المنصور خفض اسعار السيارات ( عقبال الباقى )

**mazagngi2010** · 14-02-2009 01:51 AM

المشاركة الأصلية كتبت بواسطة Hosam_Optrawy

لما نبقى زى المانيا وامريكا فى كل حاجه نبقى نعمل زيهم
وصدقنى عمرك ما هتركب عربيه لو فضلت مستنى ال 30 %
وهاقولك على حاجه بسيطه شوف انت اصلا ناوى تشترى انهى عربيه وبكام واعمل عليها ال 30 % تخفيض واعقلها كدا
هل ممكن سعرها يبقى كدا فعلا ؟
العربيه اللى ب 100 تبقى ب 70 واللى ب 150 تبقى ب 105 واللى ب 200 تبقى ب 140 !!!!

+11111111111111111111111111111111

**Hosam_Optrawy** · 14-02-2009 02:39 AM

المشاركة الأصلية كتبت بواسطة bishoy02010

هينداى كمان رخصت يا جدعاااااااااااااااااااااا اااااااااان قشطة انتظروا المزييييين هينداى النترا نزلت 7 تلاف :) :) :)

ياريت تقول مصدر المعلومه

**zeyad1810** · 14-02-2009 02:37 PM

خلوها تصدى
دى بداية نزول الاسعار ولو الناس فضلت مقاطعة الشراء هتنزل كتيييييييييييييييييير

**badry** · 14-02-2009 02:57 PM

المشاركة الأصلية كتبت بواسطة Hosam_Optrawy

لما نبقى زى المانيا وامريكا فى كل حاجه نبقى نعمل زيهم
وصدقنى عمرك ما هتركب عربيه لو فضلت مستنى ال 30 %
وهاقولك على حاجه بسيطه شوف انت اصلا ناوى تشترى انهى عربيه وبكام واعمل عليها ال 30 % تخفيض واعقلها كدا
هل ممكن سعرها يبقى كدا فعلا ؟
العربيه اللى ب 100 تبقى ب 70 واللى ب 150 تبقى ب 105 واللى ب 200 تبقى ب 140 !!!!

يا استاذ السوق على مشارف انه يبقى زى اى سوق سيارات طبيعى عربى او حتى افريقى...........خلاص شغل الجمارك و الهبل الى زوااااااال

ليه مش مصدق ان يكون فيه 30%؟؟؟؟ لو المقاطعة استمرت بقوة هتشوف العجب.......و احنا لسه فى نص فبراير.......لسه الصيف وبلاويه.......و لسه اللأزمة لما تشد على الناس كلها......
و العربية هتنتج من مصانع اليابان بأرخص من دلوقتى عشان البترول و الحديد نزلوا اللأرض.......
و مكونات العربية الكورى اللى بتتجمع فى مصر رخصت عن الأول......

كل دى اسباب منطقية..............

ايه بقى اسباب اننا المفروض منحلمش غير ب 5% و لا 10%.؟؟؟؟؟؟؟؟؟؟؟؟؟؟

ادونى أمااااااااااااااااااااااا اارة!!!!!

و شكرا و اعذرنى اذا كنت بتكلم بحماس......

**Hosam_Optrawy** · 14-02-2009 03:17 PM

انا بس عايز اسأل حضرتك حاجه
عدد الناس اللى منضمين لحملة خلوها تصدى وعارفين الحمله وبيقعدوا عالنت وبتاع
كام % من اجمالى الناس اللى بتشترى عربيات ؟
واصلا كام % من اعضاء حملة خلوها تصدى واخدين الموضوع جد مش موضه وفيس بوك وبتاع؟
اللى الناس مش مقتنعه بيه
ان الناس مبتشتريش لعدة اسباب بعيد عن الحمله
اولا ناس كتير خسرت بسبب الازمه العالميه فى البورصه وخلافه
السبب التانى ان الشعب كله مترقب ايه اللى هيحصل فى الاسعار عشان ميشتروش غالى ويرخص بعد كدا ومش هيصبروا كتير
لو عايز دليل على كلامى
شوف خلال الشهر ده منصور هيبيع كام عربيه
وشوف على الصيف اللى العربيات بتغلى فيه اصلا شوف الناس هتشترى بهبل زى العاده ولا لأ