الموضوع: تقرير صيانة ال1000 للجين تو

المشاركة الأصلية كتبت بواسطة tutankhamoun

ألف مبروك يا أستاذ مايكل صيانة أو ألف كم و إن شاء الله ربنا يباركلك و تعمل صيانة المليون .

أنا بس لي نصيحة أخوية .

أنا عايز أعرف العرية بتحدف منك جامد ( خطر يعني ) ؟؟؟
لأن لو الموضوع بسيط ممكن تعمل زي ما الأستاذ الفاضل خالد قال و أقترح . و تشوف النتيجة

أنا هاقولك على تجربتي
ساعات العربية مش بتحدف خالص
و ساعات ألاقيها بتحدف حدفة بسيطة يمين و ساعات حدفة بسيطة شمال
المهم مع مرور الوقت أكتشفت أن كل مرة أمشي في طريق مايل مثلا تحدف ناحية ميل الطريق
و ساعات لما أدخل البنزينة أزود هواء
ألاقي الحدفة اليمين راحت و أشتغلت شمال و ساعات العكس و ساعات الحدفة بتروح خالص

فممكن يكون الأسباب التالية هي السبب :
الهوا مش مظبط في فردتين الكاوتش ( الضغط مش متساوي )
الطريق هو السبب مع ميلانه أو أنخفاضه في جهة من جهاته
يكون فعلا العربية عايزة تتظبط

بس رأيي أدام الموضوع بسيط خالص و غير ملاحظ إلا لما تسيب طارة الدريسكيون ....يبقى بلاش تلعب في العربية و توديها عند أي حد يلعبلك في الزوايا .
يعني أدام الدنيا ماشية زي الفل ........... ما تلعبش في حاجة و لا حتى عند التوكيل .

و ربنا ييسر الحال و تطلع مشكلة بسيطة ( طريق - أو ضغط الهوا )

مع تحياتي و أمنياتي لك بالتوفيق

الله يبارك فيك يا استاذي العزيز.

بجد حضرتك فكرتني بحاجة مهمة جدا المهندس كريم لما طلع جرب معايا العربية قالي عليها انه حاسس ان الكاوتش فيه هواء زيادة, يبقى مش المفروض يكونوا قاسوا ضغط الهواء في الصيانة؟

بالنسبة للحدفة انا بثبت الدريكسيون في الوسط ولما بشيل ايدي الاقي انه بيحود يمين شوية , فا مش عارف هل ده فعلا ضغط هواء ولا ظبط زوايا.

اشكر حضرتك جداوكل اعضاء المنتدي لاني بجد كل يوم بتعلم حاجة جديدة:k10:.

نورت الموضوع بردك الكريم.

المشاركة الأصلية كتبت بواسطة m.nabil

وللاسف لما طلعت عالمحور قولت اجرب اشوف موضوع الحدفة يمين ده اتعمل ولا لآ , وكان الرد لآ :_alshmokh08[1]:لسه فيها نفسي الحدفة, قولت بلاش اعكر فرحتي وابقى اروح اعملها في اي حتة وخلاص.

اظبط الزوايا في بردج ستون - عمارات العبور - ممتازيين جدأ و ب 40 جنية