كل ما تريد و ما لا تريد أن تعرفه عن سكودا فابيا ميني :)

العربية فيها موتورين واحد 1400CC و دة 86 حصان ، و واحد 1600CC و دة 105 حصان ، و الاتنين عليهم علامة VW محفورة و كمان وحدة التحكم بتاعتهم عليها العلامة


http://www.postimage.org/aV1IN8fS.jpg

http://www.postimage.org/Pq1RH2f9.jpg

http://www.postimage.org/gxRm63i.jpg

من الخارج التقفيل بتاعها رائع و جودة الدهان و التفاصيل لا تختلف عن الاوكتافيا

http://www.postimage.org/aV1INCbA.jpg

http://www.postimage.org/Pq1RHXCr.jpg

الكاوتش يا إما مقاس ١٤ بطاسات و عليها كاوتش Matador ، أو جنوط ١٥ أو ١٦ (على حسب الجنط ) و كاوتش continental

http://www.postimage.org/aV1IOhB0.jpg

http://www.postimage.org/Pq1RIqy9.jpg

الفوانيس في الفئة المنوال مفيهاش عدسات ، و كل الفئات الأخرى عدسات ، و كل الفئات فيها فوجات أمامي و خلفي

http://www.postimage.org/aV1IOz30.jpg

http://www.postimage.org/gxRkBgS.jpg

من داخل الصالون العربية واسعة جداً و خامات الفرش أكتر من رائعة ، زائد كمان إن الفئة السبورت (إلي فيها سقف أبيض ) فرشها الداخلي جامد جداً في لونه و خامته ، و فيه مسند في المنتصف بين الكراسي الأممية بس وضعه مش مريح خصوصاً إن عصاية الفتيس قصيرة ، بس ممكن يترفع لفوق و كأنه مش موجود
بس فرش الباب حسيته بلاستك كدة و إن كان مش رديء بس مش رائع ذي باقي العربية

http://www.postimage.org/Pq1RIRZJ.jpg

http://www.postimage.org/aV1IOT09.jpg

http://www.postimage.org/Pq1RJiqi.jpg

http://www.postimage.org/Pq1RJsoS.jpg

http://www.postimage.org/aV1IPDoS.jpg


التابلوه شكله حلو و كمان العدادات واضحة و اضاءتها خضراء ، و يعيبها عدم وجود مؤشر حرارة إلا في الفئة السبورت ، و كمبتر الرحلات بتاعها جامد جداً بيجيب حاجات كتير عن العربية ذي إستهلاك البنزين في كل مشوار و مدة المشوار و متوسط الإستهلاك الكلي و حاجات تانية كتير

http://www.postimage.org/Pq1RJTQr.jpg

http://www.postimage.org/Pq1RKfhJ.jpg

http://www.postimage.org/Pq1RK_Gr.jpg


الكاست بقى هو أحلى حاجة في العربية دي ، و ده محتاج موضوع لوحده يتشرح فيه ، عيبه الوحيد إن العربية فيها سماعات قدام فقط و وراء ليها مكان بس مش راكبة ولا في أي فئة من الفئات :(


http://www.postimage.org/Pq1RKair.jpg


فاضل حاجة واحدة بس ، البنزين إلي بتحتاجه العربية دي يا إما ٩٢ يا إما ٩٥ فقط !!!

http://www.postimage.org/aV1ISo_S.jpg


بس كدة ، لو في أي حد عنده استفسارات اتفضلوا أنا تحت أمركم

ايه يا باشا الشغل الجامد دا والله 10/10
ومجهود رائع
بجد الفابيا عربية تحفه و تستاهل
بس العجيب في العربية دي انها مش منتشره علي الرغم ان سعرها نزل وبقي لحد ما معقول جداً

بس في حاجة عايز اسأل فيها حضرتك مش تحس ان الموتور نفسه في سنه ميل يعني مش كله نفس المستوي !!!
وعلي فكره دي مش اول مره اخد بالي من الموضوع دا لما شفتها في المصرية اول ما نزلت كان برده الموتور كدا
اعتقد قواعد الموتور ( الكراسي ) تصميمها كدا بس افتكر ان دا غريب ان الموتور يكون في سنة ميل و الله اعلم !!!!!!!!!!!!!!!!!

بس يا أستاذ فرحات أنا لما رةحت المعرض بتاع أرتوك إللي في المقطم قالي أربع سماعات في الابواب و فعلا كان في أربع سماعات
إزاي حضرتك قولت سماعتين بس ؟؟؟

اقتباس:

---

المشاركة الأصلية كتبت بواسطة momenhamdy

ايه يا باشا الشغل الجامد دا والله 10/10
ومجهود رائع
بجد الفابيا عربية تحفه و تستاهل
بس العجيب في العربية دي انها مش منتشره علي الرغم ان سعرها نزل وبقي لحد ما معقول جداً

بس في حاجة عايز اسأل فيها حضرتك مش تحس ان الموتور نفسه في سنه ميل يعني مش كله نفس المستوي !!!
وعلي فكره دي مش اول مره اخد بالي من الموضوع دا لما شفتها في المصرية اول ما نزلت كان برده الموتور كدا
اعتقد قواعد الموتور ( الكراسي ) تصميمها كدا بس افتكر ان دا غريب ان الموتور يكون في سنة ميل و الله اعلم !!!!!!!!!!!!!!!!!

---

يا باشا ربنا يخليك
هي فعلاً مش منتشرة بس متنساش إن هما منزلين الأسعار لسة قريب و كمان في وقت الدنيا فيه كلها واقفة و محدش بيشتري ، يعني أكيد هتخد وقت على ما تتباع كتير و تنتشر .
الموتور فعلاً من بعيد شكله مايل ، بس لما تقف أدامه مباشرةً متحسش بالحكاية دي ، أكيد الموضوع خداع بصري يا إما نروح نتأكد بميزان مياه :)

اقتباس:

---

المشاركة الأصلية كتبت بواسطة hazembarakat

بس يا أستاذ فرحات أنا لما رةحت المعرض بتاع أرتوك إللي في المقطم قالي أربع سماعات في الابواب و فعلا كان في أربع سماعات
إزاي حضرتك قولت سماعتين بس ؟؟؟

---

ما هي دي طريقة البيع في كل معارض السيارات كل واحد يقولك فيها ٨ سماعات و عشر سماعات و الحقيقة غير كدة
العربية فيها سماعات قدام فقط لكن ورى مفيش فيها سماعات ، مع العلم إن كل قناه عبارة عن سماعة و تويتر ، يعني قدام في يمين سماعة و تويتر بس بالنسبة للكاسيت دول قناه وحدة يعني سماعة وحدة بس 2-way

بالتالي العربية فيها سماعتين و تويترين و في ورى مكان لسماعتين و تويترين مش راكبين ، و بالتالي لو عملت مفتاح تقسيم الصوت (fader ) على الخلف مش هتسمع حاجة خالص
مع إن الكاسيت 4 channel قدام يمين و شمال و ورى يمين و شمال (يعني 4*35 ) انما إنت مستفيد باتنين فقط :(

السلام عليكم،

فرحات، أولا شكراً جداً على الموضوع الجامد دة.

ثانياً، الكراسي في فئات السبورت مختلفة عن اللي في الصور اللي فوق ولا زي ماهية. ؟؟

اقتباس:

---

المشاركة الأصلية كتبت بواسطة Moustafa_Farouk

السلام عليكم،

فرحات، أولا شكراً جداً على الموضوع الجامد دة.

ثانياً، الكراسي في فئات السبورت مختلفة عن اللي في الصور اللي فوق ولا زي ماهية. ؟؟

---

مصطفى باشا نورت الموضوع بمرورك

السبورت فارقة في التابلوه و الجنوط و السقف الأبيض و الكراسي
و أدي صورة الكراسي
http://www.postimage.org/aV1Kvgh0.jpg

thanks alot for this important topic

im waiting to sell a house in 10th of rmadan to buy this car :)

i want the sport class its really great and the white roof is very attractive

thanks again

(يعيبها عدم وجود مؤشر حرارة إلا في الفئة السبورت) أزاى والصوره للعدادات المنوره دى فى الأسبور؟؟؟
وشكرا على المجهود و بصراحه أنا شايف أن السيارة دى أكثر من ممتازه خصوصا بالسعر الحالى

عزل الكبوت والموتور جامد ٠٠

اقتباس:

---

المشاركة الأصلية كتبت بواسطة Busquets

thanks alot for this important topic

im waiting to sell a house in 10th of rmadan to buy this car :)

i want the sport class its really great and the white roof is very attractive

thanks again

---

yeah, i agree the sport trim level is very attractive in all aspects , good luck with your choice:)
looking forward to read your evaluation soon for a great car like this

اقتباس:

---

المشاركة الأصلية كتبت بواسطة LONLY

(يعيبها عدم وجود مؤشر حرارة إلا في الفئة السبورت) أزاى والصوره للعدادات المنوره دى فى الأسبور؟؟؟
وشكرا على المجهود و بصراحه أنا شايف أن السيارة دى أكثر من ممتازه خصوصا بالسعر الحالى

---

صورة العداد الاول دي في الفئة الأولى (Ambiente ) و الصورة التانية دي الفئة السبورت

قال اه العايز يشتري الميني فابيا شباب صغير عايز يروش و يعاكس ابنات
ده البيتقال عليهم في المنتدى العام
في موضوع إن الميني فابيا رخصت
هل ده صحيح

اقتباس:

---

المشاركة الأصلية كتبت بواسطة hazembarakat

قال اه العايز يشتري الميني فابيا شباب صغير عايز يروش و يعاكس ابنات
ده البيتقال عليهم في المنتدى العام
في موضوع إن الميني فابيا رخصت
هل ده صحيح

---

هدى نفسك يا عم حازم

لو لا اختلاف الازاق لبارت السلع:k38:

طب هل فى السبور بس بسقف لون العربية ؟؟

http://contactcars.com/News_ViewStory.asp?NewsID=2587

أرتوك أوتو" تخفض سعر "فابيا ميني" 11 ألف جنيه


طرحت شركة "أرتوك أوتو" الوكيل الحصري لسيارات "سكودا" التشيكية في مصر سيارتها "فابيا ميني"بسعر مخفض لفترة محدودة.

وعرضت الشركة في حملة إعلانية جديدة عبر وسائل الإعلام المختلفة خاصة التليفزيون والفضائيات "فابيا ميني" مقابل 88.900 جنيه ولفترة محدودة بعدما كان سعرها مع بداية طرحها العام الماضي يبدأ من 99.900 ألف جنيه.

وتتوفر السيارة بمحركين الأصغر بسعة 1.4 لتر والأكبر بسعة 1.6 لتر وكلاهما رباعي الاسطوانات مثبت بالعرض في الأمام على خط واحد، المحرك الأقل سعه يخرج قوة جيدة بالنسبة إلى تلك الفئة وهى 86 حصان مع "فتيس بوكس" يدوي من خمس نسب أمامية.

أما المحرك الأقوى فهو يخرج قوة قدرها 105 حصان و"فتيس بوكس" متوفر اختيارياً "تيبترونيك" من ست نسب أمامية ليوفر متعه لا تضاهى في تلك الفئة.

وتتوافر في "فابيا ميني" الجديدة كافة وسائل الأمان ، حيث زودت السيارة بعدد 2 إيرباج ( SRS) للسائق والراكب الأمامي، فرامل بنظام مانع انغلاق الفرامل ABS ، نظام التحكم في الثبات ESP، شاسية مقوي ومصمم لامتصاص الصدمات بالإضافة إلى أعمدة جانبيه من الصلب.

وتتضمن "فابيا ميني" تكيف أوتوماتيكي من طراز كيلمرتك ، و باور ستيرنج كهربائي، نوافذ كهربائية مع أربع وحدات رفع ، فرش جلد ومقاعد رياضية ، كمبيوتر رحلات متعدد الوظائف مع شاشة ديجيتال في "الداش بورد" لبيان متوسط السرعة ونسبة استهلاك الوقود.

وكذلك "سنتر لوك" مع تحكم عن بعد ، مثبت سرعة ، حساسات ركن ، فوانيس شبورة بالإضافة إلى إضاءة أماميه زينون ، خاصية تبريد المشروبات ، راديو "دانس" CD ومشغل MP3مع جاك لتوصيل أجهزة الكف المحمولة ( I.POD ) ، جنوط سبور مقاس 16.

اقتباس:

---

المشاركة الأصلية كتبت بواسطة abdelmessih67

http://contactcars.com/News_ViewStory.asp?NewsID=2587

أرتوك أوتو" تخفض سعر "فابيا ميني" 11 ألف جنيه


طرحت شركة "أرتوك أوتو" الوكيل الحصري لسيارات "سكودا" التشيكية في مصر سيارتها "فابيا ميني"بسعر مخفض لفترة محدودة.

وعرضت الشركة في حملة إعلانية جديدة عبر وسائل الإعلام المختلفة خاصة التليفزيون والفضائيات "فابيا ميني" مقابل 88.900 جنيه ولفترة محدودة بعدما كان سعرها مع بداية طرحها العام الماضي يبدأ من 99.900 ألف جنيه.

وتتوفر السيارة بمحركين الأصغر بسعة 1.4 لتر والأكبر بسعة 1.6 لتر وكلاهما رباعي الاسطوانات مثبت بالعرض في الأمام على خط واحد، المحرك الأقل سعه يخرج قوة جيدة بالنسبة إلى تلك الفئة وهى 86 حصان مع "فتيس بوكس" يدوي من خمس نسب أمامية.

أما المحرك الأقوى فهو يخرج قوة قدرها 105 حصان و"فتيس بوكس" متوفر اختيارياً "تيبترونيك" من ست نسب أمامية ليوفر متعه لا تضاهى في تلك الفئة.

وتتوافر في "فابيا ميني" الجديدة كافة وسائل الأمان ، حيث زودت السيارة بعدد 2 إيرباج ( SRS) للسائق والراكب الأمامي، فرامل بنظام مانع انغلاق الفرامل ABS ، نظام التحكم في الثبات ESP، شاسية مقوي ومصمم لامتصاص الصدمات بالإضافة إلى أعمدة جانبيه من الصلب.

وتتضمن "فابيا ميني" تكيف أوتوماتيكي من طراز كيلمرتك ، و باور ستيرنج كهربائي، نوافذ كهربائية مع أربع وحدات رفع ، فرش جلد ومقاعد رياضية ، كمبيوتر رحلات متعدد الوظائف مع شاشة ديجيتال في "الداش بورد" لبيان متوسط السرعة ونسبة استهلاك الوقود.

وكذلك "سنتر لوك" مع تحكم عن بعد ، مثبت سرعة ، حساسات ركن ، فوانيس شبورة بالإضافة إلى إضاءة أماميه زينون ، خاصية تبريد المشروبات ، راديو "دانس" CD ومشغل MP3مع جاك لتوصيل أجهزة الكف المحمولة ( I.POD ) ، جنوط سبور مقاس 16.

---

شكراً على الخبر
بس الخبر دة قديم من أول يناير ٢٠٠٩ ، و كانوا بيقولوا التخفيض دة بمناسبة السنة الجديدة و موديلات ٢٠٠٩

يا استاذ فرحات ,, هل فى السبور السقف بتاعها بلون العربية ,, و هل المساحة الداخلية كويسة ؟؟

لا مافييش يا أستاذ كريم

فعلاً يا كريم باشا مفيش في السبورت سقف بلون العربية ، لأن هي دي الميزة إلي بتخلي العربية شكلها حلو فحطينها في أعلى فئة

اقتباس:

---

المشاركة الأصلية كتبت بواسطة hazembarakat

لا مافييش يا أستاذ كريم

---

شكرا يا استاذ حازم

اقتباس:

---

المشاركة الأصلية كتبت بواسطة farahat

فعلاً يا كريم باشا مفيش في السبورت سقف بلون العربية ، لأن هي دي الميزة إلي بتخلي العربية شكلها حلو فحطينها في أعلى فئة

---

الف شكر يا استاذ فرحات ,, طب بالنسبة للمساحة الداخلية ,, كويسة ولا ديقة ؟؟

على اه دحنا أخوات
أنا شايف المساخة الداخلية للعربية حلوة أووي
و متهيإلي دي حاجة نسبية

أنا عشان كدة حطيت صور الصالون الداخلي ورا و قدام عشان تبان فعلاً المساحة الداخلية ، عموماً هي وسعة جداً في رأي بس في العرض مش عريضة ، عشان كدة الكنبة إلي ورا تاخد اتنين طوال مستريح لكن مش ٣ خصوصاً لو مليانين شوية
كمان كرسي السواق ممكن يعلى و يوطى على حسب الحاجة

اقتباس:

---

المشاركة الأصلية كتبت بواسطة farahat

أنا عشان كدة حطيت صور الصالون الداخلي ورا و قدام عشان تبان فعلاً المساحة الداخلية ، عموماً هي وسعة جداً في رأي بس في العرض مش عريضة ، عشان كدة الكنبة إلي ورا تاخد اتنين طوال مستريح لكن مش 3 خصوصاً لو مليانين شوية
كمان كرسي السواق ممكن يعلى و يوطى على حسب الحاجة

---

اقتباس:

---

المشاركة الأصلية كتبت بواسطة hazembarakat

على اه دحنا أخوات
أنا شايف المساخة الداخلية للعربية حلوة أووي
و متهيإلي دي حاجة نسبية

---

الف شكر يا جماعة على المعلومات ,, و ياريت تشاركوا فى الموضوع الأنا عملوا عشان نشوف احلى لون على الفابيا

طب هل السبور فيها زينون ؟؟

انا بحس فعلا ان امكانيات اكتر من امكانيات عربيات ب150000

واكتر من الفانتزيا الجديدة

الف شكر يا باشا علي الموضوع الجامد

اقتباس:

---

المشاركة الأصلية كتبت بواسطة kareemhisham

طب هل السبور فيها زينون ؟؟

---

للأسف يا باشا مفيش ولا فئة فيها زينون ، و لكن في الأتوماتيك كله في عدسات في الفوانيس

اقتباس:

---

المشاركة الأصلية كتبت بواسطة mido_919

الف شكر يا باشا علي الموضوع الجامد

---

العفو يا باشا ، اتمنى أكون أفدت و لو بحاجة بسيطة

طب هتاأل عليك شوية و اسأل سؤال كمان:shyy:
هو الفئة السبور المانيوال زى الفئة السبور اوتوماتيك ؟؟ ولا فى فرق ؟؟

ايه مفيش حد يجاوب على السؤال دة ؟؟:F_eyeb1[1]:

kareem

they are the same

it differs only in the transmition

but the components are the same

اقتباس:

---

المشاركة الأصلية كتبت بواسطة Busquets

kareem

they are the same

it differs only in the transmition

but the components are the same

---

الف شكر و ردك كان فعلا مختصر و مفيد ,, اصل انا عايز اعرف كل كبيرة و صغيرة عن الفابيا النازلة هنا فى مصر ,, ففى سؤال كمان :shyy:
الاستاذ فرحات كاتب ان الجنوط السبور بتبقى 15 او 16 على حسب الجنط ,, يعنى ايه ؟؟ يعنى انا باختار ولا ايه بظبط ؟؟

ur welcome man

in the sport class the wheels size is 16 inch

طب يا جماعة فى مجلة عربيتى ,, مش كاتب اسعار الفابيا سبورت المانيوال ,, ففى حد يعرف ليه ,, يعنى ممكن يكون ارتوك اوتو بطل يجيبها مثلا ؟؟؟

السلام عليكم،

كنت موجود في ارتوك المقطم وكان موجود السبورت مانيوال وحضرتك ممكن تتصل ١٦٦١٦ وتسألهم برضو.

اقتباس:

---

المشاركة الأصلية كتبت بواسطة Moustafa_Farouk

السلام عليكم،

كنت موجود في ارتوك المقطم وكان موجود السبورت مانيوال وحضرتك ممكن تتصل 16616 وتسألهم برضو.

---

الف شكر على ردك:S_thum1[1]:

السياره فابيا جمده جد ومحدش يعرفها عشان مش منتشره انا فتحت الفرش من الداخل وشوفتها مصفحه بالعربى حته حديده وشوفوا بنفسكم وكمان اقتصاديه فى البنزين بس ده الكلام على 2002

اقتباس:

---

المشاركة الأصلية كتبت بواسطة kareemhisham

طب يا جماعة فى مجلة عربيتى ,, مش كاتب اسعار الفابيا سبورت المانيوال ,, ففى حد يعرف ليه ,, يعنى ممكن يكون ارتوك اوتو بطل يجيبها مثلا ؟؟؟

---

el sport el manual b 110000 bas ya gama ma7desh etklm 3al stable bta3ha aih nezamo

بالفعل العربيه دي جامده اوي
بس انا عندي استفسار
عربيتي 2002
والغطاء بتاع البنزين مكتوب عليه Min 95
يعني كده لازم افول بنزين 95 فقط