سمعت عن خلافات بين وزارة المالية و نقابة الصيادلة بخصوص فرض ضرائب على الصيدليات بأثر رجعي أو حاجة زي كده.
يا ريت اللي عنده معلومات عن الموضوع ده من صيادلة المنتدى ينورونا.
سمعت عن خلافات بين وزارة المالية و نقابة الصيادلة بخصوص فرض ضرائب على الصيدليات بأثر رجعي أو حاجة زي كده.
يا ريت اللي عنده معلومات عن الموضوع ده من صيادلة المنتدى ينورونا.
النهاردة فى اجتماع طارئ فى النقابة عشان يشوفوا هيعملوا اية فى موضوع الضرائب بس لسة مفيش اخبار
عموما احب اطمنك نقابتنا اخرها تشجب و تستنكر و تتوسل اكتر من كدة مفيش و البركة فى نقيبنا د/ذكريا جاد :banghead:
موضوع قديم واعيد فتح ملفه لان اغلب الصيدليات تبيع كلينيكس وعطور وحفاضات اطفال وهذا خارج نطاق الدواء فى نظر الضرائب
وبالتالى تطالبهم بضرائب على هذه الاشياء
معلش .... مصلحة الضرائب اتجننت ... الدور على الأطباء
متعرفوش إنكوا لازم تعملوا فواتير مقابل الكشف .... وإلا :k26:
أراهن ......... زوبعة والموضوع حيتلم ....
خلاص طيب يبقى الصيدليات تبطل بيع أدوات تجميل و تخليها دوا بس و هي تتحل.. و لا ايه؟ :girlsthink:
المشكلة مش في أدوات التجميل .... هما ليهم نظام خاص لأنهم مبيعتبروش تجار ... بيعتبروا موزعين بالعمولة ... وليهم وضع خاص في الضرائب .... ولازم يتمسكوا بموقفهم بحزم ... لأن ما ينفعش يطبق قرار فجأة وبأثر رجعي
ده اتفاق تحاسبي يعني مش تعليمات منفردة من جانب المصلحة ... ده اتفاق المصلحة طرف من اطرافه
هيـــــــــــــــــــــــ ــــــه دنيــــــــــــــــــــــ ــــــــــا
عفوا أخي العزيز
كلامك غير صحيح بالمره وأرجو من حضرتك التاكد من المعلومات قبل وضعها لأن الموضوع مالهوش صله لا من قريب ولا من بعيد لا بالمناديل ولا بالبامبرز
الموضوغ كالاتي:
عند وضع قانون الضرائب الجديد المعمول به من سنة 2005
تم الاتفاق بين نقابة الصيادله ومصلحة الضرائب على اسس التي سيتم محاسبة الصيدليات وكيفية دفع الضرايب.. على اعتبار الصيدليه مشروع صغير..
والصيدلي بيقدم اجمالي مسحوباته من شركات الدواء بخطابات رسميه من الشركات توضح اجمالي المسحوبات خلال العام
ومنها بيحسب الصيدلي ارباحه ومصاريفه وقيمة الضرايب
وتم العمل بهذا الاتفاق حتى جاء رئيس المصلحه الجديد اشرف بيه العربي
الذي ألغى الاتفاق وقرر معاملة الصيدليات على انها مشروع كبير وملزمه بامساك دفاتر
7 دفاتر مش عارف دفتر مصروفات وايرادات وموظفين ومش عارف ايه تاني كده حاجات كتيييير...
وده طبعا شيء صعب جدا لأن مشروع صغير وأقوم باداره الصيدليه لوحدي..
والرئيس الجديد بيطالب انك تكتب كل حاجه صغيره وكبيره في الدفاتر..
وطبعا الدفاتر دي بتكون في الشركات والمؤسسات الكبرى وليس المشاريع الصغيره..
الأسوأ من كده انه بيطالب بتقديم الدفاتر بأثر رجعي من 2005 والا سيتم تحويل الصيادله الى التهرب الضريبي
-انا حضرت الجمعيه العموميه واتخذنا عدة قرارات للضغط على رئيس المصلحه ووزير الماليه
وان شاء الله هايكون فيه اضراب من يوم الاثنين
ودي صور انا صورتها من الوقفه الاحتجاجيه
http://photos-g.ak.fbcdn.net/photos-...39478_5971.jpg
http://photos-f.ak.fbcdn.net/photos-...39477_5707.jpg
http://photos-e.ak.fbcdn.net/photos-...39476_5444.jpg
http://photos-g.ak.fbcdn.net/photos-...39470_4188.jpg
جامدة جدا الصورة الأخيرة يا دكتور أحمد :)
البطيخات الثلاث :)
على رأي اللافتة المكتوبة "حكومة بترجع في كلامها"
النهاردة الإضراب؟ هو يوم واحد بس؟
دي بقت حاجة بصراحة فوق العادي و ضغط علي الاعصاب المواطن هيتحمل ايه ولا أيه ؟؟؟
معظم صيدليات بنها مشاركة فى الاضراب
هو لعدة ساعات وللا أيام ، وفى نفس الوقت وللا إيه؟
فعلا، احنا قفلنا كل الصيدليات لغاية الساعة 6 ، دول فاكرين كل الصيدليات بتبيع عطور و لعب اطفال و اكسسوارات، يعنى بالعقل كده لما صيدلية بتبيع بربع جنيه اسبرين، يبقى تطلع عليها فاتورة و تسجلها فى دفتر؟
عموما فى كل منطقة هتبقى فى صيدلية فاتحة 24 ساعة و و كل الصيدليات هتفتح من 6 - 12 مساء.
سبب المشكلة دى يا جماعة مش وزير المالية برده !!
انا شفت دريم امبارح كان عضو من الجميعة العمومية بيقول ان وزير المالية عاوز منهم ضرائب خيالية ...
طب لما بيعملوا كده مع الصيادلة والاطباء وكان لسه فى مشكلة اطباء الاسنان ..
طب هيعملوا ايه مع الناس الغلابة بقي !!..
بابا راح يشتري دوا دلوقتي قالوله مش بنبيع :O_stupid[1]:هما فاتحين بس مش بيبيعو:C_laugh[1]:
فعلا الاضراب واضح
كل الصيدليات قافله هنا فى طنطا
وعربيات اسعاف بتلف بيميكروفنات
بيقولوا على منافذ البيع المفتوحه فى المستشفيات
طبعا احنا مع الصيادله ضد الجبايه
بس يا ترى لو حد محتاج دوا ومش عارف يجيبه
برده هيكون معاهم
اخواني واعزائي في المنتدى
مستعد للاجابه عن اي استفسار بخصوص الازمه القائمه بيننا نحن الصيادله وبين مصلحة الضرايب..
بالنسبه لمحافظة القاهره الكبرى الاغلاق هايكون من 10 صباحا حتى السادسه مساء..
http://photos-d.ak.fbcdn.net/photos-...45275_4551.jpg
إيه رد فعل الوزير ومصلحة الضرائب لإضراب اليوم؟
ربنا يوفقكوا ..
الغريب ان مصالح حكومية كتير عليها كهرباء بأرقام خيالية .. ما يحسبوهم وبعدين ييجوا ع الناس الي بتعالج البشر :eee:
و وزير الصحة متضامن مع الإضراب.
+111111111111111111111111111111اقتباس:
طبعا احنا مع الصيادله ضد الجبايه
الاضراب مش يوم واحد، مستمر حتى اشعار اخر
امبارح قالو ان الاضراب لغاية يوم السبت:O_stupid[1]::O_stupid[1]:
ويراعا التجديد فالميعاد:C_laugh[1]::C_laugh[1]: (من عندي دي)
اسف انا ضد الاسلوب ده وبدون شرح
أكد عدد من مسؤولى شركات الأدوية أن إضراب الصيادلة لن يؤثر على نشاط شركاتهم أو مستوى مبيعاتها إلا إذا استمر أكثر من أسبوع، موضحين أن التعامل يتم بصورة مباشرة مع شركات التوزيع التى تحدد احتياجاتها الأسبوعية، وأنها لن تتوقف عن الشراء إلا بعد تفاقم الأزمة وتوقف الصيدليات عن البيع والشراء منها مدة طويلة
واللى يموت يموت
والله يا محمد الواحد مبقاش عارف يبقي مع ولا ضد :T_thum1[1]::T_thum1[1]:الناس دي طالع عنيها زينا بس احنا بقي بيطلع عنينا مرتين مره عادي زي الشعب ومره لما جهه تعمل اضراب
امبارح وانا بتفرج علي التقارير فالتلفزيون صعب عليا الناس اللي عايز دوا ومش لاقي صيدليه فاتحه واللي عايز ياخد حقنه ومش عارف برده حاجه تقطع القلب
والحكومه مبسوطه تقولك يلا خليهم يخلصو:Zb_sor1[1]:
المفروض اننا كلنا نضغط على الحكومة عشان تبطل استعباط، مش الصيادلة بس.
أنا مع اضراب الصيادله قلبا وقالبا ومع اي فئه من الشعب المصري بتقف امام ***** الحكومه لأخذ حقوقها ... كفايه نهب وسلب في الشعب بقى
========
تنبيه مشدد للعضو
لقد خالفتم القاعدة رقم 9
الاضراب كان امبارح من 10 إلى 12 ساعتين بس في اليوم
وهايزودوا ساعة كل يوم لغاية يوم الخميس
بس مش عارف ليه حاسس بمباركة حكومية للإضراب
زي ما يكون تصفية حسابات بين الحكومة ووزير المالية
****************************لما يكون صاحبك عيان و محتاج حقنة معفنة موجودة في اي صيدلية و لإن البشوات مأجزين يبقى بين الحياة والموت...و يصل الأمر لأنك تعيط انت وهوا من الخضة عليه لإنه بيقطع في النفس..ولأسباب غاية في المهزلة الصيدليات دي قافلة...ساعتها بس كل المؤيدين للمهزلة دي هيعرفوا إن دا ضد أبسسسسسط مبادئ الآدمية!
عموماً...أشمعنى دول الواحد هيستنى منهم يبقو كويسين؟
برجاء مراعاه الالفاظ
مشرف فرعي 1
العشوائية درجات يعنى مثلا الاسبوع اللى فات الحكومة قللت سعر فايدة البنك 1 %عشان تساعد المتعثرين انهم يخدوا فلوس من البنك وبالتالى كل عامة الشعب اللى حاتة فلوسها فى البنك هتخسرولسة المتوقع ان الفايدة تقل كمان
وبيدرسوا اليومين دول انهم يقللوا قيمة الجنية امام الدولار زى ماعمل عاطف عبيد ودة عشان يساعد المصدرين ان الانتاج مايقفش والناس تعد فى البيت
انا شايف ان الحكومة هتحاول تاخد فلوس من كل حتة واللى هايقف قدامها هتدوسة:khd::khd:
ال انا فهمته انهم فاتحين ومش بيبيعو الا الحجات الضروريه بس والصيدليات اللي قافله بيبقي مكتوب علي بابها اسم الصدليه اللي فاتحه جنبها للطواريء وكل حي صيدلياته قافله بيقي في صيدليه فاتحهاقتباس:
**************!. لما يكون صاحبك عيان و محتاج حقنة معفنة موجودة في اي صيدلية و لإن البشوات مأجزين يبقى بين الحياة والموت...و يصل الأمر لأنك تعيط انت وهوا من الخضة عليه لإنه بيقطع في النفس..ولأسباب غاية في المهزلة الصيدليات دي قافلة...ساعتها بس كل المؤيدين للمهزلة دي هيعرفوا إن دا ضد أبسسسسسط مبادئ الآدمية!
عموماً...أشمعنى دول الواحد هيستنى منهم يبقو كويسين؟
بس اي حد مكانهم هيحاول يعمل اي حاجه عشان ياخد بيها حقه
فعلا في صيدليات فاتحه ومش بتبيع بس الحق يبتقال بابا امبارح راح يجيب الدوا امتنعو عن البيع وقالوله احنا هنبعتلك الدوا وفعلا بعتوه علي طول بس للاسف ده مش هيحصل مع كل الناس
وزارة الصحة والسكان خصصت ثلاثة خطوط لتلقى الشكاوى من المرضى والمواطنين فى حالات نقص الأدوية أثناء الاضراب وهى : خط أرضى ساخن بوزارة الصحة برقم 105 وخط أرضى للتأمين الصحى برقم 2392055 ورقم موبايل 0125274769 والخط الساخن للشركة المصرية للادوية برقم 08007777771
انا قولت احط الارقام بس يا رب ما حد يحتاجها وربنا يشفي الجميع
كل موظفي البلد بيدفعو ضرايب على دخلهم بنسبة 20% من الدخل الاجمالي (بعد خصم اعفاءات مجموعها 9000 سنوياً).اقتباس:
المفروض اننا كلنا نضغط على الحكومة عشان تبطل استعباط، مش الصيادلة بس
وبما ان المساواه في الظلم عدل. فلا يجوز اعفاء فئة من المواطنين من دفع الضرائب.
و للعلم مطالب وزارة المالية لا تختص بتطبيق قانون بأثر رجعي
قانون الضريبه على الدخل الصادر سنة 2005 واضح. و يتضمن بنود تحدد المنشآت الخاضعة للضريبة بناءاً على رقم أعمالها السنوي
والصيادلة لا يجهلون القانون
لكنهم يتلاعبون بالكلمات لاثارة الشعب و كسب تأييد لحملتهم التي تهدف في الاساس لمكاسب شخصية بحته ويمكن تلخيصها بعبارة واحدة وهي " التهرب من سداد الضرائب"