الموضوع: تحذير من محطة بنزين في اسكندرية -عد فلوسك كويس قوي

المشاركة الأصلية كتبت بواسطة EGYANGEL

ليها حل في حاجة اسمها عيار يعني مثلا
لوشكيت في عدادات بنزينة تعمل ايه
تجيب حاجة (ازازة زجاج او صفيح) عشان هايقلك ممنوع احط في بلاستيك بتشيل 2 لتر بالملي وبعد ماتحط بنزينك قلو حطلي لترين في الازازة وشوف 2 بالظبط ولا اقل لو اقل شوف بقى هاتعمل فيهم ايه؟؟؟؟؟؟؟؟؟؟؟؟؟
انا بعمل كدة عشان معايا علبة صفيح باخدها
معايا لما بسافر بتشيل 5 لتر بالظبط

جامدة الفكرة دي والواحد يجربها مرة واحدة مع البنزينة الي متعود عليها

الحمدلله انا مبمونش غير من بنزينة واحدة طول منا فى القاهرة ومحترمين وزى الفل ... الواحد محسش بقيمة البنزينة ديه غير بعد اللى انتوا قلتوه ده :)

السلام عليكم
أنا الموضوع مختلف تماما معايا
أنا من العجمى وشغلى على الصحراوى والمسافة يوميا حوالى 60 كم بحط 20 لتر بيعملوا معايا 300 كم يعنى بروح البنزينة كل 5 أيام وكل 5 أيام عركة شكل
أخر مرة الواد هناك كان مصمم يسرقنى وللأسف كات أغبى من اللازم
أول مابدخل البنزينة ينزل من العربية وأقف جمبه لحد مايخلص وأحاسبه وأركب وأمشى
المرة الأخيرة قولت له حط 20 لتر قالى ماشى عطيتوا 50 جنية قام عد 13 فى ايدوا وخلص وبيدينى الفلوس لاقيتوا حاطط ب 20جنيه مش 20 لتر طبعا قم مظبته وقولتله فوق على الصبح وبلاش أمور النصب دى يا تييييت المهم راح مكمل لغاية ما حط ب 37 جنيه وقالى تمام كدة ياباشا قولته تمام قام سابنى ومشى ومعطانيش الباقى طبعا زى ما أنا ركبت عربيتى وقعدت مستنى الباقى قدام الماكنة دقيقة 2 3 المعلم ماجاش شايفنى واقف وماجاش ,
وبعدين دول مش جنيه ولا 2 دول 13 جنيه
قومت نازل ورايح له كان واقف بيتكلم مع واحد قولت له مشح ناوى تجيب الباقى ولا ايه يا أمور قالى أنا عطيتك الباقى روحت عاطيلة واحدة أبر شمال " بوكس" فى دقنه وقع فى الأرض روحت واخد منه الفلوس بتاعتى وركبت عربيتى ومشيت وبعدها ب كام يوم روحت أفول تانى لقيتته هو هو قولت له علمل ايه دلوقتى قالى الحمد لله قولت له توبت ولا لسه ضحك وقالى توبت ياباشا وعطيتة ال 50 جنيه راح مدينى ال 13 الباقى هوا روحت سايبله ال 3 وأخدت ال 10 وقولت له كدة مش خسارة فيك.
ياريت ياجماعة ناخد موقف معاهك ومانسيبش حقنا مش شرط ضرب وخناق لكن اى طريقة تانية عشان يحترموا نفسهم .

موضوع جميل جدا وفى غاية الخطورة إن الواحد ماعدش عارف يلاقيها منين ولا منين، كل حاجة فى البلد بقت سرقة ونصب
هاقولكم على طريقتى يمكن تكون مفيدة فأنا عن نفسى لما بروح أمون فى أى بنزينة بقولوا حطيللى بكام جنيه مش كام ليتر يعنى أقولوه حط بتلاتين أو خمسين جنيه ساعات يستعبكوا ويقولوا خمسين ليتر فاأكد عليه خمسين جنيه وأكون مجهز الخمسين أو الكام ملطوش اللى طلبتهم ومعاهم البقشيش المفروض على أصحاب السيارات وبكده حتى لو فى باقى هايرجعوا صحيح مش فكة ويبقى سهل عليك جدا مراجعته وفى أقل وقت وبدون لخبطة حتى لو كان فى حد بيكلمك وممكن يلخبطك.
وده طبعا يستلزم دوما أن يكون معاك فى جيبك فكة 1 جنيه أو 2 على الأقل.

موضوع جدا رائع
حد يقول طيب على كام بنزينه كويسه كده