الموضوع: ارتفاع فى اسعار السيارات

المشاركة الأصلية كتبت بواسطة ahmedkoko

طب إنت ليه فرحان أوي كده.إنت صاحب شركة سيارات ولا إيه؟

والله يجماعه انا لاصاحب شركه سيارات ولا انا تاجر ....انا ركيب عادى جدا ....و عموما اختلاف الراى لا يفسد للود قضيه .....واحب ان اقول لكل اللى بيقول ازمه عالميه ...و يقارن بين مايحدث فى دول العالم المتقدم وما يحدث عندنا ..(انا اختلف معك فى الرأى) ليييييييييييه؟؟؟؟؟؟؟؟
عندنا مفيش حاجه بترخص ولو ده حصل حتكون نسبه ضعيفه جدا ولا تذكر ...اللى حاصل ان كل اللى عايز يشترى عربيه كان مترقب و مستنى الكلام اللى كان بيتقال عن انخفاض الجمارك او الغائها و كمان كان خايف من موضوع قانون المرور الجديد ..دلوقت وضحت الرؤيه انه لا تخفيض لجمارك السيارات
المشكله اللى عامله تفاوت فى اسعار السيارات ان الناس لا بتشرى ولا بتبيع فالسوق واقف و مع كثره الاشاعات بخصوص تخفيض الجمارك اللى عنده عربيه كان بيعرضها للبيع بسعر بسيط و من هنا لوحظ انخفاض اسعار السيارات
وانا مش مع اللى بيقول ان اللى معاه سيوله و عايز يشترى عربيه بيفكر الف مره فى ظل الازمه العالميه الحاليه لان اللى عايز يشترى عربيه لا بيفكر فى ازمه عالميه ولا غيره بس بيستنى شويه لما الاسعار تستقر عشان ميندبش و يرجع يندم
ملحوظه 1/انخفاض اسعار السيارات يؤدى الى زياده عددها وبالتالى صعوبه فى توفير البنزين وارتفاع سعره
ملحوظه2/انخفاض اسعار السيارات يؤدى الى زياده فى الاذدحام و تبقى قابلنى لو لقيت حته تركن فيها ههههههه
ملحوظه3/ اوعى تنظرلما يحدث فى العالم من حولك
و تنتظر حدوثه عندنا ......و اكرر انتظر ارتفاع اسعار السيارات فى القريب العاجل

ما حدش فاهم حاجه !!!!!

اعضاء المنتدى الكرام حذاري كل الحذر من الذين يروجون الاشاعات الكاذبة من تجار او سماسرة او .....

اسعار السيارات في النازل و هتنزل اكتر بكتير خلال 2009 و تحديدا من اول نصف العام ان شاء الله .

الموضوع مالوش اي علاقة لا بمنطقة حرة ولا جمارك ولا معوقين ولا اي حاجة الاسباب اكبر بكتير من السيطرة عليها دي ظروف عالمية سوف تؤثر على العالم كله كبير و صغير
و اكبر دليل على الكلام شوفو العروض و التسهيلات اللي ابتدت تعملها كل البنوك لان فعلا مافيش فلوس و مفيش عربيات جديدة بتتباع و التجار الجشعين مش هايقدرو على الصمود فترة طويلة.. دي نصيحة لوجه الله و كل واحد حر

--------------------------------------------------------------------------------

اعضاء المنتدى الكرام حذاري كل الحذر من الذين يروجون الاشاعات الكاذبة من تجار او سماسرة او .....

اسعار السيارات في النازل و هتنزل اكتر بكتير خلال 2009 و تحديدا من اول نصف العام ان شاء الله .



طب اشمعنى من نصف العام يعنى ؟؟؟؟؟ و كمان تحديدا؟؟؟؟
بس انا ليه ملحوظه صغيره/ ليه بعض الاعضاء مفكره انى تاجر؟؟؟ والله انا مش تاجر ولا صاحب شركه سيارات انا عضو زيكو يا جماعه
و اعتقد ان كل واحد من حقه يقول رايه سواء كان صحيح او خطأ بدون ميجرح فى حد
و بعدين متهيالى ان كل اللى عنده عربيه من مصلحته ان الاسعار تزيد مش تقل لانها تعتبر فلوس متشاله ...اللى معندوش عربيه هو اللى عايز الاسعار تنزل .......مش عارف مين بيناقض نفسه و الله حاجه تحير .

المشاركة الأصلية كتبت بواسطة eg_falcon

اسمح لي سيدي الفاضل ان اختلف معك في الراي لان الموضوع مش موضوع عربيات معاقين و فقط لكن و كما ارى الموضوع من زاوية اخرى ان الموضوع في الاصل ان المشترين بداو يشعرون بنوع من الاستغلال من قبل بائعي و مصنعي - عفوا مجمعي - السيارات خاصة في ظل الازمة الحالية و الاسعار و العروض التي نسمع عنها في اوربا و الدول المتقدمة و التي كان اخرها ما نشرته اخبار اليوم في ملحق السيارات اليوم السبت 7/2/2009 عن قرار الحكومة الالمانية منح مبلغ 2500 يورو لكل مشتري سيارة جديدة رغبة منها في تشجيع المستهلكين على الاقبال على تغير - و لاحظ كلمة تغير - سياراتهم و التي قد تكون لم يمر عليها 5 سنوات مثلا و ذلك ظنا منها ان هذا يدعم العاملين في هذه الصناعة قبل ان يدعم المستهلك نفسه
و اذا اضفنا الى ذلك التخفيضات التي قامت بها بعض توكيلات السيارات عندنا و التي بلغت في بعض منها 40000 جنيه على بعض الموديلات لوجدنا اننا فعلا نعاني من كثير من الاستعلال و الذي قد يصل الي حد النصب
و من ناحية اخرى فان الازمة المالية الطاحنة التي يمر بها العالم الان و التي ادت الى اعلان الكثير من الدول رسميا الدخول في مرحلة الكساد و الركود ادت الى عدم اطمئنان الكثيرين عل مستقبلهم الوظيفي في الفترة القادمة و خاصة العاملين في القطاع الخاص و هم الذين لديهم القدرة على دفع الاقساط المرتفعة للسيارات فكيف تامن في ظل الظروف الحالية الدخول في قسط مدة 3-5 سنوات و انت لا تضمن وظيفتك للشهر القادم و هذا الجانب ظهر واضحا في دولة الامارات و ذلك بعد تسريح الكثير من العمالة و تخفيض رواتب الكثير لم يجد هؤلاء مفر بعد ان اصبح قسط السيارة عبئا عليهم من ان يتركوها في الشوارع و بها جميع اوراقها و مفاتحها و جواب اعتذار للبنك عن عدم القدرة على الاستمرار في التقسيط و ذلك قبل ان يركبو الطائرة عائدين الى بلادهم و ذلك دون ادنى امل في العودة الى الامارات مرة اخرى و لو عل سبيل السياحة بعد وضعهم على القوائم السوداء في الامارات مخلفين للبنوك هناك عبئا ثقيلا
خلاصة القول اننا نمر بظروف اقتصادية سيئة مع العالم جميعه و في ظل هذه الظروف لا يفترض ارتفاع اي سلعة تحت اي مسمى و ليست السيارات وحدها و خاصة مع انخفاض هذه السلع في بلادها

+1000000
لازم الواحد يحلل مايدور حوله ويري المتغيرات التى تطرأ على الأوضاع ... في الماضي لو كنت سألت اي مواطن مصري عن اسعار اي سلعة كان هيقولك (بما فيهم انا) ان مفيش حاجة بترخص في البلد دي ... لكن الأن ومستقبلا (والي فترة لايعلمها غير الله) الاسعار في مصر والعالم كله هتكون في النازل (مش بس السيارات) ... عندك النهاردة على قناة CNBC الاقتصادية ان شركة تويوتا تبحث تخفيض اسعارها وذلك بعد ان حققت خسائر غير طبيعية في الربع الأخير من العام 2008 ...

.... شبح الكساد والركود سيطر على العالم كله واثاره ابتدت تظهر في مصر ... خسائر بالبورصة وانهيارات غير مسبوقه ... التصدير تراجع بشكل ملحوظ ... السياحة بيهشو وينشو ... المصانع بتسرح العمال وبتقلل ساعات التشغيل ... وناس بتترفد وتمشي من اشغالها ... وناس مرتباتها بتقل والحوافز بتتشال ... الحديد وخامات البناء في هبوط مستمر ... ده حتى تاجر السيارات اللي تحت البيت عندي حاطط 4عربيات لانسرمتحركوش من مكانهم بقاله شهر وده كنت بضرب بيه المثل زمان انه كأنه بيبيع علب كشري من كتر حركة البيع عنده لكن دلوقتى كل ما أعدي عليه القيه حاطط ايده على خده واقول صبحان مغير الأحوال ... ولسه الفترة الل جايه اصعب ... ربنا يستر ... وبعد كل ده في ناس لسه بتروج لفكرة ان السيارات هتغلى ... ياجماعة بيقولوا في الأمثال ان اللي مبيشوفش من الغربال يبقى اعمى ...