ترشيح زيت الموتور

**moudy2002** · 23-08-2007 03:39 PM

اخوانى الاعضاء الكرام .. كل عام وانتم بخير

اشتريت عربية هيونداى اكسنت موديل 2000 1500 CC وبعد شرائها ب 3 ايام رفعتها فى البنزينة علشان اكشف على زيت الموتور اذا كان عايز يتغير والا

وبعدين ببص على الموتتور من تحت لاقيتة مرشح زيت بس مش بينقط ياترى ممكن دة يكون من اية واية علاجة .. علما بأن مستوى الزيت بقيسة كل يوم وثابت مش بينقص ???

سؤال تانى لو فيها مضايقة
الدبرياج بتاع العربية لو رفعت رجلى من علية بسرعة شوية وانا بغير من الاول الى التانى والعاكس بحس بهبدة فى العربية من تحت .. بس لو رفعت رجلى ببطئ مش بحس باهبدة دية
مش عارف اية السبب وخايف اروح لميكانيكى لاحسن يشتغلنى وانا معنديش خبرة كفاية
اسف على التطويل ولكم جزيل الشكر

اخوكم فى الله محمد

**ahmed1981** · 23-08-2007 03:46 PM

[quote="moudy2002"]ببص على الموتتور من تحت لاقيتة مرشح زيت بس مش بينقط ياترى ممكن دة يكون من اية واية علاجة .. علما بأن مستوى الزيت بقيسة كل يوم وثابت مش بينقص ???[/quote]
طالما بتقيس الزيت مبينقصش راجع على زيت الفتيس
لو زيت الفتيس برضه مبينقصش يبقى الترشيح ده بسيط ومفيش داعي تدور وراه ولا تروح لميكانيكي عشان ميفتحلكش فاتوحة
وأهم حاجة إنك تكون متابع مقاس الزيت بإستمرار وتراجع على زيت الفتيس كل لما تغير زيت الموتور

المشاركة الأصلية كتبت بواسطة moudy2002

الدبرياج بتاع العربية لو رفعت رجلى من علية بسرعة شوية وانا بغير من الاول الى التانى والعاكس بحس بهبدة فى العربية من تحت .. بس لو رفعت رجلى ببطئ مش بحس باهبدة دية مش عارف اية السبب وخايف اروح لميكانيكى لاحسن يشتغلنى وانا معنديش خبرة كفاية اسف على التطويل ولكم جزيل الشكر

ياريت توضح الهبدة دي أحوالها إيه أكتر عشان نقدر نفيدك

**moudy2002** · 23-08-2007 04:40 PM

احمد باشا مرسى على سرعة الرد يا باشا وربنا يخليك
انا هعمل زى مانتا قلت وهتابع مستوى زيت الفتيس والموتور بستمرار

بالنسبة لصوت الهبدة دة بحسها زى ما يكون تحت فى الموتور يعنى زى ما يكون طوبة خبطت فى الموتورفجاءة من تحت نفس الصوت باسمعة لو شيلت رجلى من على الدبرياج بسرعة شوية . ودية بسمعها مرة واحدة بس فى حالة النقل من 1 الى 2 والعاكس

ارجو تكون الصورة وضحت يا باشا وربنا يجعلة عامر

**peter** · 23-08-2007 04:43 PM

Ta2rebn deh 2wa3ed motor 3shan 7asalat m3aya 2bl kda fel pegouet 405 w ro7t el tawkeel 2aly deh 2awa3ed.
efta7 el kaboot w doos banzeen fag2a lw la2et el motor byet7arak mn makano gamed shewaya yb2a deh 2awa3ed

**MMamdouh** · 23-08-2007 05:31 PM

المشاركة الأصلية كتبت بواسطة peter

Ta2rebn deh 2wa3ed motor 3shan 7asalat m3aya 2bl kda fel pegouet 405 w ro7t el tawkeel 2aly deh 2awa3ed.
efta7 el kaboot w doos banzeen fag2a lw la2et el motor byet7arak mn makano gamed shewaya yb2a deh 2awa3ed

1+

MMamdouh

**hazem_khidr** · 23-08-2007 06:06 PM

وبعدين ببص على الموتتور من تحت لاقيتة مرشح زيت بس مش بينقط ياترى ممكن دة يكون من اية واية علاجة .. علما بأن مستوى الزيت بقيسة كل يوم وثابت مش بينقص ???

اغسل الماكينه في مشحمه نضيفه و خليها زي الزيرو بالضبط و بعدين تاني يوم بص علي الماكينه و شوف الزيت جاي منين؟
غالبا يا اما جوان غطاء التاكيهات او اويل سيه عاوز يتغير مش حيخرج عن كده ان شاء الله.

الدبرياج بتاع العربية لو رفعت رجلى من علية بسرعة شوية وانا بغير من الاول الى التانى والعاكس بحس بهبدة فى العربية من تحت .. بس لو رفعت رجلى ببطئ مش بحس باهبدة دية
مش عارف اية السبب وخايف اروح لميكانيكى لاحسن يشتغلنى وانا معنديش خبرة كفاية
اسف على التطويل ولكم جزيل الشكر

بالوصف دا اللي بتقوله يبقي كده يا قاعده موتور يا قاعده فتيس خلي ميكانيكي يشوفها و ابقي قولنا عملت ايه علشان تطمناو تفيد الناس :)