تاكل معدن السيارة بسبب احماض البطارية هههههههههههههام للغاية

**atamim** · 07-02-2009 05:20 PM

السلام عليكم ورحمه الله و بركاته

انا عربيتى موديل 2008 يعنى لسة جديدة

و انا بفتح الكابوت من اسبوع فوجئت بوجود اثار لحامض البطارية على جسم العربية و تكون كتل من الاكسيد بفعل الحامض

اى الحلول الممكنه لتفادى تاكل هيكل العربية من تاثير حامض البطارية؟

هل لو وصلت فتحة الفايز بالبطارية بخرطوم رفيع الى الارض الحامض الزيادة الناتج عن سخونه البطارية حينزل عن طريقة و يحل المشكلة؟

و هل ممكن قطرات الحامض تقع على الكاوتش او الاسلاك الى فى الماتور و تادى الى تاكلها؟

**michohat** · 07-02-2009 05:39 PM

كنت بسمع من زمان انك تحط حته من اى شنبر بايظ تحت البطارية و فوقها واتفاجأت لما كنت عند بتاع البطاريات انه بيقول لى شيلها لان ملهاش لازمه وقال شوية كلام كده مش فهمته بس اللى فهمته انها ليها عيوب والله اعلم

**mk20022002** · 07-02-2009 05:42 PM

لو وصلت فتحة الفايز بالبطارية بخرطوم رفيع الى الارض الحامض الزيادة الناتج عن سخونه البطارية حينزل عن طريقة و يحل المشكلة؟

دة الحل الامثل و ممكن كمان تدهن شوية شحم فى المكان اللى بيقع فية الحمض علشان يبقى عازل
و حل تانى انك تجيب بطارية جافة

**mr_kenawy** · 07-02-2009 05:48 PM

لعن الله البطاريات السائلة و مشاكلها التى لا تنتهى , حوض العربية عندى (مو 2006) تحت البطارية انتهى تماما بسبب احماض البطارية السائلة , نصيحة لوجه الله اللى عنده بطارية سائلة يخلعها و يرميها فى الزبالة غير مأسوفا عليها و يجيب بطارية جافة فورا.

**atamim** · 07-02-2009 06:00 PM

المشاركة الأصلية كتبت بواسطة mk20022002

لو وصلت فتحة الفايز بالبطارية بخرطوم رفيع الى الارض الحامض الزيادة الناتج عن سخونه البطارية حينزل عن طريقة و يحل المشكلة؟

دة الحل الامثل و ممكن كمان تدهن شوية شحم فى المكان اللى بيقع فية الحمض علشان يبقى عازل
و حل تانى انك تجيب بطارية جافة

منا لو دهنت بردة الحامض حيتزحلق على الشحم و ينزل على حته تانية مش متشحمة محلناش المشكلة

و بطارية جديدة معناها انى اخسر بتاع 400 جنية لان لسة البطارية مكملتش سنه لسة فاضل سنه او اتنين كمان

**atamim** · 07-02-2009 06:01 PM

المشاركة الأصلية كتبت بواسطة mr_kenawy

لعن الله البطاريات السائلة و مشاكلها التى لا تنتهى , حوض العربية عندى (مو 2006) تحت البطارية انتهى تماما بسبب احماض البطارية السائلة , نصيحة لوجه الله اللى عنده بطارية سائلة يخلعها و يرميها فى الزبالة غير مأسوفا عليها و يجيب بطارية جافة فورا.

طيب وضحلنا اى معنى انتهت تماما هل فخدة العربية انتهت ولا مجرد قاعدة البطارية هية الى انتهت فية فرق كبير قوى فى الحالتين

**ahmedfawzy14** · 07-02-2009 06:02 PM

شيل البطارية من مكانها واقلب شوية زيت ماتور
انا عامل عندى كده
بجانب برده خرطوم الفايز

**atamim** · 07-02-2009 06:04 PM

المشاركة الأصلية كتبت بواسطة ahmedfawzy14

شيل البطارية من مكانها واقلب شوية زيت ماتور
انا عامل عندى كده
بجانب برده خرطوم الفايز

بس زيت الماتور ممكن ياثر على بوية العربية

كمان مكان الحامض الى انا لاحظته فى عربيتى ناتج عن انى وقعت فى مطب و حامض البطارية طرطش على برة قعدة البطارية الى بتتثبت علية