حادثه بس ربنا ستر

**دينا أبوالعلا** · 08-02-2009 11:55 AM

وانا جايه شغلي دلوقتي كنت هعمل حادثه طبعا انا لميت اشلائي بعد الخضه عشان اعرف اكلمكم
حقيقي انا مش عارفه انا السبب ولا ايه اللي حصل قولت انتو اللي هتقولولي
وانا في اتجاهي لمصر الجديده قبل كوبري الجلاء بكام متر انا واخده الحاره التانيه يمين عشان مش هطلع الكوبري وعربيه خرجت من الشارع اللي جنبي وبقت قدامي وفي ميني باص واقف يمين اللي طلع عامل اشاره شمال يعني عايز يطلع الكوبري قولت اعديه كده كده انا همشي علي طول
المنظر كالاتي عشان تبقو معايا فالصوره ميني باص واقف يمين وعربيه وراه تلتها بره وانا وراه مش وراه بالظبط انا تلت عربيتي هي اللي وراه هديت عشان اعديه اللي جانبي ماشيين بسرعه مش هعرف اخد شمال واعدي منه .حبه حبه حبه لقيته وقف فانا وقفت مش فجاه ده براحه جدا وفجاه اسمع طراااااااااااااااااخ وانا اتزقيت ابص فالمرايه الاقي الاتنين اللي ورايا لابسين فبعض انا محستش اللي ورايا فرمل فجاه انا سمعت فرامل اللي وراه خبطه راح زقه عليا طبعا في الثواني دي كان الطريق مشي قدامي هما نزلو و انا كنت داخله علي اديق حته فالشارع عملت انتظار ومشيت حته ونزلت عشان ابص علي العربيه والريس كان خارج ولا ايه والمنطقه ملبشه بالعساكر قولت انا اول ما افتح باب العربيه هلاقي رشاشات في وشي وحط القنبله اللي فايدك علي الارضالمهم اني الحمد لله ملقتش حاجه وخدت العربيه ومشيت
انا بعد الحادثه جالي فقدان زاكره مؤقت مين عمل ايه فين هو ايه اللي حصل:K14: بس اهو بحاول افتكر علي قد ما اقدر
هو كان المفروض اعمل ايه ؟؟؟لاني من الخضه مش قادره اعرف هو انا غلطت وانا السبب ولا ايه حاسه بتانيب ضمييييييييييير ومتضايقه
انا بصيت عليهم لقتهم مش باصين ناحيتي لو كنت السبب كانو جريو ورايا ومسابونيش ولا ايه؟؟؟
قولولي عشان علي الاقل مكررش الغلط تاني

**mahamedaraby** · 08-02-2009 12:02 PM

حمد لله على السلامه

ثانيا من الموضوع تقريبا انت معندكش خسائر ولا عندك

وعلى العموم قدر ولطف وربنا يرحمنا من الناس اللى بتقف فى اى حته واى حنب ملهاش دعوه بالشارع

**r0xer** · 08-02-2009 12:05 PM

مش ذنبك ان اللي جاي وراكي كان طاير...عشان كدا بيقولو خلي في مسافة بينك وبين اللي قدامك + خلي عينك على لمبة الاستوب .

وحمدله على سلامتك وسلامة العربية.

**bassam nagy** · 08-02-2009 12:07 PM

قدر الله وماشاء فعل

**دينا أبوالعلا** · 08-02-2009 12:19 PM

المشاركة الأصلية كتبت بواسطة mahamedaraby

حمد لله على السلامه

ثانيا من الموضوع تقريبا انت معندكش خسائر ولا عندك

وعلى العموم قدر ولطف وربنا يرحمنا من الناس اللى بتقف فى اى حته واى حنب ملهاش دعوه بالشارع

لا الحمد لله مفيش حاجه عندي
الله يسلمك ومتشكره لاتهتمامك

المشاركة الأصلية كتبت بواسطة r0xer

مش ذنبك ان اللي جاي وراكي كان طاير...عشان كدا بيقولو خلي في مسافة بينك وبين اللي قدامك + خلي عينك على لمبة الاستوب .

وحمدله على سلامتك وسلامة العربية.

الله يسلمك بخلي بالي والحمد لله بحاول اركز علي العربيه لو حسيت ان الاستوب بتاع اللي قدامي مش شغال

المشاركة الأصلية كتبت بواسطة bassam nagy

قدر الله وماشاء فعل

الحمد لله علي كل حال قدر ولطف

**bee** · 08-02-2009 12:25 PM

حمد الله على سلامتك أولاً

بصي يا دينا ..
لما تكوني ماشيه دايما سيبي مسافه بينك وبين العربية الي قدامك تحسباً لأي وقوف مفاجئ ..
ودايما أول حاجه تعودي نفسك عليها لما تلاقي الطريق وقف قدامك مع دوسة الفرامل تدوسي على زرار الانتظار .. لأنه بيفرق كتير جداااااااااااا
لان في أحيان كتير الي جاي وراكي صعب ياخد باله ان العربيات وقفت قدامك .. لكن الانتظار لازم يعرف ..
انا ساعات بكون ماشي شمال والاقي عربية وقفت مرة واحده يمين يعني بعيد عني وحد هيعدي من ورايا وهو مش شايف الي ع اليمين بقفل عليه شوية واديله انتظار واجرع الحارة بتاعتي لان في الفترة الي هدى فيها دي بيكون شاف العربية الي وقفت او تكون مشيت تاني ويبصلي بقرف بس مش مشكلة اهو تعملي خير وبس

لما تدي انتظار لو مفيش عربيات جايه من شمالك قريب تخرجي سنة سنة عشان لو حد جه بسرعه من مكان مش ظاهر تعرفي ترجعي مكانك بسهوله .. لكن لو فيه هدي واحده واحده مع الانتظار حتى لو اضطريتي تقفي مش مشكلة لحد ما الاستاذ الي قافل الطريق عشان يركب زبون يطلع كملي طريقك

وربنا يسترها مع الجميع
ارجو اني اكون افدتك

**دينا أبوالعلا** · 08-02-2009 12:32 PM

المشاركة الأصلية كتبت بواسطة bee

حمد الله على سلامتك أولاً

بصي يا دينا ..
لما تكوني ماشيه دايما سيبي مسافه بينك وبين العربية الي قدامك تحسباً لأي وقوف مفاجئ ..
ودايما أول حاجه تعودي نفسك عليها لما تلاقي الطريق وقف قدامك مع دوسة الفرامل تدوسي على زرار الانتظار .. لأنه بيفرق كتير جداااااااااااا
لان في أحيان كتير الي جاي وراكي صعب ياخد باله ان العربيات وقفت قدامك .. لكن الانتظار لازم يعرف ..
انا ساعات بكون ماشي شمال والاقي عربية وقفت مرة واحده يمين يعني بعيد عني وحد هيعدي من ورايا وهو مش شايف الي ع اليمين بقفل عليه شوية واديله انتظار واجرع الحارة بتاعتي لان في الفترة الي هدى فيها دي بيكون شاف العربية الي وقفت او تكون مشيت تاني ويبصلي بقرف بس مش مشكلة اهو تعملي خير وبس

لما تدي انتظار لو مفيش عربيات جايه من شمالك قريب تخرجي سنة سنة عشان لو حد جه بسرعه من مكان مش ظاهر تعرفي ترجعي مكانك بسهوله .. لكن لو فيه هدي واحده واحده مع الانتظار حتى لو اضطريتي تقفي مش مشكلة لحد ما الاستاذ الي قافل الطريق عشان يركب زبون يطلع كملي طريقك

وربنا يسترها مع الجميع
ارجو اني اكون افدتك

ربنا يجزيك كل خير الف شكر علي النصيحه وطبقا افدتني وهاخد بالي من الانتظار اكتر من كده باذن الله
وربنا يسترها معانا

**د./اليشع ثابت** · 08-02-2009 12:45 PM

الف حمد لله على سلامتك يا دينا
والحمد لله على كل حاجة
بس طبعا انتى مالكيش اى زنب فى الى حدث لهم
لان الى وراكى شايفك ووقف
الغلط بقة فى الى ورا خالص الى جاى جرى و خبط فى اللى وراكى
و غالبا ممكن فراملة مش كويسة او يكون سرح حبتين
و حمدا لله انتى بخير

**محمد عز** · 08-02-2009 12:49 PM

الف لا باس

حمد لله على السلامة

وبما انك اللى مخبوطة من ورا ، يبقى انتى مش غلطانه خالص

بالعكس انت متضررة

**دينا أبوالعلا** · 08-02-2009 12:50 PM

المشاركة الأصلية كتبت بواسطة د./اليشع ثابت

الف حمد لله على سلامتك يا دينا
والحمد لله على كل حاجة
بس طبعا انتى مالكيش اى زنب فى الى حدث لهم
لان الى وراكى شايفك ووقف
الغلط بقة فى الى ورا خالص الى جاى جرى و خبط فى اللى وراكى
و غالبا ممكن فراملة مش كويسة او يكون سرح حبتين
و حمدا لله انتى بخير

الله يسلمك يا دكتور

الحمد لله جت سليمه الواحد قال يشوف هو عمل ايه غلط ولا اللي حواليه عملو عشان يتعلم
هو صحيح كفايه الخضه علمت بما فيه الكفايه

والحمد لله

الموضوع: حادثه بس ربنا ستر

LinkBack

أدوات الموضوع

عرض

حادثه بس ربنا ستر - انشر الموضوع فى :

-

-

-

-

-

المواضيع المتشابهه

ربنا ستر عليا من انى اعمل حادثه كانت هتكون غريبة

ربنا يحفظكوا انا عملت حادثه ومش عرف اترف ازاي ومش عايز يضحك عليا

الحمد لله اول حادثه ليا بالعربيه بس ربنا سترها

عملت حادثه حادثه

عملت حادثه او اتعمل فيه حادثه

الكلمات الدلالية لهذا الموضوع

المفضلات

المفضلات

ضوابط المشاركة