ماذا عن BYD F3)Gli) حد جربها بجد اشغال شاقة

**sindbad2day29** · 07-05-2009 10:56 AM

المشاركة الأصلية كتبت بواسطة ahmedfadel

من الواضح ان مفيش حد جربها اوي .................. والي جابها مش فارقه معاه الاخرين

انا برضه مستني حد يكون ابن حلال جربها اشغال شاقة يقولي اخبارها ايه .
خصوصا اني شغلي في العاشر من رمضان وبسافر المنصورة كل اسبوع او اتنين . ومش هقولكم بقه علي طريق الزقازيق ده .

ملوش حل عايز عربية من حديد كله مطبات ومتدغدغ .

يا راجل حرام عليك ايه الظلم ده بس ؟؟ بأه طريق الزقازيق وحش؟ انت مشفتش باقي الطرق ولا ايه؟؟؟؟؟؟؟؟؟؟؟؟؟؟؟؟؟؟؟؟؟؟ ظ

**meemo the beast** · 10-05-2009 03:06 PM

[quote=toola;702820 مش قطع الغيار ديه المفروض اساسا انها يابانى, يبقة ازاى خربت بسرعة كده’ ازاى مساعدين التويوتا تبوظ على ال 30,000]

المساعدين و الطنابير قطع غيار ممكن تخرب في المرسيدس بعد 2000 كيلو لو استخدمت استخداما سيئا لذلك لا أعتبرها مقاييس حقيقية للحكم على السيارة الا لو تكرر نفس العيب في سيارات كثيرة

**khaledazizeg** · 15-05-2009 07:05 PM

المشاركة الأصلية كتبت بواسطة أبومريم

ابعد عنها خالص لسببين:
أولاً: التوكيل سيئ للغاية (شركة الامل) و غالبا مش هتستفيد بالضمان في حاجة يعني هتفقد ميزة انك جايب عربية جديدة
ثانيا: من مشاركات كتيرة للاعضاء لاحظت ان كتير من ملاك العربية دي غيروا حاجات كتير فيها في اول فترة رغم انها عربية زيرو يعني المفروض متغيرش حاجة اصلا في الفترة الاولانية

انا مع حضرتك فى موضوع التوكيل
انا معايا لادا كالينا وكان ضمانها تبع الامل
بصراحة مابيعرفوش اى حاجة

**khaledazizeg** · 22-05-2009 04:07 PM

المشاركة الأصلية كتبت بواسطة muslem

العربية لحد الان الحمد لله ما شاء الله لا قوة الا بالله
مسألة عيب الصناعة ده وارد فى اى عربية
و اهم حاجة لما تكون العربية عيوبها مش زي بعضها فده طبعا بيوضح ان هذه العيوب اصلها بيرجع للاستخدام الشخصي مش للعربية و الا كان يبقي يظهر فيها عيوب مشتركة تظهر ان فيها شئ مش متين
و فى اقارب لى جربوا عربيتي و جربوا الاسبرانزا و قالوا انها احلى بكتييير من الاسبرانزا ن
حسوا بالفرق فعلا على حسب كلامهم
انا فقط اقصد بلاش اسبرانزا خليك مثلا فى frv على الاقل اظن اقوى و ده ميمنعش ان bydايضا قوية بلbyd متورها ميتسوبيشي و عليه العلامة بعكس البريلينس بل الbydايضا بها كماليات اكثر بكثير من البريلينس و ارخص من ثمن البريلينس و كما قال الاخ احمد ان قطع غيرا الbyd متوفرة سواء صيني او يابانى بره التوكيل و هنا هى الميزة

اولا احب اشكر حضرتك على الايضاح
بس ممكن اسئل حضرتك اسئلة
العربية بتاعت حضرتك عاملة كام الف كيلو وموديل كام واخبارها ايه فى سحب البنزين معاك
لأن بصراحة انا عايز اجيب عربية فى حدود 70 الف جنية ومحتار شوية
وانا اهم حاجة عندى هوا سحب البنزين والثبات على السرعات العالية
والف شكر وربنا يباركلك فيها ويعطيك خيرها ويكفيك شرها

**sv065** · 11-06-2009 12:22 PM

المشاركة الأصلية كتبت بواسطة ahmedfadel

ماذا عن byd f3)gli) حد جربها بجد اشغال شاقة

من ناحية الشكل احسن من ال speranza وال يارس والافيو . ( وده طبعا ازواق وعموما الشكل مش هيفرق )

ارجوكم اخواني اعضاء منتديات نايل موتورز الكرام هل حد جرب العربية ده حق تجربة ...... مش هجوم وخلاص علي الصيني ..... ولا دفاع وخلاص عن العربية الي انته اشتريتها ..... ارجوكم اريد كلام موضوعي .
مميزات , عيوب , احسن حاجه في العربية , اسوء حاجة فيها , العافشة , الماكينة , الثبات علي الطريق , .... اشياء من مثل هذا القبيل ........
ويبقي الله يكرمه ويباركلنا فيه الي يدينا تقييم شامل عنها .... بس ياريت يكون تقييمه هو وعريته ومجربها وعارفها .
مستني مفاجئاتكم اخواني الكرام .

مع العلم ان كلامكم بجد هيوجهني اعمل ايه في الفلوس الي محيراني انا عايز احط ال 70 الف جندي في مكانهم مش في حاجه اي كلام ...( دول شقي عمري )

. فانا ان شاء الله معتمد علي الله ثم علي كلامكم وتقييمكم للسيارة مع العلم اني عايز عربية ماكسيمم 70 الف وفيها كل الكماليات . ( معلش بقه علي قدي .... كل برغوت علي قد دمه :)
اخوكم في الله
احمد فاضل

السلام عليكم ورحمة الله

الأخ الفاضل أ/ أحمد

الصراحة أنا لم أجربها خدمة شاقة بعد لأني لسة مشتريها في معرض أوتو ماك ولسة عامل 350 كيلو بس

وهي صراحة ممتازة جدا جدا باستثناء حجات بسيطة جدا وهايفة لا ترقي إلي أن نقول عليه عيب أو حاجة مش كويسة

**mohamedmd14** · 21-06-2009 02:53 PM

سؤال الى sv065
سعر السياؤة دى دلوفتى كام

**sv065** · 21-06-2009 06:30 PM

المشاركة الأصلية كتبت بواسطة mohamedmd14

سؤال الى sv065
سعر السياؤة دى دلوفتى كام

أحب أوضح شيء صغير هو إن موديل سيارتي
byd f3 أوتوماتيك glx-i
سعرها 80000 جنيه

والصراتحة ممتازة جدا جدا

وأنا رحت التوكيل اللي في إسكندرية لما سمعت عنه إنه ممتاز ووجد الكلام مظبوط تمام وناس محترمة جدا وعملوا لي صيانة شاملة واهتموا بملاحظاتي علي السيارة خصوصا المهندس أسامة

**morsi** · 21-06-2009 08:53 PM

الاخ الفاضل أحمد فاضل
نصيحة مني ابعد عن العربية دى لان مش معقول اشترى عربية زيرو وأنل عامل حسابى أنى بأشتريها صينى ولو حاجة بايظة فيها ابق اغيرها بيابانى سواء متسوبيشى او تيوتا .انا بأشترى عربية زيرو علشان أريح دماغى من دوخة الميكانيكية على الاقل لمدة 5-7 سنوات والا كنت أشترى حاجة مستعملة وأجيب لها قطع غيار أصلية وأفضل ألف على الميكانيكية وخلاص.نصيحتى ليك أنسب حاجة حسب رانج الفلوس اللى معاك هو النوبيرا حاول تفكر فيها وربنا يوفقك لأن الفلوس مابتجيش بالساهل.