حط نفسك مكانى وإحتار زيى !

**Boody8882** · 13-02-2009 09:52 PM

المشاركة الأصلية كتبت بواسطة momenhamdy

بالنسبة للنقطه الثانية الخاصه ان في جماعة اصحابك بيقولوا لو عايز ترش رفرف و لا حاجة مش حتلاقي اللون معلش مع احترامي ليهم الكلام دا قديم اوي انا العربية عندي كانت عامله حادثه و غيرت الكبوت عايز اقولك ان اللون مش هوا ممكن تقول توأم اللون يعني الدرجة بتاعت عربيتك بالموديل بتكون مع رقم الشاسيه فاهمني

مــؤمن باشا آهلا بيك يا باشا وشكرآ على ردك
أنا بس عايز أقولك إن كلام صحابى على إنى مش هلاقى نفس درجة اللون كان المقصود بيه لو أنا هجيب الأحمر النحاسى مش الأسود لإن أصلا هما عايزينى أجيب الأسود , وده على أساس إن الأحمر النحاسى ده لون صعب ومش متداول

**momenhamdy** · 13-02-2009 11:47 PM

المشاركة الأصلية كتبت بواسطة Boody8882

مــؤمن باشا آهلا بيك يا باشا وشكرآ على ردك
أنا بس عايز أقولك إن كلام صحابى على إنى مش هلاقى نفس درجة اللون كان المقصود بيه لو أنا هجيب الأحمر النحاسى مش الأسود لإن أصلا هما عايزينى أجيب الأسود , وده على أساس إن الأحمر النحاسى ده لون صعب ومش متداول

ايوة يا باشا انا فاهم قصدك و فاهم ان هما قصدهم علي الاحمر النحاسي
ولكن انا كنت قصدي انقل لحضرتك تجربتي مع اللون في التوكيل لان زي منتا عارف اللون الكبوت بيجي خام و بعدين بيترش وبرده الاسود بتاع الجين 2 فيه درجة ميتاليك كدا .... المهم لما شفت الكبوت بعد التركيب لالالا انسي اللون زي ما قولت ليك توأم فاهمني فامش عايزك تقلق خالص من موضوع الالوان دا نهائي

وربنا يوفقك يا باشا الي الاختيار السليم

**MohabSaeed** · 15-02-2009 02:42 PM

هات اللون الى يعجبك اكتر و تكون مستريح و انتا بتشوف العربيه فيه . لو جبت لون مش عاجبك لمجرد انه تعرف ترش العربيه او علاشان يكون عاجب الناس حتحس انك متأزم و انتا بتركب العربيه كل يوم . و حتقول يارتى كنت جبت الى انا عاوزه .

حضرتك الى حتركب العربيه مش الناس

حاجه تانيه . درجه اللون النحاسى ديه احسن بكتير من النحاسى الى كان بينزل فى الموديلات القديمه و شكله حلو جدا و مش نازل فى اى عربيه " مميز " .
شوف انتا اكتر لون حاجبك و ميتريحله و هاته .

**Sout_Sout** · 15-02-2009 04:01 PM

بص يا باشا
أولاً الأسود جميل جداَ
بس ما تيجى نبص ليها من وجهة نظر تانية
اى واحد دلوقتى بيجيب بيروح منقى اللون الأسود
فا اتهياقلى النحاسى لون جديد ومش منتشر وملفت للنظر أكتر
وبصراحة عاجبنى جداً
وعلى فكرة
انا لن عربيتى لون نادر شوية
لونها نبيتى "مش احمر ولا أورانج"
ومقتنع باللون ده قوى
وبالنسبة للرش والكلام ده انته ممكن تأمن عليها زى ما انا عامل
ويوم ما يحصل حاجة اعملها فى التوكيل
هيجيبلك اللون 100%

**tutankhamoun** · 15-02-2009 04:10 PM

اللون اللي يعجبك على طول تشتريه بدون تردد
و أنا في رأيي

:k49: النحاسي :k49:

**Boody8882** · 15-02-2009 05:04 PM

شكرآ لمتابعة الناس معايا ومشاركتهم برآيهم فى موضوع اللون
وأنا فعلا بعد صلاة إستخارة وإرتياح نفسى إخترت اللون النحاسى المحمر وبالفعل العربية الوحيدة اللى موجودة حاليآ فى مستودعات إسكندرية إتسجلت بإسمى وجارى الإنتهاء من إستخراج الورق الخاص بيها لسرعة إحضارها للمخازن
لإنى فعلا مستعجل لإنى صبرت كتير ويا مسهل يارب

**Sout_Sout** · 16-02-2009 01:19 AM

ربنا معااااااااااااااااااااااا اك
لحظات الانتظار الأخيرة دى بتجنن
انا اتجننت لحد ما ورق الترخيص وصل "تقسيط كونتاكت" علشان حصل غلطة
كنت حاسس انى هموت قبل ما ارخص :d:d:d

**mohamedowais** · 17-02-2009 12:40 PM

بص انت واقع في مشكله شبه بتاعة اشتري عربيه اقتصاديه و عمليه ولا عربه شكلها حلو :):):)
طبعا النحاسي لون تحفه
لكن موضوع الرش ده طبعا لازم تاخدو في الأعتبار
لأن مين مش بيتخبط و يخبط و يجرح
بالذات ان الرش في التوكيل بيبقى غالي اوي كمان
لكن الأسود بقى راحة بال
الأسود هو الأسود :))))))
و كمان التجريح اللي فيه بيتظبط بالبولش و كده
و كمان هو في الجين 2 شييك اوي
حتى لو كان منتشر بس شيك برضه