الموضوع: ركن السيارة الكرولا الجنوب افريقى

المشاركة الأصلية كتبت بواسطة faroukahafeez

السلام عليكم يا شباب
انا عايز اعارف اية الطريقة الصحيحة لركن الكرولا الجديدة

طبعاً الفتيس مفهوش P ومش واضح لناس كتير ازاى تركن العربية وكمان مش واضح فى المانيوال بتاع العربية

انا شوفت طريقتين :-
1- ناس تحط العربية على N وتشد فرامل اليد
2- ناس تحط العربية على R وتشد فرامل اليد

يا ترى اية الطريقة الصح للمحافظة على الفتيس ؟

السلام عليكم
طبقا لدليل المستخدم ص 109
قم دائما بتعشيق فرامل صف السيارة و نقل ناقل الحركة إلى الوضع E أو M أو R

و لكن هنا كان الحديث لتأمين السيارة ضد الحركة فى حال الحوادث لا قدر الله
أنا شخصيا أتركها على الوضع N إلا لو هناك داعى للتعشيق (

شكراً للرد

مظبوط يا باشا صفحة 109 فى التنبيهات

بس زى ما انت قلت هو بتكلم فى حالة الحوداث

انا على العموم بعمل زيك اجيبها على N واشد فرامل اليد
بس كنت خايف ان يكون وضع خاطىء على عمر الفتيس

والله مش عارف اية الحكمة ان مفهياش P
يمكن علشان يكون الفتيس مانيوال بجد


بس اكيد فى حكمة فى كدة يا ريت لو حد عندة فكرة عن الموضوع يفدنا بمعلومات

انا بردة هسأل فى التوكيل المرة اللى جاية ان شاء الله

بص يا باشا

انا عربيتى مانيول مش اتوماتيك
لما باجى بركنها بسيبها على وضع المور (يعنى مش واخد ولا غيار)
وبشد فرامل اليد واتكل على الله
دا فى اى مكان معادا الجراج (جراج خاص) مش بشد فرامل اليد ولا بعشق
وعلى فكرة انا ليا ناس كتير اصحابى بيعملو الحوار ده

يبقى من باب اولى لو عربيتك اتوماتيك سيبها على الغيار N
وشد فرامل اليد
واعتقد ان كدة مفيش اى ضرر على الفتيس
ومعلش خرجتك عن الموضوع شوية