اه نفس الوزير دا لسه مصرح ان الاقتصاد المصري سيعاني من انكماش كبير مع تراجع عائدات السياحة و قناة السويس و الكلام دا يدوب من يومين تقريبا
تعديل بسيط بس و هو ان الفيكتر مش 2000 ولا 1800 دى 1600
العربيات اللى سعرها هينزل 13% من العربيات الاوروبى فوق ال 2000cc
زى رينو لاجونا
المرسيدس وال bmw
الباسات
واى حد طبعا عاوز يستورد او ينزل عربيته من اوربا جمرك او من الخليج و تكون اوربى هيحس بلفرق دا بلذات لو كانت معاه فى الخليج 3 سنين فهياخد خصم كمان على سنوات الاستعمال
اولا شكرا علي الموضوع اللي ظهر فيه حماسك ممزوج بالغيظ
ثانيا انت معصب نفسك ليه الموضوع محتاج هدوؤ وفي بعض الاحيان برود وبعدين ايه اللي بيخليك تقري الاهرامم ده جرنان مبيتكتبش للناس بيتكتب للسلطة بعني مش انت المقصود بالكلام ده
وكل المقالات دي مدفوع تمنها ومحسوب اتجاهاتها ومصالحها
ومسفوح دم هذه الجرائد علي بلاط صاحبة الجلالة
لكن اسمحلي اعلق علي بعض افكارك وكلماتك
رغم اتفاقي معاك في كل ما ذكرت اجمالا الا اني اري انك حسبتها غلط
وغم اننا مع الحملة لكن واجبنا نكون دقيقين ومنضللش الناس المنتظرة وبالتالي واجب علي اني اوضحلك واوضح للقراء التخفيضات بدقة
كل ما يلي هذا السطر هو حديث عن السيارات الاوروبي وللتسهيل نتحدث عن سيارة سعرها 100 الف جنيه قبل الجمارك
الجمارك على السيارات ثلاث فئات فقط لا غير كالتالي :
1ـ السيارات ذات سعة المحرك أقل من 1600 سي سي
شاملة السيارات المسماة 1600 سي سي حيث أنها فعليا أقل شوية مثل اللانسر 1600 مثلا بتكون 1584 سي سي
اجمالي الجمارك والضرائب (61.00 %) تفصيلها جمارك 40% من قيمة الفاتورة CIF ثم 15% ضريبة مبيعات + نولون الشحن + 1% تأمين (قيم تراكمية وليس جمع)
الخلاصة عربية سعرها من بره 100 ألف جنيه سيكون عليها جمارك وضرائب اجمالي 61000 جنيه
عند خفض 10% من قيمة الجمارك ستكون الحسبة كالتالي
جمارك 36% من قيمة الفاتورة CIF ثم 15% ضريبة مبيعات + نولون الشحن + 1% تأمين (قيم تراكمية وليس جمع)
وبالتالي اجمالي الجمارك والضرائب والرسوم سيكون 58% بانخفاض 3%
بالتالي سهر السيارة سيكون 158 الف بدلا من 161 الف بدون مكسب الوكيل.
2ـ السيارات ذات سعة المحرك أقل من 2000 سي سي
(يعني شاملة السيارات 1800 سي سي و 2000 سي سي)
اجمالي الجمارك والضرائب (205.50 %) تفصيلها جمارك 135 % من قيمة الفاتورة
CIF
ثم 30 % ضريبة مبيعات (تراكمية)
الخلاصة عربية سعرها من بره 100 ألف جنيه سيكون عليها جمارك وضرائب اجمالي 205500 جنيه
بعد خفض الجمارك (10%) بقيمة 13.5% ستكون الحسبة كالتالي:
121.5% من قيمة الفاتورة CIF ثم 30 % ضريبة مبيعات (تراكمية) ليكون اجمالي الجمارك والرسوم 190% من ثمن السيارة
ليكون ثمن السيارة النهائي 290 الف جنيه بدلا من 305 الف جنيه
3ـ السيارات ذات سعة المحرك أكثر من 2000 سي سي (ومفتوحه الى مالا نهاية)
اجمالي الجمارك والضرائب (247.50 %) تفصيلها جمارك 135 % من قيمة الفاتورة
CIF
ثم 45% ضريبة مبيعات
بعد خفض الجمارك (10%) بقيمة 13.5% ستكون الحسبة كالتالي:
121.5% من قيمة الفاتورة CIF ثم 45 % ضريبة مبيعات (تراكمية) ليكون اجمالي الجمارك والرسوم 224.5% من ثمن السيارة
ليكون ثمن السيارة النهائي 324.5 الف جنيه بدلا من 347 الف جنيه
فعلا السوق المصرية ليها وضعا وخصوصيتها عن باقى الأسواق....
سوق السرقة والفهلوة والنصب ... واجرى يا بنى آدم جرى الوحوش.... ياتلحق الأنبوبة ب 5 أضعاف تمنها والرغيف بأعلى سعر وأقل جودة والعربيات ب 10 أضعاف تمنها.....يا ماتلحقهوش .....
ملاحظة جميلة يا أخ فالكون , عندما أرتفع سعر البنزين قالو علشان سعر البنزين أرتفع عالميا
لما احمد عز رفع سعر الحديد ل 8 آلاف جنيه للطن قالوا علشان خام الحديد أرتفع عالميا .
و أسهل كلمة عندهم : العالم أصبح قرية صغيرة و ما نقدرش ننفصل عن العالم .
لكن لما الاسعار تنزل عالميا 20 % و 30 % يقوللك : مصر سوقها له حالة خاصة و الاسعار لن تنخفض .
مفتكرش هتنزل لأن مصر بطبيعتها كأم الدنيا فهيا بلد متقوقع فى شرنقة البوتقة الحوصلية للعالم
لكن محدش واخد بالة من الموضوع دة طبعا ...
أما نشوف اخرتها مع العالم دى انا زهقت
الاخ الفاضل moha
غصبن عني لاني أكثر شئ أكرهه عندما يتعامل معك شخص على أنك و لا مؤاخذة ما بتفهمش .
هؤلاء الكتاب المرتزقة يعتقدون أننا أغبياء و مغيبين عن ما يحدث حولنا و فاكرين زي زمان هيقولو لنا : أحنا وقعنا عشرين طائرة للعدو أحنا وقعنا 90 طيارة للعدو و أحنا زي الهبل هنصدق .
عزيزي الفاضل ممكن سؤال :
الجمارك 40 % و ضريبة المبيعات 15 % و التأمين 1% فهل نولون الشحن = 5 % ؟؟؟؟؟؟؟؟؟
اليست هذه نسبة عالية بعض الشئ ؟؟؟؟؟؟؟؟؟
معهليش
انت فى م ص ر
تتعلم الـ أ د ب
والـ ص ب ر
(مع الاعتذار للنمر الجديدة)