نوبيرا أتوماتيك و لا أوبترا مانيوال

**naguib2005** · 22-12-2007 11:18 AM

ايه رايكم يا جماعة اجيب نوبيرا اوتوماتيك و لا اوبترا مانيوال و الله انا كنت استقيت على النوبيا خلاص بس فى ناس قالتلى لا النوبيرا بترخص لما تتباع مستعملة جدا و اللى يقوللى عفشتها و حشة و اللى يقوللى الاوتوماتيك بتاعها بيبوظ فهل العيوب ده موجودة و لا لا انا معايا لانوس و شغالة كويس و النوبيرا من جوة جميلة جدا و فخمة بس العيوب ده حقيقية ولا كل و احد بيحب يفتى(كعادتنا)

و يارب اللى يرد عليا يتجوز :d و لو متجوز يجيب بامبينو صغير :d ولو مخلف يباركلو فى و لاده:)

و بقولكو ايه لو نوبيرا ايه احسن لون ميبانش التجريح فيه انا محتا بين رصاصى و ابيض

**Hassan** · 22-12-2007 06:43 PM

راى الشخصى و عن تجربة النوبيرا تفوق الثمن المدفوع فيها
لكن ينصح بالمانيوال لكثرة شكوى مالكى الاوتوماتيك من الفيتيس
رغم مرور اكثر من 8 سنوات على هذا الموديل , لا تزال من افضل السيارات فى فئتها باحسن سعر

**dr_3eshoo** · 23-12-2007 01:37 AM

اوعى زفته الطين نوبيرا خليك في الاوبترا
لو جبت النوبيرا هتشوف الي عمرك ما شوفته من عربيه زي دي
كانت معايا
بتغير مقصات و فرامل مع الزيت ده غير حجات غريبه زي السيور الي مش بتستحمل و غير العفشه الي زي الطين
ميغركش سعرها زي مغرني
ده غير بنزينها الكتير و مش هتصدق لو قلتلك ان بنزينها اكتر من بنزين مرسيدس 230 لو اتوماتك
صدقني اوعى اوعى اوعى

**mummy_47** · 23-12-2007 01:33 PM

المشاركة الأصلية كتبت بواسطة dr_3eshoo

اوعى زفته الطين نوبيرا خليك في الاوبترا
لو جبت النوبيرا هتشوف الي عمرك ما شوفته من عربيه زي دي
كانت معايا
بتغير مقصات و فرامل مع الزيت ده غير حجات غريبه زي السيور الي مش بتستحمل و غير العفشه الي زي الطين
ميغركش سعرها زي مغرني
ده غير بنزينها الكتير و مش هتصدق لو قلتلك ان بنزينها اكتر من بنزين مرسيدس 230 لو اتوماتك
صدقني اوعى اوعى اوعى

الرد:
-المقصات ممكن تتغير حسب الاستهلاك(من عيوب النوبيرا جلب المقصات بتتاكل بسرعة ) لكن ملهاش اي تأثير على ميكانيكية السيارة ..غير صوت التزييق الضعيف فقط..(انا سألت ميكانيكي متخصص في الدايو) فانا مهمل الصوت وكانه مش موجود ومغيرتش اي مقصات والعربية عاملة 48 الف
-بالنسبة للسيور بتتغير عند 40 الف (سير الكاتينة وسير المشترك) ده لو كان السيور اصلية مش مغشوشة زي الموجودة في السوق فهتظطر تغيرها قبل كده..وتيل الفرامل نفس الكلام.
-بالنسبة للعفشة انا شايفها مريحة وكويسة لكن هي ناشفة لان العربية تقيلة وده لان ثباتها على السرعات العالية كبير جدا..وانا جربت الكلام ده في الاوبل فكتر ..عفشتها ايضا ناشفة من الامام...وثباتها رائع زي النوبيرا ..
-بالنسبة لاستهلاك البنزين..فانا اوافقك في ان استهلاك الاوتوماتيك عالي...وياريت حد من الاعضائ يفسر لنا السبب..
-ايه اللي عرفك ان الاوبترا هتكون كويسة هي لسه متجربتش مبقالهاش سنة.. لكن النوبيرا متجربة بقالها 10 سنين تقريبا والناس اتعودت على عيوبها البسيطة ..
وفي اتظار ردود الاعضاء
وهذا رايي الشخصي وفي انتظار رد باقي الاعضاء

**pampino** · 23-12-2007 04:52 PM

أرسل أصلا بواسطة dr_3eshoo
اوعى زفته الطين نوبيرا خليك في الاوبترا
لو جبت النوبيرا هتشوف الي عمرك ما شوفته من عربيه زي دي
كانت معايا
بتغير مقصات و فرامل مع الزيت ده غير حجات غريبه زي السيور الي مش بتستحمل و غير العفشه الي زي الطين
ميغركش سعرها زي مغرني
ده غير بنزينها الكتير و مش هتصدق لو قلتلك ان بنزينها اكتر من بنزين مرسيدس 230 لو اتوماتك
صدقني اوعى اوعى اوعى
اولا بعد احترامى ليك كل كلامك اللى انتا قولتة دة مش صحيح لانى انا شارى نوبيرا زيرو موديل 2006 وبقالها معايا اكتر من سنتين وبسم اللة ماشاء اللة زى الفل وماغيرتش اى حاجة من اللى انتا قولتة دة اانا معايا نوبيرا مانيول والحمد اللة تمام كل بس اللى بحتاج اعملة فيها انى اربط العفشة كل فترة كدة يعنى كل حوالى 3 شهور او شى خصوصا من كتر المطبات اللى فى شوارعنا اكتر من كدة مافيش ياباشا انتا معاك عربية فيها كل كماليات اى عربية تانية بتكون اعلى منها فى السعر وكفاية ان حاجتها فى كل مكان

**wildwest100** · 23-12-2007 07:36 PM

ينصح دا ئما بناءا على راى اخوانا فى المنتدى ودا كمان راى الخبراء فى عالم السيارات
بلاش عربية كورى اتوماتيك الفتيس بتاعها اى كلام وكمان مش بتبقى كويسة
وعلى فكرة الاوبترا هيا هيا نفس النوبيرا لانها نفس المتور الفرق فى الشكل الخارجى وكمان الاوبترا شكلها احسن والمنيوال بتاعها كويس وبيجرى على الطريق

**ahmedezzat78** · 23-12-2007 09:58 PM

اوبترا منيوال احسن

**naguib2005** · 23-12-2007 10:14 PM

مشكورين على التفاعل بس العفشة عاملة ايه بالتلخيص كدة و لو هاجيبها ايه اشيك لون من رايكم

**الريس** · 23-12-2007 10:40 PM

لو نوبيرا بلااااااااااش اوتوماتيك .. و احسن لون في رأيي الخاص جدا هو السماوي ثم الفضي

**mummy_47** · 24-12-2007 12:51 PM

يا جماعة انا مش عارف انتم ليه خايفين من النوبيرا الاوتوماتيك...هل حد جربها ولقاها مش كويسة..انا ليه زملاء راكبين اوتوماتيك من زمان ومشتكوش منها..وكمان الفتيس الاوتوماتيك بتاعها ب 1000 ج استيراد يعنى ارخص من الفتيس المانوال. من بورسعيد ..كما افاد استاذMSALAMA..لو حصل له حاجة لا قدر الله..وكمان ممكن تسالوااستاذ Hesham Premeuim هو عنده نوبيرا اوتوماتيك كوري عاملة 150 الف كيلو وماشاء الله عليها وانا معايا اوتوماتيك موديل 99 ايضا والفتيس ماشاء الله......يا ريت حد يكون عنده نوبيرا اوتوماتيك ويقولنا ايه الشكاوي منها.