الموضوع: استفسار لملاك الa4

معايا اوكتافيا a4 موديل 2009 مانيوال العربيه عامله 2500 كيلو فقط ديما بسمع صوت تصقيف في الموتور لو طالع علي الاول بعد ما هديت وقدامي مطب صناعي مثلا او حصل واني وقفت علي مطلع وبداءت اتحرك بحس ان الموتور مش ناتع العربيه وان العربيه تقيله عليه او ممكن اسمع صوت التصقيف وانا بعمل تسارع مفاجاء مع سيارة اخري او فكرت اني ازود السرعه بالرغم اني بستخدم بنزين 92 من ساعة ما جبتها
بالاضافة اني عندي الفتيس المانيوال تقيل جدا في النقله الثالته وفي الاولي لو عشقته والعربيه مشيا علي الصلانصيه كمان بحس ان العربيه وهي واقفه وموتورها شغال ان عداد الاربيي ام بيعلي بسيط وينزل مش ثابت علي رقم معين وان كان بيتحرك حركه بسيطه جدا مع العلم العربيه الصبح بتجيب ميا من الشكمان بكمية محترمة وشايف انها حارقه كويس يعني الشكمان مجير
هل المشاكل دي عند باقي الناس ولا في عربيتي بس وهل هناك حل ليها
واشكر حسن تعاونكم

ممكن حضرتك تراجع التوكيل دة اضمن حاجة ليك
العربية لسة زيروو طبعا
و ربنا يبارك لك فيها
و خصوصا النظر على تيل الفرامل