افيدونى فى شراء 128 موديل 90

**aboomar2010** · 09-02-2009 08:25 AM

الميكانيكى ورانى عربية 128 موديل 90 كان جايبها لواحد من شهرين ب 20000 جنية معاها رخصة سنتين وصاحبها عاوز يبيعها عشان مزنوق فى فلوس
الحالة العامة للعربية غير جيد ومحتاجة شغل عشان تنضف لكن الميكانيكى قالى كل ده مش مهم المهم ان دواخلها نضيفة ومش مخبوطة فى اى حتة
المهم انه بيقول عاوز فيها 17500 ومرضيش ب15000 الف وقالى اسأل على موديل 90 وشوفه عامل كام
وانا ارجو من خبراء المنتدى الكرام يفيدونى فى العربية دى وهل ممكن تكون مناسبة والسعر الامثل ليها كام علما بأنى اول مره حسوق وحتعلم عليها وبصراحة كنت ناوى اجيب جديد بس الجديد غالى
افيدون بالله عليكم عشان اخوكم معندوش خبرة خالص فى موضوع العربيات ده اتكل على الله ولا اصبر شوية
وجزاكم الله عنى خير الجزاء

**تامر الزلاباني** · 09-02-2009 08:50 AM

صباح الفل يا باشا
ممكن اقولك ان 128 موديل 90 سعره في السوق حوالي 20000 يزيد اويقل قليل لاكن لو السيارة متظبطه ومش محتاجة شيئ لاكن لو محتاجة شغل ممكن تسئل الشعل ده هيتكلف كام وزود عليه شويه لان محدش بيحسبها بالظبط وتخصم ده من تمنها الاصلي وتتكل
خلي بالك انت اول مرة تكب سيارة وومن الصنايعية يعملو عليك شغل (اسف ) لاكن ده الطبيعي واحسب وقفتك وعطلتك مع السيارة كل ده بفلوس يا باشا
ووفقك الله

**aboomar2010** · 09-02-2009 10:09 AM

الف شكر على الرد بس انا كنت عاوز اعرف تنضيف وفرش العربية يصرف كام تقريبا ولو حغير الشكمان حصرف قد ايه
والموتور لحد كام فى الميه يبقى كويس يعنى 70% ولا اكتر ولا اقل
وجزاكم الله عنى خير الجزاء

**lord23** · 09-02-2009 11:40 AM

المشاركة الأصلية كتبت بواسطة تامر الزلاباني

صباح الفل يا باشا
ممكن اقولك ان 128 موديل 90 سعره في السوق حوالي 20000 يزيد اويقل قليل لاكن لو السيارة متظبطه ومش محتاجة شيئ لاكن لو محتاجة شغل ممكن تسئل الشعل ده هيتكلف كام وزود عليه شويه لان محدش بيحسبها بالظبط وتخصم ده من تمنها الاصلي وتتكل
خلي بالك انت اول مرة تكب سيارة وومن الصنايعية يعملو عليك شغل (اسف ) لاكن ده الطبيعي واحسب وقفتك وعطلتك مع السيارة كل ده بفلوس يا باشا
ووفقك الله

+1111111111111

**mohamed2002** · 09-02-2009 04:03 PM

طالما لسة بتتعلم اشتري واحدة يكون اساسيتها سليمة ومش مهم التوضيب الخارجي سمكرة ودوكو لانك ممكن تحكها

**aboomar2010** · 10-02-2009 02:14 PM

الف شكر ياجماعة على الردود الحلوة وربنا يجازيكم عنى خير الجزاء
بس انا كان ليه سؤال كتير من الناس قالوا لى ماتستعجلش واستنى العربيات حينزل سعرها تانى فهل الكلام ده صحيح ولالا
وهل من الافضل ابدا بالمستعمل ولا الجديد على طول ولو كان جديد يبقى ايه الى زى الفيات يكون قطع غيارة رخيصة ومايستهلكش بنزين كتير
وشكرا ومستنى الردود

**aboomar2010** · 10-02-2009 02:17 PM

الف شكر ياجماعة على الردود الحلوة وربنا يجازيكم عنى خير الجزاء
بس انا كان ليه سؤال كتير من الناس قالوا لى ماتستعجلش واستنى العربيات حينزل سعرها تانى فهل الكلام ده صحيح ولالا
وهل من الافضل ابدا بالمستعمل ولا الجديد على طول ولو كان جديد يبقى ايه الى زى الفيات يكون قطع غيارة رخيصة ومايستهلكش بنزين كتير
وشكرا ومستنى الردود

**mohamed2002** · 10-02-2009 04:12 PM

بص ,طالما حتتعلم علي العربية لسة ومعندكش فكرة يبقي تجيب مستعمل ,الماروتي كويسة وبتكون موديل عاالي وسعر مناسب وقطع غيار رخيصة وسهلة الصيانة

**AMRPOP** · 11-02-2009 07:18 AM

صباح الفل يا باشا انا معايه عربيه 128 موديل 1977 هى عربيه تستحمل معاك و توديك مشواريك و تجيبك بس بدام انت هتشترى العربيه من واحد طرف صنايعى خالى بالك من حقك تروح تكشف على الموتور و على كل حاجه فى العربيه انا العربيه لما خدتها من صنايعى و قالى زى الفل و عربيه عسل مفيش شهر واحد و الموتور فوط منى و اتحرق بس على العموم 128 عربيه اصليه و اقل شغل فيها من جوه او بره بيباين عليها على طول و ربنا يوفقك و الف مبروك على ايه عربيه هاتجبها و ربنا يحرسهلك