[QUOTE=Demirell;650019]
بس هو انا اعرف منين الكلام ده كله...انا اول مره اعرف معنى الخطوط اللى فى الشارع...فهل المعلومات دى موجوده فى كتاب ولا حاجه عشان الواحد يقراها؟؟
QUOTE]
يا خيبتي!
أيوة يا مان...أي واحد بيروح المرور يطلع رخصة سواقة بيدّوله كتاب فيه كل الكلام ده وبعدين بيمتحنوه في الاشارات وكل الكلام اللي في الكتاب مع امتحان السواقة العملي....
همه مش عملوا كده معاك برضه وللا ايه؟؟! وللا الكلام ده كان معانا احنا بس؟!شكلى كده هاروح اجيبه
العفو
وبالنسبة لسؤالك بص يا سيدي
ممنوع التجاوز
وده خط بيفصل ما بين حارتين في حالة وجوده حضرتك لا يمكن تخش شمال لو كنت ناحية اليمين او العكس وكل سيارة تلتزم بحارتها وده اللي قصدته في المداخلة الاولي في راس الموضوع
خط تحديد المسار
وده الخط المتقطع العادي الفاصل بين الحارات علي الطرق السريعة
مسموح بالتجاوز
وده الخط المتقطع الموجود في الشوارع العادية واللي بيسمح بانك تتنقل من حارة لحارة عكس خط تحديد المسار اللي فوق وتلاحظ هنا ان خطوطه اطول والمسافات البينية اصغر
انما خط تحديد المسار علشان السرعات وقواعد التجاوز فيه مختلفة
لفة فاصلة بين اتجاهين
وده لما يكون مفيش جزيرة وسطية وفي الحالة دي يمكنك الدوران للخلف من الفتحات الموجودة بدون خطوط جانبية
طبعا في الحقيقة مبيكونش كده بالضبط انما هي رسمة للتوضيح ليس الا
مسموح بالتجاوز من اليمين الي اليسار فقط
ودي من العلمات المهمة جدا جدا جدا
ودي بتسمحلك وانت ماشي في الحارة اليمين الدخول للحارة اليسار وليس العكس وممكن تلاقيها قبل اليو ترن بشوية ويعقبها في الغالب الخط المتصل بمنع التجاوز وبالطبع في العكس بتعها لما تبقي الخطوط المتقطعة ناحية اليسار وبالتالي يمكنك الاتجاه يمينا وليس العكس
ممنوع التجاوز قطعيا
ودي غالبا تفصل بين اتجاهين متضادين مع غياب الجزيرة الوسطية او وجود مطبات في المنتصف فقط
ولا يمكنك في هذه الحالة الالتفاف للخلف ابدا
قف امامك طريق افضلية
ودي بتكون موجودة بعرض الطريق لما تكون طالع من طريق فرعي لطريق رئيسي وبالتالي لازم تعرف ان الطريق التاني له الاولوية وتنتظر حتي يسمح الوضع بدخولك
ولو الخطوط دي متصلة يبقي في اشارة مرور يجب ان تعتمد عليها
طبعا دي مجرد امثلة وما خفي كان اعظم
يا ريت اكون ساعدتك بشئ
تقبل خالص تحياتي
شاكر جدا لحضرتك عالمعلومات دى...وشكلى كده هنزل اجيب كتاب اشارات...واقعد اذاكراها
شاكر لحضرتك عالإفاده
المفضلات