الموضوع: ارجو الافاده فى bmw 320 i 2008

قررت ان شاء الله فى شهر 4 القادم اغير عربيتى الكورولا 2008 بى bmw 320 مو 2008
ايه رايكم علما انى عمرى ما اشتريت مستعمل قبل كدا علشان كدا خايف من الخطوه دى وفيه ناس بتنصحنى بالمرسيدس 180 c بس دى هتعملها حوالى 300 الف والللى هيبقى متاح معايا ان شاء الله حوالى 280 الف
ايه الصح استنى شويه واذود واجيب 180 c جديده ولا اجيب bmw 320 مو 2008 ودى هتعمل فى حدود كام وعلشان اضمن ان العربيه تكون حالتها كويسه اكشف عليها فين وهل التوكيل عنده 2008 مستعمل ولا لا وايه افضل الاماكن اللى ابحث فيها
سؤال اخير انا عاوز اعرف ايه الفرق بين 116i و 320i فى الثبات وكمان العفشه اهل 116i انعم ولا الاتنين واحد

- أول حاجة استخير ربنا عشان يوفقك فالاختيار
- ال 320 موديل 2008 تعمل دلوقتى 270-275 ألف جنيه و التوكيل عنده مستعمل فالفرع الجديد اللى جنب محمد زكى فالقطامية
- أنا شفت وحدا عند التوكيل 2008 عملة 11 ألف كيلو ومطلوب فيها 275
- وفى معارض كويسة زى منيب و أوتو ميرو و الاتنين فالمرغنى مصر الجديدة
- بس عموما لازم تكشف عالعربية فالتوكيل
- أخر سؤال مقدرش أفيدك فيه

فى ملحوظة بس ال بى ام وطية شوية فيا ريت تجرب تركبها و تشوف هتعجبك ركوبتها و لا لأ

اولاَ يا باشا الف مبرووووك مقدماً و إن شاء الله تكون قدم الخير عليك
بالنسبة لل 320 العربية طبعاً روعه و طبعاً دي كانت اعلي فئه في الفئه الثالثه لغايت 2008 لان الوقتي في ال 330

بالنسبة لرأي الشخصي انا افضل ال 320 عن ال C180 لان تكنولوجيا ال Bmw اعلي و في نفس الوقت بصراحة انا بحب ال Bm اكتر لان دائماً المرسيدس الطابع الكلاسيكي اوي دا بيكون عليها و محتاجة ناس كبيرة في السن او رجال اعمال علي العموم دي وجه نظري لكن برده ال C180 ممتازه و لا غبار عليها

حضرتك علشان تكشف علي العربية في كذا مكان عندك عز العرب الي في الصحراوي (ابورواش جنب داني مول )
وعن حضرتك في ابوغالي اتوموتيف مدينه العبور ( طريق الاسماعيلة الصحراوي )
واخيراً في المركز الي في القطامية
وطبعاً التوكيل بيكون عنده عربيات مستعملة

بالنسبة للسؤال الاخير معنديش فكره بس كل الي اقدر اقولك عليه ان علي ما اعتقد ان 116 منيوال فقط و حتي 316 منيوال فقط و دا تقريباً راجع الي وزن العربية الثقيل وخصوصاً في 316 يعني بمعني الاصح الاتوماتيك مفروض في البي ام لايقل عن 1800 او 2000 سي سي

وربنا يوفقك الي الخير يا باشا

المشاركة الأصلية كتبت بواسطة momenhamdy

بالنسبة للسؤال الاخير معنديش فكره بس كل الي اقدر اقولك عليه ان علي ما اعتقد ان 116 منيوال فقط و حتي 316 منيوال فقط و دا تقريباً راجع الي وزن العربية الثقيل وخصوصاً في 316 يعني بمعني الاصح الاتوماتيك مفروض في البي ام لايقل عن 1800 او 2000 سي سي

وربنا يوفقك الي الخير يا باشا

ال فئة الاولى فى منها اوتوماتك

بالنسبة بقى للحيرة اللى انت فيها
تعالى نفكر باسلوب تانى

المقارنه هنا بين 320 و c180
اولا الاتنين ما شاء الله فخامه وكماليات وتكنولوجيا عاليه

ثانيا الموتور
320: موتور 2000 سىسى حصان156
C180: موتور 1600 كومبرسور 156 حصان

كده اعتقد موتور المرسيدس يكسب عشان تكلفة ترخيص اقل واكيد استهلاك اقل

الشكل: يرجع لذوق حضرتك

الاستعمال: هتجيب البى ام مستعل لكن المرسيدس زيرو
وطبعا الزيرو احسن

اعادة البيع: المرسيدس بيمسك سعر عن البى ام

التوكيل: الاتنين كويسين واسعارهم عالية جدا

شوف انت بقى مين اريحلك وقرر
ومتنساش الاستخارة

المشاركة الأصلية كتبت بواسطة M.Mokhtar

ال فئة الاولى فى منها اوتوماتك

بالنسبة بقى للحيرة اللى انت فيها
تعالى نفكر باسلوب تانى

المقارنه هنا بين 320 و c180
اولا الاتنين ما شاء الله فخامه وكماليات وتكنولوجيا عاليه

ثانيا الموتور
320: موتور 2000 سىسى حصان156
C180: موتور 1600 كومبرسور 156 حصان

كده اعتقد موتور المرسيدس يكسب عشان تكلفة ترخيص اقل واكيد استهلاك اقل

الشكل: يرجع لذوق حضرتك

الاستعمال: هتجيب البى ام مستعل لكن المرسيدس زيرو
وطبعا الزيرو احسن

اعادة البيع: المرسيدس بيمسك سعر عن البى ام

التوكيل: الاتنين كويسين واسعارهم عالية جدا

شوف انت بقى مين اريحلك وقرر
ومتنساش الاستخارة

حضرتك عندك فكره الفرق بين ال BM الفئه الاولي و الفئه الثالثه من حيث الوزن لان بصراحة BM ال 1600 لا يفضل فيه الاتوماتيك لان العربية تقيلة فعايز اعرف لو حضرتك تعرف وزن الفئه الاولي اد ايه

المشاركة الأصلية كتبت بواسطة momenhamdy

حضرتك عندك فكره الفرق بين ال BM الفئه الاولي و الفئه الثالثه من حيث الوزن لان بصراحة BM ال 1600 لا يفضل فيه الاتوماتيك لان العربية تقيلة فعايز اعرف لو حضرتك تعرف وزن الفئه الاولي اد ايه

انا معنديش فكره اوى
بس كل التفاصيل على موقع بى ام مصر
http://www.bmw-eg.com/eg/en/

هى فعلا ماكنتش بتنزل غير مانيوال
بس شوية نزلوها اوتوماتك استبترونك

اسف انا افتكرت انها نزلت اوتوماتك على الموتور الجديد ال 122 حصان

بس واضح فى الموقع انها لسه بالموتور 115 حصان

المشاركة الأصلية كتبت بواسطة M.Mokhtar

انا معنديش فكره اوى
بس كل التفاصيل على موقع بى ام مصر
http://www.bmw-eg.com/eg/en/

هى فعلا ماكنتش بتنزل غير مانيوال
بس شوية نزلوها اوتوماتك استبترونك

اسف انا افتكرت انها نزلت اوتوماتك على الموتور الجديد ال 122 حصان

بس واضح فى الموقع انها لسه بالموتور 115 حصان

شاكر جداً ليك يا باشا علي مجهودك

اعتقد المرسيدس افضل
بتمسك سعر اكتر من ال bm
ثانيا شكل لسه جديد
ماتور ارخص فى الترخيص السنوى و اقل قليلا من ال bmw فى استهلاك البنزين
اللى هيفرق معاك تشوف هل المرسيدس بتقبل بنزين 92 ولا 95 و كذللك ال bmw