مية مية يا باشا تسلم ايدك
مية مية يا باشا تسلم ايدك
عربية جميلة ولكني أفضل الجراند بونتو
حد يعرف ايه الالوان النازلة مصر البسقف ابيض؟؟؟؟ ,, النازلين مصر مش الموجدين اصلا
يا جماعة العربية ديه حلوة أوي بس في ناس بتقولي إن ١١٠ كتير عليها بالنسبة لل مانوال انتو أيه رايكو
مع تجربتي الشخصية لها فالعربية فعلا تحفة وانا بنصح اي حد فيها..لكن لو عايز توفر يا باشا هات ال 1400 صدقني فيها من القوة ما يشبع رغبة السائق في اي سرعة
طب يا باشا أنا محتار أوي أجيب المانوال ولا الاوتو الاتنين ب- ١١٠ ولو هتؤلي على حسب إنت عايز أيه أنا بالنسبلي بسوق الاتنين إنت أيه رأيك وانت معاك أنهي واحدة
هههههههههه انا نشرت صوري وصورها الله يرحمها في المنتدى هنا تقدر تشوفها عملت بيها حادثة ربنا يحفظكم جميعا من الحوادث يا رب..وانا كان معايا المانيوال..بس نصيحة الاوتوماتيك حلو قوي لزحمة مصر وبيقلل من استهلاك البانزين وبيزيد من عمر الموتور والجير
يا باشا حمدل على سلمتك أهم حاجة انك سليم مش مشكلة الحديد بيروح ويجي ... بس أولي عملت فيها أيه رحت التوكيل ولا أيه ويا ريت تكتب اللنك نشوف أيه إلي حصل عشان تبئة عظة ليا عشان لو ربنا كتبهلي مجريش بيها ولكل الناس بردو
انا مقيم في رومانيا وعندي شقة في مصر والحادثة حصلت في رومانيا والعربية متأمنة وخدت تأمينها والحمد لله انا سليم وعندي هنا في مصر برضو فابيا القديمة وحفضل احب الماركة دي على طول.. والصور في الروابط التالية
http://up111.arabsh.com/s/x812ie6lq1.jpg
http://up111.arabsh.com/s/5znn62n90k.jpg
http://up111.arabsh.com/s/1v6fkiwz96.jpg
http://up111.arabsh.com/s/nlvne3t5eq.jpg
شكرا يا باشا و حمدل على السلامه و ان شاء الله عربيتك ترجعلك احسن من الاول
يا جماعة انا شوفت ان الفابيا دى فيها شاشة فى العدادات بتنور ابيض ,, شكلها شيك اوى ,, ولكم الحضرتك حاطط صورتها يا استاذ فرحات مافيهاش اللون الابيض دة ليه ؟؟
و هل ال1400cc بتجرى و تشد كويس ؟؟
و فى حاجة كمان ,, انا شوفت واحدة لون السقف بتاعها نفس لون العربية بس فيها جنوط سبور سكودا زاى البتنزل بيها بظبط ,, و الحوار دة كان موجود فى عربية فابيا فى تقييم ليها فى المنتدى هنا ,, فياريت لو حد عندو فكرة عن الموضوع دة يقلنا ,,
و اخر سؤال معلش ,, هو الشنطة بتاعتها كام لتر ؟؟
واسف للاطالة
بالنسبة للشاشة دي بتيجي في العربيات في السبورت والاليجانس فقط ده بالنسبة لبرة انما في مصر معنديش فكرة اما بالنسبة للشد بتاع ال 1400 سي سي فهو كفاية للاحساس بمتعة القيادة وشوارع مصر..اما يالنسبة لمساحة الشنطة فهي 300 لتر للهاتش باك
بالنسبة للجنوط فهي موجودة في كل الفئات ماعدا ال-١٤٠٠ المانول ، لكن السقف الابيض موجود في السبورت فقط
و بالتالي في فئة ١٦٠٠ أوتوماتيك بيكون فيها سقف عادي و لكن فيها جنوط
بالنسبة الشاشة البيضاء (Maxi-dot ) موجودة في السبورت فقط و صورتها موجودة في الموضوع بعد صورة العداد العادي (تاني صورة في العدادات )، و الفرق إن التابلوه إلي فيه Maxi-dot بيكون فيه مؤشر حرارة و كمان كمبيوتر العربية فيه حاجات زيادة عن العادي
الف شكر يا جماعة ,, و كتر خيرك يا استاذ فرحات على التوضيح :S_thum1[1]:
علي فكره maxi-dotموجوده في الروم سترroomster
اول فئه المانويال الي ب 87الف تخيلو!!!
Please sir I want to know if the new fabia 1400cc has got the feature of the cornering fog lights or not ??
Also I need to know your openion about the new fabia 1400cc is it a great choice ??
well .. it does not even have the cornering main beams (no lenses either), so i would not think it has cornering fog lights.
however i still believe it is a great choice , a very good value for money (within the market of hatches) , so if you want a good hatch then Fabia is your car if you are comparing to sedans , there could be other nicer alternatives.
استاذ فرحات ,, هو ايه الفرق بين المانيوال السبورت و الاوتوماتيك الب110 فى الكماليات ؟؟
الفرق في الكماليات هو الفرق بين السبورت عموماً و بين الامبيانت و هو الآتي :
السبورت فيها زيادة جنوط سبور ، و رشاشات غسيل الفوانيس ، باركينج سنسور ، و تبلوه العدادات فيه الشاشة Maxi-Dot و بالتبعية مؤشر حرارة ، و كمان الكراسي سبورت ، و بعض أجزاء في الصالون جلد
و في النهاية العربييتن دول بسعر واحد ، يعني يا إما بتختار الكماليات دي يا إما بتختار فتيس اوتو ، و حسب احتياجاتك إنت إلي بتقرر
هو حضرتك شفتها فين و فيها الجنوط ؟
يا شباب ، هل حد هنا معاه أو يعرف حد معاه فابيا 2008 \ 2009 بيفكر يبيعها ؟؟؟
أو يدخلها في فابيا 2001 1400 سي سي؟؟
معايه فابيه 1000سىسى عاوز اغير المتور واعمله 1600 هل يجوز
على فكره فابيه الشكل القديم احسن من الشكل الجديد
WHAT ???
Ezzay ya pasha ??
From which point of view ?!!
تقرير ممتاز وياريت اخر اخبارها ايية
انا مع الاستاذ علي عزت في حجات وحجات..انا جبت القديمة والجديدة..الجديدة متفوقة على القديمة كتير من ناحية المساحة وشكل العربية من الداخل والخارج وقوة الموتور لكن الفابيا القديم احسن شوية من ناحية حاجتين..الفرامل ونعومة الباور
ألف شكر على التقرير الجامد ده .. و هي عربية جميلة جداً
السلام عليكم ورحمة الله وبركاتة
ياريت اعرف اية اخبار اسعار قطع الغيار وهل متوفرة ولا لأ
وكمان ياريت اعرف لو فكرت ابيعها فى يوم من الايام فهل بيعها سهل (يعنى العربية مطلوب) وهل سعرها بينزل كتير
جزاكم الله خيراً
مسا الفل يا جميل
ممكن اعرف سعر الفابيا 2003 كاملة مانيوال 1300 cc
اخي الفاضل ..مفيش عربية فابيا 1300 الفليشيا هية الي نازلة 1300..اما اذا كنت تقصد ال 1400 Mpi فهي بجميع الكماليات تتراوح بين 47 الف و57 الف حسب الحالة..اما ال HTP 1200 فهي بين 45 الف و55 الف واما ال 1000 فهي بين 45 و 50 حسب الحالة ايضا..وهذه الاسعار تقريبية مش دقيقة
كنت عاوز اسال حضرتك عن اسغار قطع غيار فابيا 1400 موديل 2001 غالية ولا رخيصة ولا متوسطه وياريت لو تدينى امثلة