حد جرب بنزين 92 مع موتور الباسات fsi؟

**umoussa** · 13-02-2009 02:25 PM

السؤال بيطرح نفسه؛

يا ترى فولكس بتحط مواصفتها الداخلية في السوفت وير بتاعها من المواقع الخارجية أم من مواصفات المصممين الداخليين؟

صدق الإمام علي فعلاً

وبرضو لا تعليق وربنا يهدي!!!

**ahmed1981** · 13-02-2009 02:32 PM

المشاركة الأصلية كتبت بواسطة umoussa

السؤال بيطرح نفسه؛

يا ترى فولكس بتحط مواصفتها الداخلية في السوفت وير بتاعها من المواقع الخارجية أم من مواصفات المصممين الداخليين؟

صدق الإمام علي فعلاً

وبرضو لا تعليق وربنا يهدي!!!

واضح إنك بدأت تخرج بحوارك عن الأدب
وهذا يمنعني من الإستمرار في الرد عليك
والإدارة مسئولة عن إيقاف متجاوز أدب الحوار عند حدوده

**umoussa** · 13-02-2009 02:35 PM

لا تعليق!!!

**Abo_Lina** · 13-02-2009 02:39 PM

شكرا يا umoussa على المعلومات
..

**umoussa** · 13-02-2009 02:57 PM

العفو يافندم

سؤال بسيط، الفوجات دي كام وات؟ على فكرة المرور بيرخموا جداً حتى على الفوجات العالية....خد بالك

**Abo_Lina** · 13-02-2009 04:48 PM

مش عارف كام وات بس دي الفوجات الاصلية
هيا في الصورة قوية كده عشان انا مصور في حته ضلمه

**Amr_Moh** · 13-02-2009 11:54 PM

شكرا يا umoussa على المعلومات
بس اسمحلي أرجع للسؤال الأصلي
تعرف حد بستعمل بنزين ٩٢ في بسات ١٦٠٠ fsi؟؟ لو حد عرف أحب أعرف نتيجة اسطح`دم ال-٩٢

برجاء التركيز على النقطة ده و مالناش دعوة بال-2000cc و 8000000cc

**umoussa** · 14-02-2009 02:54 AM

واللهي يا سيد عمرو مش عارف أقول لحضرتك أيه

الشركة المصنعة بتشترط بنزين 95 كحد أدنى للحفاظ على المحرك والحصول على الأداء تحت ظروف التشغيل الأدنى

بص نوع الخليط المستخدم في المواتير الـ Fsi مختلف تماماً عن المواتير العادية. لأن البنزين يتم حقنه مباشرة داخل حجرة الاحتراق في الموتور مش زي المواتير العادية. دا الكلام النظري والمفروض انك تمشي عليه.

تعالى بقى للتطبيق....

أكدي في ناس بتستعمل بنزين 92 مع الموتور ده ومتنساش ان لتر البنزين 95 دلوقتي بـ 275 أنا مثلاً في عربيتي بفول 95 بحوالي 145 جنيه.

في ناس متحبش تدفع وفي ناس معهاش تدفع وفي ناس مقتنعة تماماً إن كلام المصنع ده مالوش معنى ولا تثق فيه...

بالواقع لحد دلوقتي يقول ان الي بيحط بنزين 92 في باسات مش واخد أداء الموتور والعربية غصب عنه بتصقف منه دا غير كدا انه علشان يوصل لسرعات معينة عالية لازم يقرص جامد على الموتور مع انه لو استعمل البنزين 95 حيوصل للسرعات دي اسرع ومش حيحمل على الموتور....

نيجي بقى للعمر التشغيلي، الناس الي بتستعمل بنزين 92 حتلبس اسود قريب على الموتور ومتنساش ان موتور حساس زي ده مينفعش أصلاً يصقف يعني بالبلدي الي فاكر نفسه ناصح والبنزين مش فارق حيلبس في الحيط كمان شوية وحيلاقي نفسه متبهدل مع التجار علشان يعرف يجي موتور جديد ودا نوعية الناس الي بتعرف تتصرف؛ الي مبيعرفش يتصرف حيبيع العربية وحيقول ان فولكس دي شركة بنت ستين في سبعين ومواتيرها زي الزفت وبتبوظ...

ولو سألته انت كنت بتعامل اعربية زي الكتاب ما بيقول...يرد عليك بمنتهى البساطة ويقولك مهي البيجو 504 ولا الشاهين 2008 ماشية ايه زي الحلاوة ولا بتشتكي ولا بتقول حاجة.. والحيقية تقول ان الناس الي من النوعية دي كتير.. وركيب الفولكس القديم يعرف يعني ايه فولكس ويعرف ازاي يتعامل مع العربية علشان يحافظ عليها....

يا راجل يا طيب دا في ناس بتحط في العربية زيت معدني ومية حنفية علشان التبريد... تقدر بقى تقنع العينة دي من البشر انها تحط بنزين 95 دول أكيد فاكرين انهم مدلعين العربية بالبنزين 92 الي بيحطوه!!!

وخلاصة القول، تفتكر فولكس مش خايفة على اسمها؟؟؟ أكيد طبعاً خايفة ولو مكانتش خايفة على اسمها مكنتش كاتبت على باب تانك البنزين في كل عربية مواصفات البنزين المطلوب وعلى صدر العربية كمية الزيت ومواصفاته ولا انا غلطان؟؟؟

طيب اقولك بقى حاجة محدش يعرفها، تعرف ان موتور البولو العيون البرازيلي الـ 78 حصان علشان تاخد عزم الموتور وقدرته كاملة لازم تحط 24% من تانك البنزين كحول!!!

تفتكر حد في مصر ممكن يصدق دي؟؟؟؟ بس دا طبيعي لأن العربيات أصلاً في البرازيل ماشية بالكحول...

طب تعرف ان فلتر البنزين الأصلي بتاع الباسات متصنع في الصين؟؟ تفتكر لو حد راح اشتراه ولقى مكتوب عليه مصنوع في الصين حيصدق التاجر ولا حيقول عليه حمار؟؟؟ في عينة كدا من الناس لو مشفش كلمة مصنوع في ألمانيا يبقى قطعة الغيار مضروبة.. احب اقول لحضرتك ان الفلتر المضروب بتاع الباسات مكتوب عليه مصنوع في المانيا.. اقنع بقى الناس بالحقيقية دي!!!

آسف لأني طولت عليك ويافندم انا تحت أمرك في أي حاجة تسأل عليها

**umoussa** · 14-02-2009 02:56 AM

المشاركة الأصلية كتبت بواسطة Tyler_Durden

مش عارف كام وات بس دي الفوجات الاصلية
هيا في الصورة قوية كده عشان انا مصور في حته ضلمه

بص مش حتخسر حاجة... القانوني 50 وات لو هما 50 وات سبهم لو مش 50 وات وانت عايز تخليهم؛ وطي الرجلاش بتعهم وخليهم يضربوا في الأرض علشان ممكن يطلعلك أمين شرطة ولا عسكري ميفهمش ويقولك دا زينون ودول كتير قوي حضرتك

الموضوع: حد جرب بنزين 92 مع موتور الباسات fsi؟

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

مشكله فى موتور الباسات 98

بنزين الباسات 1600

سؤال فى بنزين الباسات (1400)

تحويل السيارة من موتور بنزين الي موتور ديزل(جاز)

سؤال ضرورى عن موتور الباسات

الكلمات الدلالية لهذا الموضوع

المفضلات

المفضلات

ضوابط المشاركة