معروض عليا نوبيرا بالمواصفات دى...

**kareem_Ashmawy** · 25-08-2007 02:07 AM

السلام عليكم يا أهل المنتدى الكرام...

معلش يا جماعة استحملونى كل شوية أقول معروض عليا كذا ايه رأيكم...

بس هعمل ايه محتاسين على الأخر فى اختيار عربية..

المهم..

معروض عليا نوبيرا بالمواصفات الأتية..
1600سى سى
فول أوبشنز ( بس مش عارف سى دى و لا سى دى اكس)
رشة برة نضافة فقط
العداد 95000كيلو ( و دا اللى قالقنى)
صاحبها بيقول انها مواصفات خليجى و تقفيل بره
و اللى بيخلينى مصدق كلامه ان طارة الدريسيون فيها شوية زراير كده مش عارف بتاعت ايه
و انا مشفتش الحكاية دى فى اى نوبيرا قبل كده
و كمان غطاء تانك البنزين محطوط عليه البادج بتاع
دايو موتورز ايجيبت
هو كان طالب 55 الف و نزلنا معاه لغاية 53000
بس الكلام ده بعد ما نوديها التوكيل

فايه رأيكم بيأه يا جماعة
و هل هى كده قربت تفتح بؤها علما بأن الكاوتش الأصلى بتاعها و الفرش حالتهم جيدة جدا
و الموتور بعد بعد ما سديت الشكمان بايدى طلع فى ايدى مياة مش زيت
مما يدل على حسن استعمالها و الله أعلم طبعا

أفيدونى فى هذا الموضوع لو سمحتم..
و شكرا مقدما..

**Karim_Monir** · 25-08-2007 02:41 AM

موديل كام يا كريم
وازاي تقفيل خليجي وغطاء التانك مكتوب دايو موتورز ايجبت

**hazem_khidr** · 25-08-2007 03:54 AM

حكاية ازاى خليجى و التانك مكتوب عليه دايو موتورز ايجيبت
مش عارف ايه تفسيرها بس برده زراير التحكم اللى فى تارة الدريكسيون دى مش موجودة فى المصرى
مش عارف ألاقيلها تفسير الحقيقة

انا اقولك تفسيرها.
العربيه دي اكيد عامله حادثه و مغير نص امامي كامل و دا تابلوه النص الللي هو اشتراه و اخد الطاره بتاع الدركسيون ام زراير كمان معاه و بدأ يقول دي تقفيل بره و خليجي و الكلام دا.
عاوز تتاكد من كلامي بص علي الزجاج الجانبي لو لقيت ماركه الاتنين اللي ورا مصري و الاتنين الامامي مش مصري يبقي كلامي كده صح ميه ميه.
لو لقيتهم كلهم بتوع بره يبقي ممكن يكون مغير الاربع ابواب علشان الاوبواب القديمه اتبدهدلت و شوف الزجاج الخلفي عامل ازاي..

**kareem_Ashmawy** · 25-08-2007 04:07 AM

يا نهار أبيض...
طيب احنا لو ودناها التوكيل ممكن يكتشف اذا كان كلام حضرتك صح يا حازم
و لا أبعد عن العربية دى أساسا

**hazem_khidr** · 25-08-2007 04:19 AM

بص التوكيل ممكن يعرف طبعا و غير كده وريها لسمكري شاطر و بعدين بص علي الحاجات اللي قولتلك عليها و يمكن يكون مغير الطاره بس ما عملش الفيلم دا كله بس طالما التانك مكتور عليه دايو ايجيبت يبقي في حاجه غلط طب ازاي؟؟
يا اما الغطا بتاعه باظ مثلا و جاب واحد من التوكيل؟؟برضه مش حيبقي مكتوب عليه الكلمه دي..
عموما بص في العربيه كويس اوي و علشان كمان سعرها متهيالي اعلي من كده..هيا موديل كام؟

**kareem_Ashmawy** · 25-08-2007 10:37 AM

شكرا يا حازم معلش تعبك معايا...

هى مو 2001 و العداد عامل 95 ألف كيلو

**hazem_khidr** · 25-08-2007 06:18 PM

طيب هيا نوبيرا 1 ولا نوبيرا 2؟؟؟؟
و طالما 2001 يبقي اكيد نوبيرا 1 و بكده تبقي متقفله بره و اللي مكتوب علي التانك ممكن يكون ملزوق في التوكيل و هو بيعمل صيانه مثلا

**kareem_Ashmawy** · 25-08-2007 06:35 PM

هو لو قصدك الشكل...
هى نفس شكل النوبيرا الزيرو اللى بلاقيها قدام المعرض
أما لو مفيش فرق فى الشكل
فلو تقدر تقولى الفروقات بين ال 1-و -2
و انا اقولك هى كانت ايه

و شكرا لاهتمامك يا حازم باشا
:D

اه بالمناسبة
هو ايه افضل رقم للعداد اقدر أشترى عنده النوبيرا
لأن حكاية انها عاملة 95000كيلو دى مضايقانى...

**limo** · 25-08-2007 06:49 PM

بس انا حصلى مشكله قبل كده فى عامود الدركسون فى عربيه لانوس وهى ان عامود الدركسون البلى بتاعه فرط
نزلت الحرفين علشان ادور على عامود فقط من غير الطاره ولا الكونتاكت ولا درعات الاشاره والانوار طبعا ملقتش العامود لواحده لازم اخذ معاه الطاره بالاشارات بكل حاجه
فكنت خلاص حطيط فى دماغى انى هاخذ العامود بالطاره بكل حاجه
وانا بدور لقيت طاره شكلها غريب مش زى الى عندى فى العربيه سألت الراجل عنها قالى انها بتاعت الانوس . قولته لا ده مش زى الى عندى فى العربيه؟ قالى لا ده بتاعك العربيات المسورده علشان بينزل فيها اير باجز
الخلاصه ان ممكن يكون الراجل حصل له مشكله فى الطاره او العامود استدعى انه يغير الطاره القديمه بالطاره المستورده الى هيه مزوده باير باجز
انت ممكن تروح التوكيل وهمه اكيد عارفين العربيات الخليجى من التجميع المصرى