حلول للمشاكل

**powerofhelll** · 06-02-2009 02:22 AM

السلام عليكم

كنت بفكر ليه كل واحد كان عنده مشكله ولقلها حل يكتب لينا المشكله كانت فين و الحل بتعها ايه و بكده اي مشكله هتقابل حد تاني هيكون حلها معروف .

**powerofhelll** · 06-02-2009 04:12 PM

ايه محدش عنده مشاكل
الحمد لله

**the-hero** · 06-02-2009 04:24 PM

فكرة هايلة
انا كان عندى مشكله بالباور بتاع عربيتى ال 405 وكنت فاكر انه كدا مضبوط لكن لما فضيت الزيت وضبط الأسكترا بقى حرير زى اليابانى بالضبط

**hesham_shousha** · 07-02-2009 10:08 PM

الموضوع ده عايزقاعده بيانات عشان يتصنف حسب الموديل
فيه مشكله قابلتنى فى سيارتى بيجو 305 موديل 79 ان كان فيها مشاكل جننتنى فى الكهرباء وقالى الكهربائى ان المشكله فى علبه الفيوزات وبالفعل جبت علبه فيوزات اصلى من المسيرى وركبتها ومافيش فايده
فقاللى الكهربائى ركب علبه يابانى احسن وبالفعل ركبت اليابانى واتظبطت العربيه تمام ومن يوميها ماشتكتش من الكهرباء ابدا ( من حوالى 8 سنوات )
مشكله اخرى كتاوت الدينامو الغالى اللى كل شويه يبوظ وكنت بجيب الاصلى من المسيرى وبرضه مافيش فايده
وشاله الكهربائى ( برضه من حوالى 8 سنوات ) وركب كتاوت الكترونى روسى الصنع ومن يوميها وانا ناسى ان فيه حاجه اسمها كتاوت دينامو

**hesham_shousha** · 07-02-2009 10:24 PM

حاجه تانيه افتكرتها تهم كل اللى عنده بيجو 305
لان فلتر الهواء اللى موجود دلوقتى اى كلام وممكن يبوظ العربيه
ركبت عليها فلتر ريجاتا ( قصيته وشكلته شكل العمه وسديت مكان القطع كويس )

**powerofhelll** · 20-02-2009 02:53 AM

كنت رايح مشوار بعربيتي 505 و مره واحده وانا بركن لقيت الفتيس بقي زي الميه و مفيش غيارات و المشكله دي حصلت معايا من 3 سنين كده و كنت محتاس ساعتها مكنتش اعرف غير ان الفرامل هيا الي في النص:K_crying[1]::K_crying[1]: المهم استعت الذكريات و افتكرت ان المشكله دي كانت في التيش محدش يفهمني غلط ده الميكانيكي الي قالي علي المعلومه دي من ساعة المشكله الاولانيه
المهم رحت ساحب الدواسه بتاعت الارضيه و راميها تحت العربيه و قلعت الجاكيت و اخت نفس عميق و نزلت تحت العربيه من ناحيت كرسي السواق زي الميكانيكي بالظبط و لقيت التيش ده عباره عن ماسوره حديد او نحاس مش عارف بالظبط المهم دي بتمسك الفتيس بالجير بكس عشقتهم في بعض والفتيس رجع الي اصله مره تانيه و المشكله اتحلت و طبعا لغيت المشوار و لميت العده ورجعت البيت علشان

**waelms3** · 22-02-2009 12:27 PM

مشكلة التيش عملتها معايا انا كمان وكنت فى العيد وخارجين باليل اوى وشكلى بقى وحش مع كل قرايبى وسيبتها للصبح .

**waelms3** · 22-02-2009 12:51 PM

ومرة كنت بغسل الموتور بجاز بعدها العربية مردتش تدور خالص وقطعت عرفت بعد كده انى خبطت الغطا بتااع الاسبراتير والشاكوش جواه اتحرك من مكانه اما لفيت الشاكوش وقفلت العمة كويس اشتغلت العربية بس بعد يوم كامل عشان اعرف ايه المشكلة