كورولا 2009 ولا جيتا base 2009

**the_first_knight** · 11-02-2009 06:48 PM

بجد لو هختار بين الكورولا والجيتا ..........
هختار الجيتا ... عربية مناسبة قوي لمصر ومن غير مشاكل فنية خالص
وكمان أعتقد إن الإضافات والكماليات مش هتخلي الواحد يختار عربية على حساب الأخرى ( أهم حاجة أهتم بيها من وجهة نظري وسائل السلامة والأمان .....)

وربنا يوفقك في اختيارك

**bassam nagy** · 11-02-2009 06:58 PM

المشاركة الأصلية كتبت بواسطة Sharky

شكرا يا باشا على الخبر

يعنى فعلا طلع فيه مشكلة فى الفتيس MMT !!

عفوا على اية
من تجربة زميل لية العربية فيها تاخير فى النقلة وممكن تبقى ماشية عادى والسرعة مناسبة على النقلة وتنزل لنقلة اقل
وفيها نتشة بسيطة مع الغيار
راى التوكيل المصرى ان الفتيس لية استخدام خاص
الجيتا احسن وانتشرت اكتر من الكورولا وعربية المانى

**Ahmed Selim** · 11-02-2009 07:07 PM

المشاركة الأصلية كتبت بواسطة zizo

جيتا افضل حتى لو الفتيس بدون مشاكل

كلام مظبوط 100%

الألمانى ألمانى.......مفيهوش هزار

**M.Osman** · 11-02-2009 09:59 PM

جيتا يا باشا ...

مع ان برضو تويوتا خدمة ما بعد البيع فيها تعتبر top...من اللى سمعته

**Sharky** · 12-02-2009 09:35 AM

المشاركة الأصلية كتبت بواسطة alijandroo

بعيداً عن قصة فيه مشكلة في الفتيس ولا لأ
انا بحثت في سايب البي بي سي ومش لاقي أي خبر عن الفتيس ولا سلبي ولا إيجابي
والمنطقي إن اللي الأخبار المسموعة بتكون مكتوبة في الموقع

طب و حضرتك خدت إقتباس من مشاركتى انا ليه
هو انا إللى قلت الخبر !!!!!

أنا زيك دورت و ملقتوش و لما سألت أستاذ باسم قال إنه سمعه فى الإذاعة

**aliabutaleb** · 12-02-2009 09:49 AM

المشاركة الأصلية كتبت بواسطة Sharky

طب و حضرتك خدت إقتباس من مشاركتى انا ليه
هو انا إللى قلت الخبر !!!!!

أنا زيك دورت و ملقتوش و لما سألت أستاذ باسم قال إنه سمعه فى الإذاعة

بقالي 12 سنة بادخل منتديات عمري ما شفت حد بيقول لحد انت مقتبس مشاركتي ليه
عفواً إن كان اقتباسي لمشاركتك ضايقك
وعفوا انا منسحب من النقاش

**Sharky** · 12-02-2009 09:53 AM

يا سيدى الفاضل
معنى إن حضرتك واخد إقتباس من مشاركتى إنك بتعلق عليها و لا انا غلطان !!
انا سنواتى أقل منك فى المنتديات لكنى لم أرى أن فيه حد أقتبس مشاركة من عضو و علق على مشاركة تانية مش فى الإقتباس !!

و مشاركتى ليست هى أساس الخبر إللى حضرتك معلق عليه

**حماده المصري** · 12-02-2009 10:01 AM

الجيتا عمرها ما هتتفوق على الكرولا الا في الثبات فقط
انما السعر لصالح الكورولا طبعا مع الامكانيات والكماليات

9 ايرباج مالتي فاكشن مثبت سرعه تبديل من ورا الدركسيون العداد التحفه كمبيوتر الرحلات جنط تقريبا زينون كل ده مش موجود في الجيتا البيز لاين

انما بقى قصه الفتيس ف الفتيس مصمم للتوفر في البنزين
ومبرمج انه يتاخر في النقلات وميستجبش مع الدوسه الجامده خاصه
لما العربيه بتكون وافقه عشان دي من اسباب استهلاك البنزين الكتير
انما في الاستبترونك بتاعه الجير بيتعامل وبينقل زي الفل
وفيه وضع رياضي برضو الجير بيتعامل بمرونه
ويقال كمان ان الوضع الرياضي بيبرمج كل العربيه على الاداء الرياضي
بما فيها الفتيس والموتور
ده غير ان موتور الكرولا اقوي من الجيتا بمراحل وتكنولوجي جديده

ثبات التويوتا الكرولا الجديده ميعتبرش تعبان هو ثبات اكتر من مقبول
وتقدر تجري وتتحكم بالعربيه بدون قلق
بس طبعا الالماني اقوى في الثبات
التويوتا كرولا عربيه تمسك سعرها جدا وبياااعه اكتر من الجيتا بمليون مره

انا لو مكانك هختار كرولا بدون ادنى تفكير في الجيتا

**elmadawy** · 12-02-2009 10:12 AM

يا جماعه احنا عيزين معلومات اكثر عن الكرولا من ناس معاهم العربية علشان الفائده تعم وهل ياترا دي مشاكل ام نظام جديد الشركة بطبقه للتوفير في البنزين زي ما قال احد الزملاء وشكرا

-

الموضوع: كورولا 2009 ولا جيتا base 2009

LinkBack

أدوات الموضوع

عرض

-

-

-

-

المواضيع المتشابهه

تويوتا كورولا 2009 جنوب افريقي أم هوندا سيفيك 2009 ؟

جيتا 2009 ولا سيفيك 2009 ؟

جيتا 2009 ولا سيفيك 2009 ؟

نيو سيراتو 2009 ولا كورولا 2009

كورولا 2009 ولا لانسر 2009 الشكل القديم عاجل

الكلمات الدلالية لهذا الموضوع

المفضلات

المفضلات

ضوابط المشاركة