلال حساس كهربائى مكرب على صمام الهواء لمعرفة درجة فتحه، حدوث خطا فى حساس صمام الهواء يتسبب فى اداء غير منتظم للسيارة واستهلاك عالى للبنزين واحيانا نتشة فى الجير الأوتوماتيكى
فى حالة الاحساس بأى من هذة الأعراض او عند فك واعادة تركيب اقطاب البطارية لأى سبب يفضل اجراء عملية تعريف وضع الاغلاق ، وهى عملية من اسهل ما يمكن،فى البداية يجب الاطمئنان ان دواسة الاكسراتير فيها نسبة بوش بسيطة عن طريق الاجراء السابق،بعد ذلك ضع المفتاح فى الكونتاكت ، بجب ان تكون دواسة الاكسراتير حرة تماما اى ان قدمك بعيدة عن دواسة الكسراتير، قم بنقل المفتاح الى الوضع on (يعنى لمبة الزيت والبطارية تنور بس متدورش العربية) انتظر ثانيتن، قم باغلاق المفتاح انتظر 10 ثوانى، ستسمع بعدها تكة بسيطة، قم مرة اخرى بنقل المفتاح الى الوضع on، انتظر ثانيتين، مرة اخرى اطفى المفتاح وانتظر 10 ثوانى، قم بتدوير السيارة بعد ذلك لأى فترة زمنية ترغبها ثم اطفى المحرك

وعملت صيانه 40 الف فى توكيل عثمان بس ما حلوش مشكله الشنطه