نقص المياه ياتري أيه اسبابه الخفية؟

**FASTER** · 23-08-2007 07:11 PM

عربيتي بتنقص مياه بشكل ملحوظ كل 3 أيام حوالي لتر كامل مع العلم أن مفيش أي ترشيح مياه نهائي وغطاء القربة ممتاز والردياتير وترمبة المياه والخراطيم كله تمام والميكانيكي أتشقلب فيها ملقاش أي تسريب أو ترشيح ماء تفتكروا ممكن يكون أيه السبب
أرجوا الافادة وشكرا جزيلا لجميع أعضاء المنتدي والأدارة

**ahmed1981** · 23-08-2007 07:29 PM

في هذه الحالة يوجد إحتمالين لا ثالث لهما:

1 - أن تكون طرمبة المياه على وشك البوظان وبالتالي البلية بتاعتها بتسخن جامد لدرجة إنها بتعمل تبخير فوري لبعض المية عند مرورها فوق الجزء الساخن جداً نتيجة الإحتكاك والحل هو تغيير طرمبة المياه

2 - أن يكون أحد الجوانين (جوان وش السلندر أو جوان المانيفول بتاع الكربيراتير) بيسرب مية بسيط داخل الموتور
ولو كان هو جوان وش السلندر هتلاقي الزيت لونه على طحينة أو تلاقي مية الردياتير كإن فيها زيت
ولو كان هو جوان المانيفول هتلاقي العربية وحشة وهي باردة وأحيانا تعطس (تدوس بنزين تلاقيها هديت وهتطفي وفجأة تسحب) على خفيف طبعاً وممكنت يكون التسريب بسيط لدرجة إنه ميظهرش خالص

والله أعلم

**hazem_khidr** · 23-08-2007 07:52 PM

و ممكن يكون الردياتير مسدوود و انت مش بتاخد بالك و الردياتير بيرجع الميه للقربه و القربه بتنزل الميه من خرطوم الفايظ طول ما انت بتتحرك

**FASTER** · 23-08-2007 08:06 PM

شكرا للرد يا جماعة بس الحمدللة أحتمال وش السلندر مستبعد لأن مفيش الاعراض دي عندي وعالعموم أنا مع الميكانيكي في رأيه أننا نسيبها لما تزيد وتبان وأراعيها في المية وربنا يستر ومتطلعش ترمبة المية ولما أحط أيدي عالعيب هاقولوكوا للأستفادة
وال يا خبر النهاردة بفلوس بكرة يبقي ببلاش
وشكرااااااا