الموضوع: حد جرب بنزين 92 مع موتور الباسات fsi؟

المشاركة الأصلية كتبت بواسطة umoussa

معلومة غلط

موتور الباسات Fsi مش 2000 سي سي دا 1600 سي سي وكمان معدل انضغاطه 12 مش 11.5

إنت متأكد إنها معلومة غلط
متأكد ؟؟؟؟

إسمحلي أقول لحضرتك بلاش التسرع الغير مبرر كأنك داخل تصحح

لو حضرتك متعرفش إن الباسات في منها 2000 CC يبقى المشكلة عندك إنت روح إسأل الأول وإتأكد وبعدين إبقى قول غلط ولا صح

يا احمد باشاا هوا بيتكلم عن الى فى مصر

المشاركة الأصلية كتبت بواسطة sa3dawy

يا احمد باشاا هوا بيتكلم عن الى فى مصر

أصله داخل عليا وماسك القلم الأحمر وبيقوللي غلط
كأني داخل أضلل

شوف يااستاذي معلومتك غلط 100 × 100

وانا مش محتاج احلف والم الناس حوليا، أنا عندي برامج فولكس فاجن المعتمدة والخاص بصيانة العربيات بتاعتها كلها. البرامج الموجودة جوا توكيل فولكس وأودي وسيات وسكودا.

لما تيجي تتكلم على عربية والراجل بيسأل إذا كان في حد استعمل بنزين 92 مع موتور Fsi أكيد الراجل بيسأل على العربيات الموجودة في مصر مش الموجودة في أوروبا أو أي حتة تانية ولو انت متابع صاحب الموضوع من الأول كنت خدت بالك انه سأل السؤال دا اكتر من مرة وفي مقارنات مع عربيات تانية زي الجيتا والاوكتافيا A5 يعني واضح من كلام الراجل إنه بيتكلم على الباسات الـ 1600 الموتور الـ Fsi الموجود في مصر. دي أول نقطة

النقطة التانية
معدل الانضغاط الي انت بتقول عليه غلط سواء للموتور الـ 2000 أو للموتور الـ 1600 ولو تحب ممكن ابعتلك مواصفات كل المواتير الي بتنزل على الباسات

وعلشان مطولش عليك، مواتير الباسات ال 2000 ال Fsi حروفها كالتالي:

Axx
Bpy
Bwa

المواتير الثلاثة دي 4 سلندر Fsi وأقصى قدرة للمحرك هي 200 حصان عند 5700 Rpm
معدل الانضغاط بتاع المواتير دي على الترتيب هو:

10.5
10.5
10.3

والمصنع حسب المواصفات طالب بنزين 98 أو 95 بس بأداء منخفض. ودي تاني نقطة

عرفت ليه المعلومة كانت غلط؟؟

لو انت بقى عايز أي كعلومات عن فولكس، إبقى اسئل الأول

وشكراً

نقطة أخيرة نسيت اكتبها في الرد الي فات؛

من فضلك انتقي كلماتك بأي حال من الأحوال لن أقبل منك كلمة "أصله"

ثانياً أنا لما جيت أرد على الي حضرتك كتبته لم استخدم أي ضمائر في كلماتي

وشكراً

المشاركة الأصلية كتبت بواسطة umoussa

وعلشان مطولش عليك، مواتير الباسات ال 2000 ال Fsi حروفها كالتالي:

Axx
Bpy
Bwa
وشكراً

ايه معني حروفها دي لو سمحت ممكن توضح اكتر

شوف يافندم

فولكس لما بتيجي تعمل موتور بتديلو رمز معين؛ الرمز دا عبارة عن 3 حروف

فولكس بتعمل كدا لأن لكل موتور تصميمه وهي لما بتعمل موتور 2000 سي سي مثلا مبتعملش موتور واحد بالعكس بتعمل اكتر من موتور والاختلافات بتكون في حاجة إسمها
Type of Mixture ودي متعلقة بطريقة ونسب الحقن أو تكون في معدلات انبعاث العادم.

لما تيجي حضرتك مثلاُ تحب تجيب حساس كرنك لموتور 2000 سي سي وتروح لواحد بيجيب قطع غيار أصلي حيسألك الموتور حروفه أيه؟ علشان كل موتور ليه تصميمه الخاص حتى وإن تشابهات العديد من المحركات في نفس السعة والقدرة ومعدل الانضغاط

يعني مثلاُ لما نيجي نقول موتور الباسات ال 2000 سي سي

زي منا قولت قبل كدا فولكس عاملة في الـ FSI Technology 3 مواتير

عادة حروف المواتير دي مبتفرقش مع الناس بس بتفرق مع المتخصصين.

وعلشان اوضحلك اكتر، أنا قولت لحضرتك انه على الرغم من تشابه المواتير في السعات والقدرات و و و و إلا ان في اختلافات ودا بيبان قوي لما تيجي تبص على ضفيرة العربية

وطبعاً العقل يقول طالما في اختلاف في التصميم يبقى فيه اختلاف في كنترول الموتور وعشان كدا تلاقي فولكس لما تجي تنزل اي موتور تعمله كنتروله الخاص.

شوف الصورة دي



الموتور العادي الـ 1600 الي بينزل مصر ومش FSI حروفه ALZ

الصورة الي قدامك دي عبارة عن برنامج قطع الغيار الخاصة بعربيات فولكس

رقم 1 على الشمال دا كنترول الموتور، شوف بقى رقم واحد على اليمين ليه كام رقم على الرغم ان الموتور واحد بس ليه اكتر من كنترول علشان يشغله.

أتمنى تكون الصورة وضحت

أولا سؤال الراجل كان :

المشاركة الأصلية كتبت بواسطة dolab47

لو حد جرب بنزين 92 مع موتور الباسات fsi يا ريت يقولنا اية النظام وهل الموضوع دة ماثر علي العربية ولا لا؟
و الف شكر مقدماو

وأنا رديت على أساس إنه بيتكلم عن ال 2000 CC
وكان ردي موضح إني بتكلم عن ال 2000 cc عشان صاحب الموضوع يعرف إني بتكلم عن ال 2000 ccعشان لو عربيته 1600يوضح إنها 1600CC:

المشاركة الأصلية كتبت بواسطة ahmed1981

موتور الباسات ال 2000 cc الFSI
نسبة إنضغاطه=11.50 تقريباً
وبالتالي البنزين المطلوب هو بنزين اوكتان 95

لذلك الواحد قبل أن يرد ويرمي على الناس الغلط يقرأ كلامهم كويس الأول:

المشاركة الأصلية كتبت بواسطة umoussa

معلومة غلط
موتور الباسات Fsi مش 2000 سي سي دا 1600 سي سي

المشاركة الأصلية كتبت بواسطة umoussa

يعني واضح من كلام الراجل إنه بيتكلم على الباسات الـ 1600 الموتور الـ Fsi الموجود في مصر

وهذه أول نقطة وواضح مين المتسرع واللي بيرمي الناس بالغلط
ـــــــــــــــــــــــــ ـــــــــــــــــــــــــ ـــــــــــــــــــ
ثاني نقطة:
قولك إنك عندك مصادر
أنا برضه عندي مصادر ومش جايب معلومات أضلل بيها الناس
بالعكس أنا جايب المعلومات من مصدر محايد أثق فيه أكثر من معلومات مواقع الشركة

فالواحد برضه ميتسرعش ويتهم الناس بالجهل ويقول إن هو الوحيد اللي عنده مصادر وكلامه مينفعش حد يقول غيره
ويرمي كلام من أمثلة غلط وغلط 100% وألم الناس حواليا كأنه هو صانع السيارة

والموقع اللي أنا جبت منه المعلومة أنا مجربه قبل كده على سيارات كثيره وهو:
http://www.carfolio.com/specificatio...ar/?car=139964

وفي النهاية أنا نصحت صاحب الموضوع إنه يستخدم بنزين 95
وهذا هو الكلام الصحيح سواء كانت 1600 ونسبة الإنضغاط 12
أو كانت 2000 ونسبة الإنضغاط 11.5
من مصادري طبعاً اللي مبسمحش لحد يستخف بيها لمجرد إحساسه إنه عنده برامج الشركة يبقى كل الناس جهلة وهو الوحيد العارف وبالتالي أي حد يخالفه يبقى غلط 100 %
وبخصوص قولك الأخير:

المشاركة الأصلية كتبت بواسطة umoussa

من فضلك انتقي كلماتك بأي حال من الأحوال لن أقبل منك كلمة "أصله"

ثانياً أنا لما جيت أرد على الي حضرتك كتبته لم استخدم أي ضمائر في كلماتي

أنا فندت كلامك في ردي واحدة واحدة لأوضح للناس مين اللي داخل متسرع وقاعد يرمي الغلط كأن محدش يعرف حاجة غيره لمجرد إنه شاف معلومة غير متطابقة مع المعلومة اللي عنده

والناس تفهم مين اللي غلط
ومين المفروض ينتقي كلماته ويحسن أسلوبه