الموضوع: استفسار عن تركيب تكييف لابيزا 94

المشاركة الأصلية كتبت بواسطة net_bat

ارجو الافاده انا معايا ابيزا 94 و عايز اركبلها تكييف وانا اصلا ماعنديش باوربس كنت عايز حد ينصحنى اركبه عند حد كويسو وهايكلف كام وايه احسن حاجه توفر فى الموضوع ده

بص في واحد في الحرفيين اسمه رشاد عسكر او اخوة مش متذكر بلظبط بس ده راجل ممتاز جدا بالنسبه من ناحية التكلفه هيخش معاك في حدود 2500:3000

بص ياباشا السعر ده فعلا ممكن لو هتغير الموتور وتركب مثلا 1600 بتكييف يوصل ل4000 وانا بصراحة شايف كدة افضل انا شاري الابيزا بتعتي 94 من واحد كان مسقطلها 1600 تكييف وبصراحة ماشاء الله الموتور معاها ممتاز لان العربية اصلا عفشة ثقيلة , بس وياريت حد من الاخوه الافاضل يفيدنا احنا الاتنين في موضوع الباور ده لأني نفسي اخليها باور بصراحة انا ربيت عضلات من ثقل الدركسيون ارجو الافادة .

بص. عليك و على أستاد التكييفات التركيب فى مصر و إسمه سيد سوكه فى عين شمس. حتشوف بعض العربيات الزيرو بيركبلها تكييف!. المهم هو راجل محترم و مش بتاع إشتغالات و لانصب وبياخد يومين فى التركيب على حسب ضغط الشغل عنده. وغالبا بعض شركات تكييف العربيات بيبعتوا عربياتهم عنده وطبعا بيطلعلهم فرق محترم. المهم أنا كنت مركب تكييف فى إبيزا كانت معايا مو 94 1300 سي سي. بكباس ساندن ولازم تركب الساندن عشان ده رحوي مش سلندرات. السلندرات حيفوتلك الموتور. المشكله إن التكييف بيحتاج صيانة وتربيط كل 8 شهور تقريبا أو على حسب إستعمالك وخللى بالك الموضوع ده مهم لأنك لو معملتهاش المسامير اللى ماسكة الكباس ممكن تتكسر جوه شاسيه الموتور (حصلت معايا شخصيا) بس بشطارة سيد عرف يطلعه من مكانه معرفش إزاي بدون ما يخرب أي حاجة. الحاجة التانية .. الزيت لازم يتغير كل 1000 كيلو (بالكتييييير) وحتلاقى الزيت نازل إسوووووود جدا بسبب تحميل الكباس على الموتور. لو مشيت على النصيحة دي موتورك ممكن يمشي حوالي 50-80 ألف كيلو بدون أي مشاكل على شرط إن تكون حالته أساسا كويسة. نمرة الحاج سيد أهي:22989410 أو0129993501
وبالتوفيق. على فكره هو أستاد تركيب للإبيزا و البولو