حساس الكرنك

**tananybasha** · 16-02-2009 12:16 AM

انا يا باشا مش عارف اشكرك ازاى الغريبة انك الوحيد اللى معبرانى فى الموضوع ده و مفيش حد عبرنى من يجى يومين غير سيادتك
والله شاكر الأفضال
على فكرة اخو ماهر ميكانيكى عجل مش كهربائى زى المرحوم اخوه
و ايه الأعراض الكامله ان الحساس تعيش انت يا حاج ونطلع علية الترب ندفنه

**samirayad** · 16-02-2009 12:27 AM

المشاركة الأصلية كتبت بواسطة tananybasha

انا يا باشا مش عارف اشكرك ازاى الغريبة انك الوحيد اللى معبرانى فى الموضوع ده و مفيش حد عبرنى من يجى يومين غير سيادتك
والله شاكر الأفضال
على فكرة اخو ماهر ميكانيكى عجل مش كهربائى زى المرحوم اخوه
و ايه الأعراض الكامله ان الحساس تعيش انت يا حاج ونطلع علية الترب ندفنه

ياباشا...دا أنت دايما منورنا فى الدايو....يبقى لازم أرض الزياره.....وعلى قدى برضه.....بس أهو بنحاول نفكر معاك....وربنا يسهل ويبقى أخو ماهر(الله يرحمه)...ابن حلال زى أخوه ماهر

**tananybasha** · 16-02-2009 12:32 AM

المشاركة الأصلية كتبت بواسطة samirayad

ياباشا...دا أنت دايما منورنا فى الدايو....يبقى لازم أرض الزياره.....وعلى قدى برضه.....بس أهو بنحاول نفكر معاك....وربنا يسهل ويبقى أخو ماهر(الله يرحمه)...ابن حلال زى أخوه ماهر

بس برده مردتش على باقى سؤالى ايه الأعراض الكامله لحساس الكرنك
و ارجو من الأدارة اذا رأت اهمية للموضوع القيام بتثبيته

**samirayad** · 16-02-2009 12:38 AM

المشاركة الأصلية كتبت بواسطة tananybasha

بس برده مردتش على باقى سؤالى ايه الأعراض الكامله لحساس الكرنك
و ارجو من الأدارة اذا رأت اهمية للموضوع القيام بتثبيته

الحساس ده بالذات يا أبيض يا أسود......يعنى لو باظ العربيه مش حتنطق خالص.....وأنت بتقول العربيه بتشتغل كويس وبتبطل لوحدها أحيانا.........يبقى عيب توصيلات....أنا فى رأيى المتواضع......مفيش غير كده

وأى حساس تانى العربيه حتشتغل برضه بسه حيبقى الآداء تعبان.....أنما مع ده سامحنى....زى مقولتلك يا أبيض يا أسود..(لأن ده الدراع اليمين لوحدة التحكم)......زى ماقولنا فى أول الموضوع خالص

**tananybasha** · 16-02-2009 12:44 AM

يعنى افهم من كلام سيادتك ان الكلام اللى قلوه بتوع قطع الغيار بطيخ برضه هما قالوا ممكن يشتغل لغاية ما تسخن و بعد كده يفصل
انا النهاردة لافف بتاع 70 كم فى وسط البلد و الزحمة و المهندسين و المعادى و مشغل التكييف و ما حصلش حاجة
انا خلاص و الله اتجننت

**samirayad** · 16-02-2009 06:59 AM

المشاركة الأصلية كتبت بواسطة tananybasha

يعنى افهم من كلام سيادتك ان الكلام اللى قلوه بتوع قطع الغيار بطيخ برضه هما قالوا ممكن يشتغل لغاية ما تسخن و بعد كده يفصل
انا النهاردة لافف بتاع 70 كم فى وسط البلد و الزحمة و المهندسين و المعادى و مشغل التكييف و ما حصلش حاجة
انا خلاص و الله اتجننت

اذا كانت نظرية تشغيله...بتعتمد على ان الكرنك لما يلف....... (الحساس نفسه)بيولد indused voltage .....(يعنى بيطلع نبضات فولت معينه وبطريقة الحث الكهربى)النبضات دى بتروح لوحدة التحكم على شكل موجات كهربيه ومنها الوحده بتعرف البستم رقم 1 فين(مش أحنا قولنا أن الحساس ده هو العين اللى بتشوف بيها وحدة التحكم وضع وترتيب البساتم )......يبقى عمر نظرية أن يبوظ من السخونه دى متكون سبب أنه يتلف.......وعلشان كده(كلام التجار عن السخونه وتلف الحساس....عباره عن بطيخ)....أمال هما بتوع قطع غيار ليه......مالهمش الا فى الغيار وبس (يعنى ...غير غير غير )