النور بيعلى لما ادوس بنزين

**wardet** · 13-02-2009 02:58 AM

عندى مشكلة ان النور بتاع العربية كله بيقوى لما ادوس بنزين
واول ما اشيل رجلى بيضعف تانى
هل دا طبيعى ولا فيه مشكلة؟؟

**maka** · 13-02-2009 03:42 AM

يبقى كده اما الدينامو ضعيف اما السلانسية هادى وعاوز يتزود

**aYaBooY** · 13-02-2009 01:44 PM

روح قيس شحن الدينامو علشان كدة شكلة ضعيف او ممكن يكون الموتور عندك عاوز يعلي و ممكن حاجة كانت خاصلت معايا زمان و فعلا روشتني لحد ما وصلت انه يكون فيه سلك مهرب او ملمس و ممكن برده يكون سلك الارضي مفحم و عموما المشكلة كلها حلها عند الكهربائي

**Mr_H** · 13-02-2009 01:50 PM

أعتقد ان المشكلة في كتاوت النور لان الدينامو بيزود الشحن مع زيادة لفات الموتور والكتاوت وظيفته تثبيت الكهرباء الواصلة للمبات ..
دا رأي والله اعلم

**nabaster** · 13-02-2009 02:30 PM

بعد كلام الساده الاعضاء مبقاش في كلام تاني اصراحه

بس اضافه صغيره بس عليهم ابقي زود (السمك) بتاع اسلاك العربيه الرئيسيه الي جاي من البطاريه (الارضي و المارش)

ده يا باشا هيعمل معاك فرق كبير ان شاء الله

**tananybasha** · 13-02-2009 09:47 PM

دينامو و ممكن كتاوت و ممكن الشربون بتاع الدينامو او السير مفوت

**eldeplomasy** · 13-02-2009 10:00 PM

المشكلة عندك تتلخص في

يبقى كده اما الدينامو ضعيف اما السلانسية هادى وعاوز يتزود

روح لكهربائي تثق فيه وفي شغله

والسلالالالالالالالالالال الالالام ختااااااااااااااااااااااا اااااااااااااام

**samirayad** · 13-02-2009 10:09 PM

المشاركة الأصلية كتبت بواسطة wardet

عندى مشكلة ان النور بتاع العربية كله بيقوى لما ادوس بنزين
واول ما اشيل رجلى بيضعف تانى
هل دا طبيعى ولا فيه مشكلة؟؟

ممكن تكون دايره توزيع الكهرباء كلها (فيها)سلك ملمس أرضى....وبيهرب كهربه للأرضى ولما بتزود بنزين النور قوته بتزيد....علشان بيكون معدل شحن الدينامو أكبر من التهريب الأرضى.....ولما بترفع رجلك على السلانسيه بيكون شحن الدينامو ضعيف....وعلشان كده بيكون معدل التهريب للكهرباء للأرضى أكبر من شحن الدينامو.....وبتظهر معاك الحاله دى........ومن الأخر أنت محتاج كهربائى كويس علشان يفحص الدايره ويشيل الأرضى ده.........دى وجهة نظر المتواضعه..... مع أحترامى لجميع الآراء

المشاركة الأصلية كتبت بواسطة mohamed2002

عندي نفس المشكلة ,لما بزود بنزين النور بيعلي (نور الفوانيس الامامية,نور الخلفي ايضا,نور الكاسيت)

أنت عارف يا أستاذ/محمد تقريبا برضه عندك مشكله فى الأتصال الأرضى للعربيه.....وده اللى بيخللى البطاريه عندك تفضى بأستمرار وبالذات لما تسيب العربيه كذا يوم بدون تشغيل لتعويض المفقود من شحنة البطاريه بالدينامو(دا لو شغلت العربيه باستمرار) وعلشان كده بتقابلك مشكلة صعوبة الدواره لما بتسيب العربيه كذا يوم بدون تدوير..........تقبل تحياتى

الموضوع: النور بيعلى لما ادوس بنزين

LinkBack

أدوات الموضوع

عرض

-

-

-

-

المواضيع المتشابهه

طرمبة الميه مش بتقلب الا لما ادوس بنزين

التكييف مش بيشتغل حلو الا اما ادوس بنزين جامد

لمبة الدينامو ولازم ادوس بنزين كل مرة اشغل العربية

رعشه فى النور ع السلانسيه ولما ادوس بنزين بتثبت وقوة النور تزيد

مشكلة فى كهرباء الاكسيل -النور بيعلى ويوطى لوحده-

الكلمات الدلالية لهذا الموضوع

المفضلات

المفضلات

ضوابط المشاركة