أسعار قطع غيارالجولف

**aid904** · 09-02-2009 04:47 PM

يا ريت أصحاب الجولف 1,2,3,4,5 اللي عندهم خبرة بأسعار قطع الغيار جديد ومستعمل يفيدونا بأخر هذة الاسعار. لاني لاحظت الاسعار بتتفاوت جدا من مكان لاخر. وانا هبتدي بنفسي بقائمه الاسعار دي :
جولف 2
كبالن vico الماني 200 للكوبلن من التوفيقيه محل أسمه فؤاد
مساعدين خلفي مونرو 600 جنيه (غاز+ زيت) ضمان سنه هشام لهيطه التوفيقيه
مساعدين حلفي كوفاب برازيلي (زيت) 380
مساعدين خلفي مايلي ألماني (محفور عل الحديدgermany ) زيت 380 لونه أزرق وشكله مش قد كدة والكل حذرني منه
بلشتين ألأماني غاز+ زيت 480 شكله محترم من الصفوة التوفيقيه

**aid904** · 09-02-2009 04:49 PM

2 فانوس خلفي جولف 2 150 مستعمل بدون فصال من البربري شارع أحمد سعيد (طبعا فب الحرفيين أرخص)
على فكرة المساعدين استعمال ف الحرفيين من 60 - 110 بس لا ينصح بالمستعمل في أجزاء العفشه

**elbadry** · 14-02-2009 02:19 AM

الف شكر علي المعلومات لاني ناوي اشتري جولف 2 ومحتاج اكون علي درايا كاملة بجميع اسعار قطع الغيار الجديدة والمستعملها وايهما افضل في الاستخدام
ومحتاج اعرف اي محرك افضل للجولف 2 المحرك سعة 1400 سي سي او 1600 سي سي او 1800 سي سي وكم يكون المحرك

**ahmed1981** · 14-02-2009 02:35 AM

أنا عندي جولف2 90
قطع غيار جولف2 أسعارها معقولة
تقدر تقول أرخص الألماني
لكن فيها حاجات غالية مثل جوانات الموتور
والشكمان = حوالي 800 جنيه
لكن في المتوسط معقولة

ولو ناوي تشتري أهم حاجة تكون حالة نظيفة جداً
لو حالتها وحشة وفاتحة بقها بتاكل الأخضر واليابس

يفضل تجيب ال 1600 عشان تكون مريحة مع التكييف

أنا اللي معايا 1300 وموتورها مقبول جداً

**umoussa** · 14-02-2009 03:13 AM

بص يافندم طالما ناوي تركب ألماني يبقى لازم تعرف ان أسعار قطع الغيار الأصلية غالية مش رخيصة إطلاقاً...

شوف الوحيد الي عنده قطع غيار أصلية هو أشرف الشهابي ودا تاخد كلامه ثقة بدون أدنى شك ولو عايز أي قطعة غيار ممكن ومش موجودة ممكن تطلبها من عنده وتجيلك كمان 10 إلى 15 يوم.. مفيش حد تاني بيعمل الموضوع ده غيره والتوكيل

أي حد تاني شغال في قطع الغيار مع احترامي ليهم كلهم، البضاعة الموجودة عندهم ضرب والدليل انك تلاقي الحاجة موجودة في علبة فولكس وسعرها مختلف شكلاً ومضموناً عن سعر أشرف وسعر التوكيل وتلاقي الفرق بين أشرف والتوكيل بسيط بس يستاهل يبقى الخدعة فين؟؟؟

بص من حوالي سنتين اتعرض عليا بضاعة عبارة عن سيور كاتينة ودينامو..

كان الطقم الأصلي بتاع البولو مثلاً (كاتينة ودينامو) بيعمل حوالي 900 جنيه ودا الأصلي بتاع فولكس لهو بوش ولا كونتينتال ولا جيتس ولا الأنواع الضرب الي موجودة في السوق وعليه ختم فولكس ورقم الاسبوع بتاع التصنيع و و و و و.

طب ياعم التاجر حتديني الطقم ده بكام؟؟ قال الطقم كامل ب 100 جنيه!!

طيب ازاي إذا كان فولكس ألمانيا بتبيعه بـ 80 يورو إزاي انت تقنعني انه ب 100 جنيه؟؟؟

كان الاحتمالين الي ملهومش تالت ان البضاعة دي

يا مسروقة من مصادرات الجمارك وفي الحالة دي تكون أصلي فعلاً

أو انها مضروبة

المهم تقلب في السير تلاقي عليه الخدعة (مصنوع في ألمانيا) مع ان السير الأصلي مش مصنوع في ألمانيا ومن هنا اتعرف انها بضاعة مضروبة على الرغم من العلبة والتغليف والطباعة والارقام الاصلية وكل الكعلومات بس لما جم يطبخوا الموضوع وحبوا يسبكوه كتبوا عليه انه ألماني.. مطولش عليك مواتير كتير إلي قفش والي السير اتقطع و و و و ودا نتيجة انعدام الضمير وثقافة الأرخص وعدم اختيار المصدر الصحيح...

بص نصيحة، أشرف الشهابي دا واحد بيخاف على أسمه ولاي يقولك عليه فعلاً صدقه وهو الوحيد المضمون

حديلك مثال سريع، طقم تيل الفرامل المضروب التاجر بيخده ب 25 جنيه ويبيعه ب 200 جنيه لو انت رحت اشتريت واحد وبعد اسبوع باظ ورجعتله حيعمل ايه؟ حيديلك واحد غيره ولو بعد شهر باظ ورجعتله حيديلك واحد تالت غيره ساعتها انت حتقول ان الراجل دا محترم بس في الحقيقة هو دفع 75 جنيه بس خد منك 200 يعني محقق هامش ربح 500% وفي الآخر انت حتفتكر ان دا اصدق إنسان في الدنيا بس في الحقيقة هو مش كده......

وربنا يوفقك

**aid904** · 14-02-2009 02:26 PM

فعلا الموتور 1600 لجولف 2 هيكون كويس بس لما تشتري لازم يكون معاك عفشحي وميانيكي بيفهم في الجولف ويكون أمين

**zizophone** · 18-02-2009 11:02 AM

مفيش جديد؟؟؟؟؟؟؟؟؟

**aid904** · 18-02-2009 07:38 PM

airpump مضخه هواء السنتر لوك الاصلى لجولف 2 لقيتها ب225 عند البربري في أحمد سعيد بس أستغليتها إن شاء الله أشوف سعرها في الحرفيين أكيد أقل كتير

**umoussa** · 19-02-2009 10:10 AM

اهم حاجة تكون عارف رقمها علشان فيه موديلات من الإبيزا والبولو السنترلوك هواء برضو... وعلى فكرة لو لاقيتها في الحرفيين حتلاقيها بنفس السعر بس أكيد أصلي

**aid904** · 19-02-2009 07:21 PM

أيوة أنا أصلى بأخدairpump القديمه معايا ساعه الشراء وربنا يسهل لما أشوف في الحرفيين السعر وان شاء الله أكتبه

الموضوع: أسعار قطع غيارالجولف

LinkBack

أدوات الموضوع

عرض

-

-

-

-

-

المواضيع المتشابهه

تأثير زيادة أسعار التراخيص وإرتفاع البنزين على أسعار السيارات الجديدة والمستعملة

أسعار ال جى ام؟

ليون ، كماليات،أسعار قطع الغيار، أسعار الصيانة

أسعار ال Ck2 & Mk

الكلمات الدلالية لهذا الموضوع

المفضلات

المفضلات

ضوابط المشاركة