استفسار - سيراتو

**ethan82** · 13-02-2009 03:55 PM

ياجماعه لو حد يعرف ممكن يكون ايه سبب ان الباور عندي بقي تقيل بطريقة ملحوظه مع العلم اني كشفت علي الكاوتش وضغط الهواء.

انا عامل 15000 كيلو حتي الأن وكنت في صيانة ال 10000 وقلتلهم علي المشكلة دي وقالولي ان كان الضغط مش مظبوط . وكمان كنت قايلهم ان الدبرياش تقل هوا كمان بس دي حلوها وقالو ان الدبرياش كان واخد هواء . ياريت حد يفهمني يعني ايه كان واخد هواء واذاي مخليهوش ياخد هواء.
علي فكره عربيتي مانيوال وياريت حد يفيدني في موضوع الباور لأن بصراحه انا فعلا مشغول جدا ومش عارف اروح التوكيل.

شكرا

**ahmed_su** · 13-02-2009 09:07 PM

المشاركة الأصلية كتبت بواسطة ethan82

ياجماعه لو حد يعرف ممكن يكون ايه سبب ان الباور عندي بقي تقيل بطريقة ملحوظه مع العلم اني كشفت علي الكاوتش وضغط الهواء.

انا عامل 15000 كيلو حتي الأن وكنت في صيانة ال 10000 وقلتلهم علي المشكلة دي وقالولي ان كان الضغط مش مظبوط . وكمان كنت قايلهم ان الدبرياش تقل هوا كمان بس دي حلوها وقالو ان الدبرياش كان واخد هواء . ياريت حد يفهمني يعني ايه كان واخد هواء واذاي مخليهوش ياخد هواء.
علي فكره عربيتي مانيوال وياريت حد يفيدني في موضوع الباور لأن بصراحه انا فعلا مشغول جدا ومش عارف اروح التوكيل.

شكرا

بص ياسيدى الدبرياج كان واخد هواء لانه يعمل

بضغط زيت الباكم يعنى دورة زى دورة الفرامل

زيت ومكبس وكمان اللى اعرفه انه مشترك مع خزان

زيت الفرامل, بس هما مافسروش كان واخد هواء ازاى ؟!!

هل مستوى زيت الباكم كان نقص؟!! واذا كان كذلك ايه السبب ؟؟

اما بخصوص الباور فراجع على مستوى زيت الباور فى خزان

الزيت ويحب ان يكون بين العلامة MIN و MAX واذا كان

ناقص ابحث عن اى تسرب .

**max_ziro** · 14-02-2009 03:44 PM

دور على اى تسريب و زود الزيت لو ناقص انما لو غير كدة اطلع على التوكيل لان لما الباور بيتقل بدون اى تسريب دة بيكون عبارة من تسريب داخلى للكويل سيل الى جوا الاسكاطرة و اى تسريب بيقلل من نسب ضغط الزيت داخل الاسكاطرة ف انت بتعوض عنة بايدك و الى بيظهر فى صورة تقلان الباور و التسريب الداخلى دة مبيظهرش برة يعنى مبيخليهاش تنقط زيت
و إن شاء الله يكون حلها بسيط ...