الموضوع: هل فى حل لبوش الكبالن

طيب أنت عرفت ان فيه بوش ازاى............

فى الصيانه كنت هناك والناس هناك عارفانى وديما بسالهم وكان السؤال انى بسمع خبطه عند الطلعه ولما رفع العريبه ورانى الى بيحصل بالظبط الغريبه ان المهندس نفسوا معرفش الموضوع ده ولما ركبها واحد من الى بيصلحوا قدر يعرف العيب واثبتوا وقلى عشان تغيرهم هتدفع كتير راح فاكك الكوتشات الى فى الكبالن وشحم بحيث الخبطه الى بتحصل لما بيمسك ويهزر تبقى خفيفه بس لسة برضوا سعات بلاقى الخبطه

فهل ليها حل؟

هواحتمال يكون فيه مجرى من بتوع بيت بلى الكبلنج اتاكلت....وهى دى اللى تعمل بوش مع دوران الكبلنج...وتعمل نقره كده أثناء الطلوع بالعربيه وأثناء الفرمله......مش برضه ده اللى بيحصل معاك.....

انما لوفيه بوش جانبى بيخللى الطقه اللى بتحصل مع الدورانات...وواضح ان ده مش موجود عندك واللى عندك الحاله الأولى

الله ينور عليك يا باشا بس الحل ايه انت قولت الى بيحصل بس مقلتش الحل ههههههه

فى واحد صحبى بيقولى اعكس الشبكه

المشاركة الأصلية كتبت بواسطة kia_sephia_2001_k

الله ينور عليك يا باشا بس الحل ايه انت قولت الى بيحصل بس مقلتش الحل ههههههه

فى واحد صحبى بيقولى اعكس الشبكه

ههههههه....... ماهو أنا لازم أعايش المشكله الأول وأعرف الموضوع كويس......علشان أما أأقول وجهة نظرى....يكون الرأى صح أو قريب من الصح.....شوف ياسيدى لا تعكس شبكه ولا غيره.....لأنه مش حيجيب نتيجه وممكن يبوظ الكبلنج عن كده....(دى وجهة نظرى).....أنا من رأيى كان المفروض تحط شحم تقيل للفرده اللى فيها الموضوع ده كتجربه الأول..........وبعدين أنا سمعت أن فيه ناس كانت بتحشى الكبلنج ماده زى البلك لما يكون ضايع خالص....فى محاولة التخلص من البوش بتاع ملص الكبلنج اللى المفروض يتغير......وأنا من كلامك شايف العمليه عندك أقل حده بكتير(طالما مفيش طقطقه من الكبلنج فى الدورانات)..........طب ماتحاول تعمل موضوع حشو الكبلنج ده على كبلنج واحد الأول وتشوف النتيجه(لأن أنت مبينتش أى فرده اللى فيها المشكله)............فى انتظار ردك

في شارع في وسط البلد اسمه شامبليون و فيه ورش كتير ملهاش شغل غير الكبالن تصليح او تظبيط و معتقدش انه كبالن الكيا غالية اوي بس اتاكد انه العيب في الكوبلن بس مش في البلي علشان لو في البلي يبقي تغيره هوا كمان علشان العيب ميرجعش تاني

اشكركم جميعا على الردود

اولا بالنسبة للحشو انا لما كنت فى التوكيل واحد من المهندسين قلى انا هحشيلك شحم تمام ورفع العريبة وفك النحيتين الكوتتين وقلعد يشحم وملى الدنيا شهم الصوت م هقول زى مهوة بس برضوا موجود

فانت اية المده ديه وفين الكلام ده وبيتكلف كام

بالنسبة لسعر الكبلن واحد بيقولى 150 استيراد وفىا لتوكيل الف ونص وبصراحه انا مبحبش اجيب حاجة تتعبنى وفى نفس الوقت الفلوس معايه على الاد ؟

روح لبتوع الكبالن اللى الأخ قالك عليهم فى شارع شامبليون وأسألهم برضه على الماده اللى قولتلك عليها......وسيبك من التوكيل.....دول شوية......؟.....وأعتقد أن الفرده بحشوها(وتقريبا هى زى البلك ان لم تكن بلك فعلا) مش حتزيد عن40 جنيه