الموضوع: الشكمان بيجيب زيت او بنزين

بس برضة عاوز اعرف هل دة بنزين ولا زيت ولا مياه؟؟؟
قال لي واحد عنده خلفية كويسة في الميكانيكا ان دي غالبا مياه لان شبه استحاله يكون زيت او بنزين ,بس انا شايف انها هببت يدي بس مش زيت لان لو زيت كان حيكون واضح

المشاركة الأصلية كتبت بواسطة nabaster

بص يا باشا 98% ده زيت والاحتمال التاني يكون بنزين بس فيه اثر عادم

شكرا لردك بس دة لو زيت دي تبقي مشكلة كبيرة اكيد ولا اية؟

المشاركة الأصلية كتبت بواسطة samirayad

شوف يا أبوحميد.....أنت قولت أن الزيت مقاسه كويس ومبينقص..............والعادم الأسود ده حيكون بسبب عدم كفاءة البوجيهات(الشراره بتاعتها ضعيفه)....والحريق بيبقى نىء فى البدايه ولما بتمشى بالعربيه والمكنه بتسخن (الحراره داخل غرف الحريق بتيقى زادت وبتعمل تحميص لحظى للبوجيهات وبيبقى ماشى الحال).....وأكيد حتلاقى سحب العربيه مش حلو معاك أول متطلع بالعربيه.....وأكيد أختلف عن زمان.....الكلام ده فى البدايه فقط......بس أما بتمشى بالعربيه والحريق يشد حيله والبوجيهات كفأتها تزيد بسبب أرتفاع حرارة غرف الحريق(مش حتحس بفرق فى السحب فى الوقت ده بس).....بس فى البدايه أكيد الوضع مش حلو

والخلاصه بقه دلوقتى أن ده بنزين نىء محترق جزئيا....مختلط بالماء اللى تكثف فى الشكمان(نظرا لطبيعة رطوبة الجو فى عروس البحر الأبيض المتوسط....فى اليومين دول)

حضرتك جبت النهاية وخصوصا نقطة السحب في الاول لان العربية بتنتش شوية في اول دقيقة لغاية ما تسخن تمام تبقي 10/10,انا لما شفت الشكمان لقيت اللي طالع منه مش زيت لانه لو زيت حيبان في اليد كويس ومكنش حيطلع بسهولة ,مكنش ريحة بنزين برضه غالبا ,مياه +بنزين علي هباب اسود جامد
وشكرا لك مهندس سمير

المشاركة الأصلية كتبت بواسطة mohamed2002

حضرتك جبت النهاية وخصوصا نقطة السحب في الاول لان العربية بتنتش شوية في اول دقيقة لغاية ما تسخن تمام تبقي 10/10,انا لما شفت الشكمان لقيت اللي طالع منه مش زيت لانه لو زيت حيبان في اليد كويس ومكنش حيطلع بسهولة ,مكنش ريحة بنزين برضه غالبا ,مياه +بنزين علي هباب اسود جامد
وشكرا لك مهندس سمير

دا أنت كمان تلاقيك ساكن على البحر يا أبوحميد.....وأى خدمه ...بس برضه أهم حاجه الامتحانات دلوقتى............

المشاركة الأصلية كتبت بواسطة samirayad

دا أنت كمان تلاقيك ساكن على البحر يا أبوحميد.....وأى خدمه ...بس برضه أهم حاجه الامتحانات دلوقتى............

عرفتها منين دي:)؟انا امتحاني حيبدا في مارس فمش عاووز اشغل نفسي بيها بس اللي قلقني الموضوع بتاع العضو زميلنا اللي بيشكي من النور وقال ان البطارية قطعت مرة واحدة! فلو كدة اروح للكهربائي ولا اصبر؟خصوصا انها مرة من المرات عملت حاجة غريبة(كنت راكن بجيب حاجة جيت ادورها مبتدورش خالص كاني محطتش المفتاح اصلا ,قمت دوست علي القواطيش بايدي فقط دارت)ومرة تانية جيت ادورها عطتني انها فاضية وبعد كدة دارت فيا تري نعجل بالذهاب لكهربائي؟