حساس الاوكسجين؟

**Strong** · 08-02-2009 02:25 PM

المشاركة الأصلية كتبت بواسطة r0xer

مش مهم مين عمل كدا، لان كدا ولا كدا انا هشتري و التوكيل مستحيل هيقول انا كسرتلك حساس بدون قصد سامحني!! :d

لكن اللي عايز أعرفه هل في خطر لو مشيت بيها كدا لفترة طويلة؟ لان سعر الحساس مع التركيب داخل في 900 جنيه!!!!

وازاي أتأكد انه بااايظ فعلاً مش اشتغالات عشان يلبسوني فيه؟!

لو حد يعرف مثلا ورشة مش زحمة وفيها جهاز كشف في وسط البلد او شبرا

والف شكر ليكم يارجالة

مفيش أي خطر من إنك تمشي بيه مدة طويلة أنا مشيت بيه وكان عطلان لمدة سنة وصلحته والحمد لله مفيش مشاكل في المتور ولا الرشاشات غير إني دفعت أضعاف تمن تصليحه في البنزين

لكن ممكن تشتريه من بره وتوفر ال900 جنيه اللي هياخدوها التوكيل هيكون أرخص بكتير
ولو مغيرتهوش هتدفع ال900 جنيه أضعاف بسبب البنزين إلا لو استهلاك البنزين عندك كويس خلاص ممكن متغيرهوش دلوقتي
وأعراض تلفه زي ما قلت لك فوق

**r0xer** · 08-02-2009 02:29 PM

ربنا يخليك يامعلم، معلش مشفتش ردك لاني كنت بكتب ردي ساعتها.

الف شكر يازعيم.

**Strong** · 08-02-2009 02:33 PM

المشاركة الأصلية كتبت بواسطة r0xer

ربنا يخليك يامعلم، معلش مشفتش ردك لاني كنت بكتب ردي ساعتها.

الف شكر يازعيم.

العفو على ايه احنا اخوات

**kemks** · 09-02-2009 08:06 AM

انا شاريه للفيرنا فيفا ب 350 جنيه او 300 مش فاكر بالظبط و ربنا يوفقك

غريبه برضه انه متني بص انا شوفت طريقه قياسه بالافوميتر هبقي اشوفها و إن شاء الله هرفعها علي المنتدي بس علي العموم زي ما الزميل قال لو مغيرتوش الاستهلاك هيبقي زياده كتير

هو الاستهلاك عندك قد ايه كل 100 كيلو

**moussa ahmed** · 17-02-2009 11:35 AM

كنت عايز اعرف ليه افصل البطارية قبل ما اركب الحساس الجديد وهل ممكن انا اعمل العملية دى مع نفسى ....!!! ولا صعب

**kemks** · 18-02-2009 07:29 AM

المشاركة الأصلية كتبت بواسطة moussa ahmed

كنت عايز اعرف ليه افصل البطارية قبل ما اركب الحساس الجديد وهل ممكن انا اعمل العملية دى مع نفسى ....!!! ولا صعب

اولا الحساس من الاجزاء الكهربائيه في العربيه و من الافضل عند العمل في اي شيء متصل بالكهرباء عشان ميحصلش قفله تفصل السالب بتاع العربيه

ثانيا لو اللمبه منوره معاك عشان الحساس لما تفصل البطاريه اللمبه بتطفي عشان الكنترول بتاع العربيه بيتعملوا ريسيت بسبب عدم وجود كهرباء متصله بيه
حتي هتلاحظ لما تركب البطاريه مره تانيه ان الساعه مش مظبوطه و محطات الاذاعه اللي انت حفظها في الراديو طارت

ممكن تركبه عادي جدا بس لو مرداش يتفك معاك يبقي حبه wd40 بس يا ريت تبقي العربيه بارده و مفتاح علي مقاس الحساس و غيره بنفسك

انا غيرته بنافسي بس طلع عيني عشان يتفك و الحل كان wd40

بالتوفيق