فى اطار خلوها تصدى - تفتكر التوكيل بيكسب كام فى العربية؟؟
السلام عليكم يا أهل المنتدى......
طبعا كلنا عايشين اجواء حملة خلوها تصدى و موديلها يعدى فى المنتدى الجميل....
و اكيد نفسنا اسعار السيارات ترخص فى مصر زى مارخصت فى جميع ارجاء المعمورة......:_Alshmokh22[1]:
بس فى اراء بنسمعها بتقول ان التوكيل مايقدرش يرخص...السؤال هنا بقى هو ليه مايقدرش؟؟؟ هل علشان مكسبه قليل...و لا علشان مش عايز يتنازل و يقبل تغيرات السوق؟؟؟؟:I_angr1[1]:
و من هنا جات لى فكرة الأستطلاع ده.....
السؤال هو تفتكر التوكيل بيكسب كام فى المية من قيمة العربية اللى بيبعها؟؟؟؟:U_thin1[1]:
مثال بالأرقام....
لو عربية بتباع ب 100 الف جنيه...و التوكيل جابها من بلدها او جمعها بما يوازى 40 الف جنيه...و هيدفع ضرايب و جمارك حوالى 60% (تفاصيل ال 60% فى الموضوع ده...) يبقى العربية مكلفاه 64 الف جنيه....
يعنى صافى ربحه فيها 36 الف جنيه...اللى هو 36% من تمنها....يعنى تبقى اجابة سؤالى 36%.....
يلا يا جماعة...كل واحد يفكر كده...او لو عارف معلومات مؤكده...و يحسبها مع نفسه...و يرد على الأستطلاع....
ملحوظة...محدش يقولى اننا لازم نخصم تكاليف مراكز الصيانة و البيع من التوكيل...متهيألى اسعار قطع الغيار و المصنعية تغطيهم و يفيض....:36_1_1[1]: