مشكله مش عارفلها حل

**geedo** · 13-02-2009 02:51 AM

انا عندى لانوس 99
المشكله بدأت عندى بعد ما غيرت بليى العجل الأمامى من بعدها بكام يوم يصدر صوت حكه لما بدوس فرامل مصدرها العجل الأمامى ساعات تبقى العجله الشمال و ساعات اليمين ... المهم الميكانيكى كل ما يفك التيل يقولى مفيش فيها اى مشكله و بعد ما يركبو تانى صوت الحكه يرووح و الدنيا تبقى فل .. مفيش كام يوم الصوت يرجع تانى و بردو نفس القصه كل ما الميكانيكى يفك التييل و يركبه تانى الصوت يرووح...و بعد كام يوم يرجع تانى و لما زهقت أستسلمت للأمر الواقع و تجاهلت صوت الحكه لقيت الدركسيون بعد كده بيغربل مع الفرامل و كمان و انا ماشى تحت ال80 قلت دى الطنابير باظت رحت جايب تيل و طنابيير جداد بالرغم ان الميكانيكى لما فكها قالى انها مش محتاجه تغيير بس انا خاليته يغيرها احتياطى علشان مابقتش طايق الغربله و الحكه دى ... و بعد كام يوم الصوت رجع تانى !!!!!
رحت ظبط الزوايا و رصصت و مفيش أى جديد كل ما الميكانيكى يفك التييل و يركبو تانى تتظبط الحكه و ميبئاش فى غربله ولا أى حاجه و ترجع بعد كام يوم تبوظ تانى .
انا أتخنئت من العربيه بصراحه و مش لاقى حل للمشكله دى مع العلم انى رحت لأتنين ميكانيكيه و معرفوش ايه السبب
أرجو أللى عندو حل ينجدنى بيه
جزاكم الله خيرا

**samirayad** · 13-02-2009 07:33 AM

أولا ....أهنيك على عرضك الرائع للموضوع بكل ملابساته......وده هو المفروض علشان نعرف نفكر معاك كويس.......

ثانبا ....كان الله فى عونك لأنه فعلا عيب خبيث

نرجع بقه لموضوعنا....وهأسألك سؤال برضه أو أكثر علشان أجمع معلومات أكتر وعلشان نفكر معاك بطريقه صح ومقولش أى كلام.....

1-مكنتش الظاهره بتاعة الحكه دى موجوده خالص قبل عمل الشغل بتاع تغيير البلى ده

2-هل الميكانيكى اللى غير البلى هوهو اللى غير بعد كده الطنابير والتيل....

3-ايه أخبار الفرامل معاك (قويه وكويسه)ولا بدأت تخف شويه من بعد تغيير البلى الأمامى

4-حاول تجرب كده برضه بعد ماتعمل مشوار عادى أول ماتزل من العربيه تجس حراره الأربع فرد....وشوف وقولنا وبالذات أتأكد أنك لاحظت أن حرارة الفردتين....الجنوط طبعا مش الكاوتش (ألأمامى يمين والخلفى شمال ).........حيكون معدل السخونه بتاعهم زى حرارة الفردتين(الأمامى شمال والخلفى يمين)...وشوف كده وأنقل الصوره عن الفرق فى الحراره اللى أنت حسه

5- أنت محستش أن دواسة الفرامل بدأت تخف معاك شويه كده...وبقت خفيفه شويه تحت رجلك

**akramesg** · 13-02-2009 02:33 PM

بتابع معاكو بس عشان نفس العيب فى عربية اخويا وقرب يتجنن وغير نفس الحاجات الصراحة افتكرتو اخويا اللى كاتب المشكلة ولونى عارف انة مبيخشش عالمنتدى

**Sherif Khalifa** · 13-02-2009 03:59 PM

صورت العجل ملوحة
ممكن الكشف عليها بانك تفك العجل و ترفع العربية و تدى حارة و تدور العربية
الطبورة هتلف معاك

ممكن تلاحظ الرفة دى بالنظر او ممكن تسبت اى مفك و اى حاجة مستقيمة سابتة على الطبنبورة و شوف سطح الطنبورة بيروح و يجى امام الحاجة المستقيمى دى

**geedo** · 14-02-2009 02:17 AM

المشاركة الأصلية كتبت بواسطة samirayad

أولا ....أهنيك على عرضك الرائع للموضوع بكل ملابساته......وده هو المفروض علشان نعرف نفكر معاك كويس.......

ثانبا ....كان الله فى عونك لأنه فعلا عيب خبيث

نرجع بقه لموضوعنا....وهأسألك سؤال برضه أو أكثر علشان أجمع معلومات أكتر وعلشان نفكر معاك بطريقه صح ومقولش أى كلام.....

1-مكنتش الظاهره بتاعة الحكه دى موجوده خالص قبل عمل الشغل بتاع تغيير البلى ده

2-هل الميكانيكى اللى غير البلى هوهو اللى غير بعد كده الطنابير والتيل....

3-ايه أخبار الفرامل معاك (قويه وكويسه)ولا بدأت تخف شويه من بعد تغيير البلى الأمامى

4-حاول تجرب كده برضه بعد ماتعمل مشوار عادى أول ماتزل من العربيه تجس حراره الأربع فرد....وشوف وقولنا وبالذات أتأكد أنك لاحظت أن حرارة الفردتين....الجنوط طبعا مش الكاوتش (ألأمامى يمين والخلفى شمال ).........حيكون معدل السخونه بتاعهم زى حرارة الفردتين(الأمامى شمال والخلفى يمين)...وشوف كده وأنقل الصوره عن الفرق فى الحراره اللى أنت حسه

5- أنت محستش أن دواسة الفرامل بدأت تخف معاك شويه كده...وبقت خفيفه شويه تحت رجلك

ـــــــــــــــــــــــــ ـــــــــــــــــــــــــ ــــــــــ

أولا أشكرك يا باشا على أهتمامك
1- ظاهره الحكه دى ماكنتش موجوده خالص
2- الميكانيكى أللى غير الطنابير و التيل مش هو أللى غير البللى
3- الفرامل معقوله و متغيرش حالها بعد ما غيرت البللى ... انت عارف ان فرامل اللانوس أى كلام أصلا
فكره انى أشوف العجل سخن و لا ايه نظامه دى فكره جامده هاجرب و هاقولك .. انا عارف قصدك انك شاكك ان التيل ملمس فى الطنابير على طول و مش بيفك عنها كويس علشان كده بتغربل معايا و انا ماشى ... انا بردو شاكك جدا فى الموضوع ده ... أدينى هاجرب و هاقولك ان شاء الله.

**samirayad** · 14-02-2009 06:49 AM

ربنا ...ييسرلك يا أخى....والصراحه عندى كمان شك فى كفاءة ماستر الفرامل.........عموما أحنا مع الليله للآخر.....وطالما بنفكر يبقى حنوصل باذن الله......

**Sherif Khalifa** · 14-02-2009 08:55 AM

صورت العجل ملوحة
ممكن الكشف عليها بانك تفك العجل و ترفع العربية و تدى حارة و تدور العربية
الطبورة هتلف معاك

ممكن تلاحظ الرفة دى بالنظر او ممكن تسبت اى مفك و اى حاجة مستقيمة سابتة على الطبنبورة و شوف سطح الطنبورة بيروح و يجى امام الحاجة المستقيمى دى