الموضوع: أنصحوني: صني مانيوال ام أوبترا مانيوال

المشاركة الأصلية كتبت بواسطة tutankhamoun

أهلا بيك يا أستاذ حسام و أختلاف الرأي لا يُفسد أبد للود قضية و أحنا كلنا أخوات و أنا سعيد بالمناقشة مع حضرتك .

أنا مش بدافع عن الصني أو ضد الأوبترا فنيا .
لما نتكلم عن التقفيل ..... و نقعد كل شوية نقول مصري ...... مصري
لازم يا جماعة نعرف اللي ورا الكلام ده
ده أقتصاد بلد بحاله مش مصنع بس .
طيب لما المصريين ....... يهجروا منتجات بلدهم
أنا و حضرتك و أخي و أخوك و أهلي و أهلك يشتغلوا فين ؟؟؟
خصوصا لما يكون المنتج ده مش وحش و شغال كويس يبقى أيه المانع أني أفضله على المنتج الأجنبي حتى لو الأجنبي جودته أعلى قليلا . حتى بدافع الوطنية الشخصية
لأن كل عربية أو منتج مصري بيتباع حضرتك و أنا و كل مصري بيستفيد من ثمنه بطريقة غير مباشرة .
المصنع اللي باع دفع ضرائب
الضرائب الحكومة بتبني بيها مدراس لأولادنا و بتبني بيها طرق علشان نستخدمها و كباري و بتمد خطوط صرف صحي و مياة
إنما المنتج المستورد ........ هايندفع عليه ضرائب و لكن الفرق ان الاستفادة من المنتج المصري أكبر
لأن داخل فيه مكونات أكثر و بالتالي الضريبة أعلى و أيضا المنتج المصري ده وفر فرص عمل لأبناء البلد .

ثانيا .و نتكلم فنيا
العربية النيسان الصني من العربيات الناجحة في مصر نجاح باهر ... ليه ؟؟
علشان العربية محترمة و تقفيلها كويس .. و أنا معاك في موضوع ان فيه ناس بتشتكي من موضوع البنزين و لكن مش هاقدر أقول تفاصيل أكثر نظرا لقلة خبرتي مع الصني في النقطة دي .
الأوبترا عربية كويسة و جميلة و لكنها من إنتاج شيفروليه !!!!!!!!

شيفروليه الشركة الأمريكية
امريكي = صهيوني
صهيوني = عدو العرب و المسلمين
صهيوني = عدو جالس على حدود بلدي مصر منتظر فرصة ضعف علشان ينقض على بلدي و على أهل بلدي
و أحنا كنا فتحنا موضوع بواسطة الأستاذ المحترم إسلام جلال و ناقشنا فيه مقاطعة المنتجات الأمريكية و خصوصا السيارات نظرا لتخصص المنتدى في هذا الشأن .

و الله يحرق أمريكا على الصهاينة في يوم واحد علشان أنا أتخنقت منهم و من المتعاونين معاهم .
و على فكرة المتعاونين معاهم كتير
أولهم تخاذلنا نحن جميعا كأمة
و تخاذل حُكامنا الذين لا يهمهم إلا الحكم و السلطة
و تخاذل المواطن العادي في شراء منتجاتهم .

يجب علينا مقاطعتهم مقاطعة ايجابية
عموما هذا ليس موضع هذا الموضوع علشان الراجل صاحب الموضوع ميزعلش
بس ياريت بلاش أوبترا دي كمان مش مصري .
أدام الصني في أختياراتك ......... أتكل على الله و العربية ممتازة و كمان تقفيل مصري .... يعني فلوسك ........ هاتقعد ليك و لأهلك في صورة خدمات حكومية ( حتى لو مستوى الخدمات ليس على جودة معقولة ) و لكن نطور بلدنا بأيدينا ......... و فلوسنا تلف في أقتصادنا أحسن ما تخرج برة و يستفيد بيها ناس بيضربونا بيها .

و السلام عليكم و رحمة الله و بركاته

المشاركة الأصلية كتبت بواسطة mohamedbook

انت مغلب نفسك لييه مهما اغلب الاعضاء الوللك المستفيض الممل في الشراء
وانت عليك تختار

ولا ناوي تشتري السنة الي بعد الجيية
قرار الشراء اتاخر

ولا انت مع الحملة
خلوها تصدي وموديلها يعدي وبتقارن بيين السيارات

انا فعلا مع االحملة بس بجهز قرار تحديد العربية من بدري عشان لما احس ان الامور بدأت تستقر ابقي محدد هشتري ايه, مش كده الصح

المشاركة الأصلية كتبت بواسطة tutankhamoun

السلام عليكم
طبعا كلام حضرتك ممكن يكون صح بالتأكيد
و لكن لا ينطبق على كل الماركات
يعني أنا شايف أن النيسان صني سعرها معقول قوي
بس فيه حاجة حضرتك مش واخد بالك منها
أن شركة جنرال موتورز هي المسئولة عن التجميع و ليس منصور و منصور ما هو إلا شريك بنسبة 16 % في المصانع و هو الموزع الوحيد لمجموعة جنرال موتورز مصر .

أنا مقدرش أقول هي أيه تكاليف الانتاج عندهم و مقارنة السعر مع المستورد و لو أني متفق معاك في أن الأفيو مغالى جدا في سعرها و لا تساوى هذا المبلغ .

عموما الشركات و المصانع اللي بيتم بنائها و إنشائها ليس لصالح العمال و هذا طبيعي
لا يوجد مستثمر في العالم كله بيبنى المصنع علشان خاطر عيون العمال .
و لو حضرتك فهمت كدا من مداخلتي يبقى حضرتك فهمتني غلط !

أي منشأة صناعية أو تجارية بيكون هدفها الأول و الأخير هو الربح لصاحب المشروع .

أما ما قصدته أنا هو أن المشروع المقام على أرض مصر و يعمل فيه أخي و أخوك و أبي و أبوك و كل مصري .
الأستفادة بتعود علينا كمصريين في النهاية .

أما شراء المنتج المستورد فده الوحيد المستفيد هو الوكيل المحلي فقط
أما المصنع الأستفادة بتكون أكبر
- توفير فرص عمل .
- دفع ضرائب للحكومة . و بدورها الحكومة بتصرف من فلوس الضرائب على المستفشيات و الجيش و الطرق و خلافه ( مليش دعوة بجودة الخدمات المقدمة )
- القضاء على البطالة .
- تدوير الاقتصاد المصري بتدوير مدخراته داخله و استفادة المجتمع طله منها بطريقة مباشرة و غير مباشرة .


و من هنا أنا بضم صوتي لصوتك و بأقول
بلاش نشجع المنتج الوحش .... و بلاش نشجع الأستغلال .

شجع الناس المحترمة اللي بتقدم منتج محترم بسعر مناسب .
هي دي الفكرة كلها .
و السلام عليكم و رحمة الله و بركاته

يعني نشجع الصني وبلاش الاويترا

أظن بعد المميزات الجديدة اللي في الصني 2009 بقت احسن بكتيييييييير