الموضوع: ربنا ستر عليا من انى اعمل حادثه كانت هتكون غريبة

الحمد لله ربنا ستر عليا النهاردة من حادثة غريبة جدا , بصراحة موقف غريب مكنتش اتخيل ان ممكن يحصل من عربيتى خصوصا ان عندى ثقة رهيبة فيها و فراملها .

المهم
النهاردة كنت مسافر الشرقية اعزى واحد صحبى و انا فى الطريق بتاع الصالحية كان فيه كوبرى و الطريق مكنش كويس قوى و كان فيه شوية ميه المهم و انا بطلع الكوبرى ده و ماشى على 40 او 50 حاجة كده فجاة لقيت مطب فدوست فرامل و مش جامد قوى و بحدف يمين شوية عشان اتفادا الحتة اللى فى الكوبرى اللى فيها المطب الاقى الفرامل بتخبط تحت رجلى و ألاقى نفسى بعرض على الكوبرى و العربية بتزحف معايا على السور بتاع الكوبرى رحت احاول الم العربية الناحية التانية و عرضت تانى معايا شمال بس الحمد لله بعدت عن السور , طبعا حمدة ربنا إن العربية مكملتش فى السور و ان الكوبرى كان فاضى .

بس فعلا السواقة ملهاش كبير و بجد الناس اللى عندها ثقة قوى فى عربيتها زى كده ياخدوا بالهم بذات بتكسف الواحد فى أوقات


و معلش يا جماعة الموضوع مفيهوش اى حاجة اكتر من انه موقف حصلى و حبيت احكيه

المشاركة الأصلية كتبت بواسطة tananybasha

الف سلامه عليك
و ربنا سترها معاك
ده الأيه بى اس
اللى انا مش مقتنع ان ليه فايده فى مصر

اه ده ال ايه بى اس
انا فعلا بضايق منه لما بيشتغل و مشفتش منه اى فايده لحد دلوقتى غير انى لما بكبس فرامل اوقات بيوجعلى رجلى من التخبيط :019f3b~14: